• വെഞ്ഞാറമൂട് കൂട്ടക്കൊലപാതക കേസില്‍ പ്രതി അഫാന്റെ അറസ്റ്റ് രേഖപ്പെടുത്തി.
പാങ്ങോട് പൊലീസ് മെഡിക്കല്‍ കോളേജില്‍ എത്തിയാണ് അറസ്റ്റ്
രേഖപ്പെടുത്തിയത്.
• വേനൽച്ചൂടിനൊപ്പം സംസ്ഥാനത്തെ വൈദ്യുതി ഉപയോഗവും കുതിക്കുന്നു. ഫെബ്രുവരിയിൽ വൈദ്യുതി ആവശ്യം ശരാശരി 89.5 ദശലക്ഷം യൂണിറ്റിലെത്തി.
• കേരള ഫുട്‌ബോൾ അസോസിയേഷന്റെ ജനറൽ സെക്രട്ടറിയായി ഷാജി സി
കുര്യനെ നിയമിച്ചു. പി അനിൽകുമാറിന്‌ പകരമാണ്‌ ഷാജി ചുമതലയേൽക്കുന്നത്‌.
• രാജ്യത്തെ 140 കോടി ജനങ്ങളില്‍ 100 കോടിപ്പേര്‍ക്കും വിവേചനാധികാരത്തോടെ
ചെലവഴിക്കാനുള്ള വരുമാനമില്ല. 10 ശതമാനം വരുന്ന സമ്പന്നര്‍ക്ക് മാത്രമേ
ആവശ്യാനുസരണം വരുമാനം ചെലവഴിക്കാന്‍ സാധിക്കുന്നുള്ളുവെന്ന് വെഞ്ച്വര്‍
കാപ്പിറ്റല്‍ കമ്പനിയായ ബ്ലൂം വെഞ്ചേഴ്സ് തയ്യാറാക്കിയ റിപ്പോര്‍ട്ടില്‍
പറയുന്നു.
• ഹണി ബഞ്ചമിനെ കൊല്ലം കോർപ്പറേഷൻ മേയറായി തെരഞ്ഞെടുത്തു. ഡെപ്യൂട്ടി മേയറായി എസ് ജയനും തെരഞ്ഞെടുക്കപ്പെട്ടു.
• മൂന്നുമാസത്തെയും കുടിശികയും ഇൻസെന്റീവും ഉൾപ്പടെ ആശാ വർക്കേഴ്സിന് ജനുവരിയിലെ ഓണറേറിയം അനുവദിച്ചു.
• എസ്എസ്എൽസി, പ്ലസ് ടു തലങ്ങളിൽ സ്റ്റുഡന്റ് പൊലീസ് കേഡറ്റ് പരിശീലനം
വിജയകരമായി പൂർത്തീകരിക്കുന്ന വിദ്യാർത്ഥികൾക്ക് പിഎസ്‌സി വഴിയുള്ള യൂണിഫോം
സർവീസുകളിലെ നിയമനത്തിന് വെയിറ്റേജ് അനുവദിക്കാൻ സംസ്ഥാന സർക്കാർ തീരുമാനം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.