Ottathai എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
Ottathai എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

#World_Water_Day : ഈ കുരുന്നുകൾ നല്ല നാളേക്ക് പ്രതീക്ഷയേകുന്നു : ലോക ജല ദിനത്തിൽ പറവകൾക്ക് ദാഹജലവുമായി ഒറ്റത്തൈ ഗവ. യു പി സ്കൂൾ വിദ്യാർഥികൾ.

ആലക്കോട് : ലോക ജലദിനത്തിൽ പറവകൾക്ക് ദാഹജലം നൽകുന്ന
"തുള്ളിക്കൊരു കുടം" പദ്ധതി ആരംഭിച്ചു. വേനൽച്ചൂടിൽ വറ്റിവരണ്ട ജലാശയങ്ങളും നീരുറവകളും പക്ഷിമൃഗാദികൾക്ക് ഭീഷണിയാവുമ്പോൾ വൃക്ഷശിഖരങ്ങളിൽ വെള്ളം നിറച്ച പാത്രങ്ങൾ സ്ഥാപിച്ച് പറവകൾക്ക് തുണയാവുകയാണ് ഒറ്റത്തൈ ഗവ. യു പി സ്കൂൾ ഇക്കോ ക്ലബ്ബ് നേതൃത്വത്തിൽ വിദ്യാർത്ഥികളും രക്ഷിതാക്കളും.

ശേഖരിച്ച് വെച്ച വെള്ളം തീരുമ്പോൾ ആവശ്യത്തിന് ജലം നിറയ്ക്കും. അവധിക്കാലത്തും ഈ പദ്ധതി തുടരാനാണ് ലക്ഷ്യമെന്ന് പ്രധാനാധ്യാപിക എം.കെ ഉമാദേവി അറിയിച്ചു.


പരിസ്ഥിതി പ്രവർത്തകനും സർഗ്ഗവേദി റീഡേഴ്സ്  ഫോറം പ്രവർത്തകനുമായ എ ആർ പ്രസാദ് ഉദ്ഘാടനം ചെയ്തു. സ്റ്റാഫ് സെക്രട്ടറി കെ ആർ രശ്മി  അധ്യക്ഷനായി. സ്കൂൾ ലീഡർ എബിൻ ജോമി ആശംസ നേർന്നു.പ്രധാനാധ്യാപിക എം.കെ ഉമാദേവി സ്വാഗതവും ഇക്കോ ക്ലബ്ബ് കൺവീനർ കെ ലീല നന്ദിയും പറഞ്ഞു.


ഒറ്റത്തൈ ഗവ: യു പി സ്കൂളിൽ സംഘടിപ്പിച്ച " തുള്ളിക്കൊരു കുടം" പദ്ധതി എ ആർ പ്രസാദ് ഉദ്ഘാടനം ചെയ്യുന്നു.

#Ottathai : പൊതു വിദ്യാലയങ്ങളെ മികവിന്റെ കേന്ദ്രങ്ങളാക്കുവാൻ പഠനോത്സവവുമായി ഒറ്റത്തൈ ഗവ: യുപി സ്‌കൂൾ..

ആലക്കോട് : സർവ്വശിക്ഷാ കേരളം, തളിപ്പറമ്പ് നോർത്ത് ബി ആർ സി എന്നിവയുമായി സഹകരിരിച്ച് ഒറ്റത്തൈ ഗവ. യു പി സ്കൂളിൽ പഠനോത്സവം സംഘടിപ്പിച്ചു.

പൊതുവിദ്യാലയങ്ങൾ മികവിന്റെ കേന്ദ്രങ്ങളാക്കി വളർത്തുക എന്ന പൊതുവിദ്യാഭ്യാസ സംരക്ഷണ യജ്ഞം കാഴ്ചപ്പാട് ഫലപ്രദമായി നടപ്പിലാക്കുന്നതിന്
കുട്ടികളുടെ പഠന മികവുകളെ പൊതുസമൂഹവുമായി പങ്കുവെക്കുക,
കുട്ടികൾ സ്വാംശീകരിച്ച അറിവും ആർജ്ജിച്ച കഴിവുകളും പഠനത്തെളിവുകളായി അവതരിപ്പിക്കാനുള്ള അവസരം ഒരുക്കുക വഴി കുട്ടികൾക്ക് നന്നായി പഠിക്കുവാനും വളരുവാനുമുള്ള പ്രചോദനം നൽകുക എന്നതാണ് പഠനോത്സവം ലക്ഷ്യമിടുന്നത്.
കുട്ടികളുടെ ആർജ്ജിത ജ്ഞാനത്തെക്കുറിച്ചും വൈവിധ്യമാർന്ന കഴിവുകളെക്കുറിച്ചും സാമൂഹികമായ വിലയിരുത്തലിനുള്ള പുത്തൻ രീതിശാസ്ത്രം വികസിപ്പിക്കുക,
കുട്ടികളുടെ മികവാർന്ന പഠനത്തിനായി സമൂഹവും രക്ഷിതാക്കളും വഹിക്കേണ്ട പങ്കിനെക്കുറിച്ച് ധാരണ വികസിപ്പിക്കുക എന്ന ആശയം കൂടി പഠനോത്സവം വഴി നടപ്പിലാക്കുന്നു
ആലക്കോട് പഞ്ചായത്ത് വികസന കാര്യ സ്ഥിരം സമിതി അധ്യക്ഷ കവിത ഗോവിന്ദൻ ഉദ്ഘാടനം ചെയ്തു.കെ.എൻ രാധാമണി അധ്യക്ഷയായി. തിമിരി ഗവ. യു പി സ്കൂൾ പ്രധാനാധ്യാപിക വി.സുധാമണി മുഖ്യാതിഥിയായി. ബി ആർ സി കോ ഓർഡിനേറ്റർ എം ആർ സൗമ്യ പദ്ധതി വിശദീകരിച്ചു. ജാൻസി തോമസ്,പി കെ മുബീന, കെ ലീല, ഷീലാമ്മ ജോസഫ്, എൻ എസ് ചിത്ര, സ്കൂൾ ലീഡർ എബിൻ ജോമി എന്നിവർ സംസാരിച്ചു. .പ്രധാനാധ്യാപിക എം കെ ഉമാദേവി സ്വാഗതവും സ്റ്റാഫ് സെക്രട്ടറി കെ ആർ രശ്മി നന്ദിയും പറഞ്ഞു.

വാർഷികാഘോഷവും യാത്രയയപ്പും ഷോർട്ട് ഫിലിം പ്രകാശനവും. | #Ottathai_GUPS

ആലക്കോട് : ഒറ്റത്തൈ ഗവ. യു പി സ്കൂൾ വാർഷികാഘോഷവും സർവീസിൽ നിന്ന് വിരമിക്കുന്ന കെ എൻ രാധാമണി ടീച്ചർക്കുള്ള യാത്രയയപ്പ് സമ്മേളനവും നടന്നു.  വികസന കാര്യ സ്ഥിരം സമിതി അധ്യക്ഷ കവിത ഗോവിന്ദൻ്റെ അധ്യക്ഷതയിൽ ആലക്കോട് ഗ്രാമപഞ്ചായത്ത് പ്രസിഡൻ്റ് ജോജി കന്നിക്കാട്ടിൽ ഉദ്ഘാടനം ചെയ്ത് ഉപഹാര സമർപ്പണം നടത്തി. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ എം എ ഖലീൽ റഹ്മാൻ ' കൂട്ട് ' ഷോർട്ട് ഫിലിം പ്രകാശനം ചെയ്തു. പ്രഥമ പ്രധാനാധ്യാപകൻ കെ ആർ ഗോപാലകൃഷ്ണൻ എൻഡോവ്മെൻ്റ് വിതരണവും മികച്ച വായനക്കാർക്കുള്ള പുരസ്കാര വിതരണം ഫാ.അനീഷ് ചക്കിട്ട മുറിയിലും നിർവ്വഹിച്ചു. അധ്യാപക പ്രതിനിധി എൻ എസ് ചിത്ര റിപ്പോർട്ട് അവതരിപ്പിച്ചു. ടി.എം രാജേഷ്, ബീന മാത്യു, ബാബു പനമുള്ളിൽ, ജോയി തോട്ടുംപുറം, ആൻസി ജോർജ്ജ്, എ ആർ പ്രസാദ്, ജാൻസി തോമസ്, സോണി കാഞ്ഞിരക്കാട്ട് കുന്നേൽ, എബിൻ ജോമി, കെ എൻ രാധാമണി എന്നിവർ സംസാരിച്ചു.പ്രധാനാധ്യാപിക എം കെ ഉമാദേവി സ്വാഗതവും സ്റ്റാഫ് സെക്രട്ടറി കെ ആർ രശ്മി നന്ദിയും പറഞ്ഞു. കുട്ടികളുടെ വിവിധ കലാപരിപാടികളും അരങ്ങേറി.

#Bhasholsavam : അറിവിൻ്റെ വിഭവങ്ങളൊരുക്കി ഭാഷോത്സവം വ്യത്യസ്ഥ അനുഭവമായി..

ആലക്കോട് : സമഗ്ര ശിക്ഷാ കേരളം വായനച്ചങ്ങാത്തം തുടർ പ്രവർത്തനങ്ങളുടെ ഭാഗമായി ആലക്കോട് പഞ്ചായത്ത് തല ഭാഷോത്സവം സംഘടിപ്പിച്ചു. കുട്ടികളുടെ ഭാഷാനൈപുണികളായ എഴുത്തും വായനയും മെച്ചപ്പെടുത്തുന്നതിനായി നടപ്പിലാക്കിയ പരിപാടിയാണ് വായനച്ചങ്ങാത്തം. പ്രസ്തുത പ്രവർത്തനങ്ങളിലൂടെ കുട്ടികൾ കൈവരിച്ച രചനാ മികവുകൾ പൊതുസമൂഹവുമായി പങ്ക് വെക്കുന്നതിനും സർഗ്ഗാത്മക രചനകളുടെ വിലയിരു വിലയിരുത്തലിനുമാണ് ഭാഷോത്സവം സംഘടിപ്പിക്കുന്നത്. വായനച്ചങ്ങാത്തത്തിൻ്റെ ഭാഗമായി സ്വതന്ത്ര രചനകളിൽ മികച്ച ഇടപെടൽ നടത്തിയ വിദ്യാർത്ഥികളെയും രക്ഷിതാക്കളെയുമാണ് ഭാഷോത്സവത്തിൽ പങ്കെടുപ്പിക്കുന്നത്.

ഒറ്റത്തൈ സ്കൂളിൽ നടന്ന പരിപാടി ആലക്കോട് പഞ്ചായത്ത് വികസന കാര്യ സ്ഥിരം സമിതി അധ്യക്ഷ കവിത ഗോവിന്ദൻ ഉദ്ഘാടനം ചെയ്തു.കെ.എൻ രാധാമണി അധ്യക്ഷയായി. അധ്യാപികയും എഴുത്തുകാരിയുമായ പി.സി ഗീത, ബി ആർ സി കോ ഓർഡിനേറ്റർ എം പി സജിത്ത് എന്നിവർ നേതൃത്വം നൽകി.മദർ പി ടി എ പ്രസിഡൻ്റ് ബീന മാത്യു, പി കെ മുബീന, കെ ലീല, ഷീലാമ്മ ജോസഫ്, എൻ എസ് ചിത്ര എന്നിവർ സംസാരിച്ചു, സമാപന പരിപാടിയായി ഓപ്പൺ ഫോറം സംഘടിപ്പിച്ചു.
ആലക്കോട് പഞ്ചായത്ത് പ്രസിഡൻ്റ് ജോജി കന്നിക്കാട്ടിൽ ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ എം എ ഖലീൽ റഹ്മാൻ അധ്യക്ഷനായി. ബി ആർ സി കോ ഓർഡിനേറ്റർ എം ആർ സൗമ്യ പദ്ധതി വിശദീകരിച്ചു. പ്രധാനാധ്യാപിക എം കെ ഉമാദേവി സ്വാഗതവും സ്റ്റാഫ് സെക്രട്ടറി കെ ആർ രശ്മി നന്ദിയും പറഞ്ഞു.

#Students_Script_Writing_Workshop : തിരക്കഥ വേണോ തിരക്കഥ.. തിരക്കഥയുടെ രസതന്ത്രമൊരുക്കി ഒറ്റത്തൈ ഗവ.യു പി സ്കൂൾ..

ആലക്കോട് : പൊതുവിദ്യാഭ്യാസ വകുപ്പ് സർവ്വശിക്ഷാ അഭിയാൻ കേരളം മുഖേന സ്കൂളുകളിൽ സംഘടിപ്പിക്കുന്ന ഗുണത പഠന പരിപോഷണ പദ്ധതി (എൻഹാൻസിംഗ് ലേണിംഗ് ആംബിയൻസ്) 'ഇല' യുടെ ഭാഗമായി തിരക്കഥയുടെ രസതന്ത്രം പരിപാടി സംഘടിപ്പിച്ചു. കോവിഡ് 19 കാലഘട്ടത്തിന് ശേഷം സ്കൂളുകളിൽ എത്തിയ കുട്ടികൾക്കുണ്ടാകുന്ന പഠന പ്രയാസങ്ങൾ മറികടക്കുന്നതിനും കുട്ടികൾക്ക് വിവിധ മേഖലകളിൽ പിന്തുണ നൽകുന്നതിനുമാണ് പദ്ധതി ലക്ഷ്യമിടുന്നത്. പ്രാദേശിക ഭാഷകളുടെ പ്രാധാന്യവും സൗന്ദര്യവും തിരിച്ചറിയുകയും 
ക്ലാസ് മുറികൾക്ക് പുറത്തുള്ള പഠന പ്രവർത്തനങ്ങളുടെ നേരിട്ടുള്ള അനുഭവം കുട്ടികൾക്ക് ബോദ്ധ്യപ്പെടുത്തുക വഴി പഠനത്തോടുള്ള താൽപര്യം വർദ്ധിപ്പിക്കുകയും ചെയ്യുക എന്നത് കൂടി ഇല പദ്ധതി ലക്ഷ്യമിടുന്നു.

ആലക്കോട് ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ കവിതാ ഗോവിന്ദൻ്റെ അധ്യക്ഷതയിൽ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ എം എ ഖലീൽ റഹ്മാൻ ഉദ്ഘാടനം ചെയ്തു.
തിരക്കഥാകൃത്തും അധ്യാപകനുമായ ജീജേഷ് കൊറ്റാളി തിരക്കഥാ ശിൽപ്പശാല നിയന്ത്രിച്ചു. കുട്ടികളുടെ രചനയിൽ ഉരുത്തിരിഞ്ഞ ആശയം ഉൾപ്പെടുത്തി ഷോർട്ട് ഫിലിം നിർമ്മിച്ചു.
സ്കൂൾ ലീഡർ എബിൻ ജോമി, കെ എൻ രാധാമണി, ജാൻസി തോമസ്, കെ ലീല, ഷീലാമ്മ ജോസഫ്, എൻ എസ് ചിത്ര, പി കെ മുബീന, പ്രധാനാപിക എം കെ ഉമാദേവി സ്വാഗതവും സ്റ്റാഫ് സെക്രട്ടറി കെ ആർ രശ്മി നന്ദിയും പറഞ്ഞു.

#HAPPY_DRINKS : പ്രകൃതിദത്ത പാനീയങ്ങൾ ആസ്വദിക്കാം, നിർമ്മിക്കാം.. ഇതാ #ഹാപ്പി_ഡ്രിങ്ക്സ് ഫെസ്റ്റിവലുമായി ഒരു ഗവണ്മെന്റ് യുപി സ്ക്കൂൾ..

ആലക്കോട് : ഒറ്റത്തൈ ഗവ.യു.പി സ്കൂളിൽ നടന്ന പ്രകൃതിദത്ത പാനീയങ്ങളുടെ നിർമ്മാണ പരിശീലനവും പ്രദർശനവും 'ഹാപ്പി ഡ്രിങ്ക്സ് ' ശ്രദ്ധേയമായി. കുട്ടികളിൽ ജങ്ക് ഫുഡ്, കൃത്രിമ പാനീയം എന്നിവയോടുള്ള അമിതാസക്തി കുറയ്ക്കുന്നതിന്  സർവ്വശിക്ഷാ കേരളം സ്കൂളുകളിൽ നടപ്പിലാക്കുന്ന പദ്ധതിയാണ് ഹാപ്പി ഡ്രിങ്ക്സ്.. പ്രാദേശികമായി ലഭ്യമാവുന്ന പ്രകൃതിദത്തമായ വസ്തുക്കൾ ഉപയോഗിച്ച് ബദൽ പാനീയങ്ങൾ നിർമ്മിക്കാൻ വിദ്യാർത്ഥികളെ പ്രാപ്തരാക്കുക എന്നതാണ് ഹാപ്പി ഡ്രിങ്ക് സിലൂടെ ലക്ഷ്യമിടുന്നത്.

ഇഞ്ചി, പപ്പായ, തക്കാളി, ഓറഞ്ച്, ആപ്പിൾ, പേരക്ക, പൈനാപ്പിൾ, ബീറ്റ്റൂട്ട്, ക്യാരറ്റ്, തണ്ണി മത്തൻ, കപ്പ, നെല്ലിക്ക, ചാമ്പക്ക, നാളികേരം, കശുമാങ്ങ, പാഷൻ ഫ്രൂട്ട്, പൊതിന, കറിവേപ്പില, നന്നാറി, ചെമ്പരത്തി പൂവ് എന്നിവ കൊണ്ടുള്ള വിവിധ രുചിയിലും നിറങ്ങളിലുമുള്ള മധുര പാനീയങ്ങളും മോര്, കഞ്ഞി വെള്ളം, ചെറുനാരങ്ങ, മാങ്ങ, നെല്ലിക്ക എന്നിവ ഉപയോഗിച്ചുള്ള സംഭാരങ്ങളും നിർമ്മിച്ചു. മധുരത്തിനായി തേൻ ആണ് ഉപയോഗിച്ചത്.

പി ടി എ പ്രസിഡൻ്റ് ടി എം രാജേഷിൻ്റെ അധ്യക്ഷതയിൽ ആലക്കോട് പഞ്ചായത്ത് വികസന കാര്യ സ്ഥിരം സമിതി അധ്യക്ഷ കവിത ഗോവിന്ദൻ ഉദ്ഘാടനം ചെയ്തു, സ്കൂൾ ലീഡർ എബിൻ ജോമി, അധ്യാപക പ്രതിനിധികളായ കെ എൻ രാധാമണി, ലീല കെ, ഷീലാമ്മ ജോസഫ്, എൻ എസ് ചിത്ര, മുബീന പി.കെ, അൻസ ജയിംസ് എന്നിവർ സംസാരിച്ചു. പ്രധാനാധ്യാപിക എം കെ ഉമാദേവി സ്വാഗതവും സ്റ്റാഫ് സെക്രട്ടറി കെ ആർ രശ്മി നന്ദിയും പറഞ്ഞു.
ഏറ്റവും പുതിയ വാര്‍ത്തകള്‍, ജോലി ഒഴിവുകള്‍, ഷോപ്പിംഗ്‌ ഓഫറുകള്‍ എന്നിവ അറിയുവാന്‍ വാട്ട്സ്ആപ്പ് ഗ്രൂപ്പില്‍ ജോയിന്‍ ചെയ്യുക 👉🏽 JOIN WHATSAPP
MALAYORAM NEWS is licensed under CC BY 4.0