Talipparamba എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
Talipparamba എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

#Students_Script_Writing_Workshop : തിരക്കഥ വേണോ തിരക്കഥ.. തിരക്കഥയുടെ രസതന്ത്രമൊരുക്കി ഒറ്റത്തൈ ഗവ.യു പി സ്കൂൾ..

ആലക്കോട് : പൊതുവിദ്യാഭ്യാസ വകുപ്പ് സർവ്വശിക്ഷാ അഭിയാൻ കേരളം മുഖേന സ്കൂളുകളിൽ സംഘടിപ്പിക്കുന്ന ഗുണത പഠന പരിപോഷണ പദ്ധതി (എൻഹാൻസിംഗ് ലേണിംഗ് ആംബിയൻസ്) 'ഇല' യുടെ ഭാഗമായി തിരക്കഥയുടെ രസതന്ത്രം പരിപാടി സംഘടിപ്പിച്ചു. കോവിഡ് 19 കാലഘട്ടത്തിന് ശേഷം സ്കൂളുകളിൽ എത്തിയ കുട്ടികൾക്കുണ്ടാകുന്ന പഠന പ്രയാസങ്ങൾ മറികടക്കുന്നതിനും കുട്ടികൾക്ക് വിവിധ മേഖലകളിൽ പിന്തുണ നൽകുന്നതിനുമാണ് പദ്ധതി ലക്ഷ്യമിടുന്നത്. പ്രാദേശിക ഭാഷകളുടെ പ്രാധാന്യവും സൗന്ദര്യവും തിരിച്ചറിയുകയും 
ക്ലാസ് മുറികൾക്ക് പുറത്തുള്ള പഠന പ്രവർത്തനങ്ങളുടെ നേരിട്ടുള്ള അനുഭവം കുട്ടികൾക്ക് ബോദ്ധ്യപ്പെടുത്തുക വഴി പഠനത്തോടുള്ള താൽപര്യം വർദ്ധിപ്പിക്കുകയും ചെയ്യുക എന്നത് കൂടി ഇല പദ്ധതി ലക്ഷ്യമിടുന്നു.

ആലക്കോട് ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ കവിതാ ഗോവിന്ദൻ്റെ അധ്യക്ഷതയിൽ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ എം എ ഖലീൽ റഹ്മാൻ ഉദ്ഘാടനം ചെയ്തു.
തിരക്കഥാകൃത്തും അധ്യാപകനുമായ ജീജേഷ് കൊറ്റാളി തിരക്കഥാ ശിൽപ്പശാല നിയന്ത്രിച്ചു. കുട്ടികളുടെ രചനയിൽ ഉരുത്തിരിഞ്ഞ ആശയം ഉൾപ്പെടുത്തി ഷോർട്ട് ഫിലിം നിർമ്മിച്ചു.
സ്കൂൾ ലീഡർ എബിൻ ജോമി, കെ എൻ രാധാമണി, ജാൻസി തോമസ്, കെ ലീല, ഷീലാമ്മ ജോസഫ്, എൻ എസ് ചിത്ര, പി കെ മുബീന, പ്രധാനാപിക എം കെ ഉമാദേവി സ്വാഗതവും സ്റ്റാഫ് സെക്രട്ടറി കെ ആർ രശ്മി നന്ദിയും പറഞ്ഞു.

കമ്മ്യൂണിസ്റ്റ് പ്രവര്‍ത്തകനും കര്‍ഷക സംഘം നേതാവുമായിരുന്ന തളിപ്പറമ്പ് പടപ്പേങ്ങാടെ കെ വി നാരായണന്‍ അന്തരിച്ചു.

ചപ്പാരപ്പടവ് :  ചപ്പാരപ്പടവ് മേഖലയില്‍ കമ്മ്യൂണിസ്റ്റ്, കര്‍ഷക പ്രസ്ഥാനങ്ങളെ കെട്ടിപ്പടുക്കുന്നതില്‍ ത്യാഗോജ്ജ്വല പ്രവര്‍ത്തനങ്ങള്‍ നടത്തിയ കമ്മ്യൂണിസ്റ്റ് പ്രവര്‍ത്തകനും കര്‍ഷക സംഘം നേതാവുമായിരുന്ന പടപ്പേങ്ങാടെ കല്ലാ വീട്ടില്‍ നാരായണന്‍ (79) അന്തരിച്ചു. സിപിഐ എം അവിഭക്ത ചപ്പാരപ്പടവ് ലോക്കല്‍ കമ്മിറ്റിയംഗം, ദീര്‍ഘകാലം കര്‍ഷക സംഘം ഏരിയാ കമ്മിറ്റിയംഗം, കരിങ്കല്‍ തൊഴിലാളി യൂണിയന്‍ (സിഐടിയു) ജില്ലാ കമ്മിറ്റിയംഗം, ചപ്പാരപ്പടവ് ഡിവിഷന്‍ സെക്രട്ടറി, ചപ്പാരപ്പടവ് പഞ്ചായത്ത് കരിങ്കല്‍ തൊഴിലാളി വ്യവസായ സഹകരണ സംഘം പ്രഥമ പ്രസിഡന്റ്, 1979- 84 കാലയളവില്‍ ചപ്പാരപ്പടവ് പഞ്ചായത്ത് ഭരണ സമിതിയംഗം, ചപ്പാരപ്പടവ് പഞ്ചായത്ത് അഗ്രികള്‍ച്ചറല്‍ വെല്‍ഫെയര്‍ കോപ്പറേറ്റീവ് സൊസൈറ്റി ഡയരക്ട് ബോര്‍ഡ് അംഗം ,സീനിയർ സിറ്റിസൺ പടപ്പേങ്ങാട് യൂണിറ്റ് സെക്രട്ടറി എന്നീ നിലകളില്‍ പ്രവര്‍ത്തിച്ചു. സമീപ കാലം വരെ ചപ്പാരപ്പടവ് ലോക്കല്‍ കമ്മിറ്റിയംഗമായിരുന്നു. നിലവില്‍ സിപിഐ എം പടപ്പേങ്ങാട് ബ്രാഞ്ചംഗമാണ് ഭാര്യ: പുളുക്കൂല്‍ ജാനകി. മക്കള്‍: പി രവീന്ദ്രന്‍ (സിപിഐ എം ആലക്കോട് ഏരിയാ കമ്മിറ്റിയംഗം, കര്‍ഷക സംഘം ആലക്കോട് ഏരിയാ സെക്രട്ടറി), പ്രേമലത, സുരേഷ്, (സിപിഐ എം ചപ്പാരപ്പടവ് ലോക്കല്‍ കമ്മിറ്റിയംഗം, റ്റോഡി സഹകരണ സംഘം ജീവനക്കാരന്‍), ഹരിദാസ് (സിപിഐ എം പടപ്പേങ്ങാട് ബ്രാഞ്ച് സെക്രട്ടറി, റബ്കോ ജീവനക്കാരന്‍). മരുമക്കള്‍: പി വി ഷൈലജ (തടിക്കടവ് സര്‍വ്വീസ് സഹകരണ ബാങ്ക്), കെ വി മോഹനന്‍ (നരിക്കോട്), സുകന്യ (കൂനം), കെ വി ഷീന (മഴൂര്‍). സഹോദരങ്ങള്‍: ലക്ഷ്മി (കാഞ്ഞിരങ്ങാട്), യശോദ, കമലാക്ഷി (ഇരുവരും പടപ്പേങ്ങാട്).
ഏറ്റവും പുതിയ വാര്‍ത്തകള്‍, ജോലി ഒഴിവുകള്‍, ഷോപ്പിംഗ്‌ ഓഫറുകള്‍ എന്നിവ അറിയുവാന്‍ വാട്ട്സ്ആപ്പ് ഗ്രൂപ്പില്‍ ജോയിന്‍ ചെയ്യുക 👉🏽 JOIN WHATSAPP
MALAYORAM NEWS is licensed under CC BY 4.0