ചിത്രങ്ങളിൽ ഗാന്ധിജി, ഗാന്ധി ജയന്തിയോട് അനുബന്ധിച്ച് നടന്ന ചിത്ര പ്രദർശനം വ്യത്യസ്തമായി.. #GandhiJayanti

ആലക്കോട് : ഗാന്ധിജയന്തി ആഘോഷത്തിന്റെ ഭാഗമായി തടിക്കടവ് ഗവ.ഹൈസ്കൂളിൽ ഗാന്ധി ചിത്ര പ്രദർശനം സംഘടിപ്പിച്ചു.

ഭാരത് സ്കൗട്ട്സ് & ഗൈഡ്സ്, ഹിന്ദി മഞ്ച് എന്നിവയുടെ സംയുക്താഭിമുഖ്യത്തിൽ നടന്ന പ്രദർശനം പി ടി എ പ്രസിഡന്റ് ശ്രീ ബേബി തറപ്പേൽ ഉദ്ഘാടനം ചെയ്തു.

പ്രധാനാധ്യാപിക ശ്രീമതി നൈന പുതിയവളപ്പിൽ അധ്യക്ഷയായി. ആർ എസ് സുബ, റോബിൻ ജോസ്, എൻ ബിജുമോൻ എന്നിവർ പ്രസംഗിച്ചു.

ഞൊടിയിടയിൽ ലോൺ ലഭിക്കും, പക്ഷേ പതിയിരിക്കുന്നത് വൻ അപകടം, ലോൺ ആപ്പുകളെ പൂട്ടി കേരളാ പോലീസ്.. #LoanAppScam

ആൻഡ്രോയിഡ് ആപ്പ് വിപണിയായ പ്ലേ സ്റ്റോറിൽ 70-ലധികം വ്യാജ വായ്പാ ആപ്പുകൾ ഉണ്ടെന്ന് കേരള പോലീസ് കണ്ടെത്തി.  സംസ്ഥാനത്ത് വിവിധയിടങ്ങളിൽ ലോൺ ആപ്പുകളുടെ ഭീഷണികൾ റിപ്പോർട്ട് ചെയ്തതിന് പിന്നാലെയാണ് പോലീസിന്റെ കണ്ടെത്തൽ.

  കേരള പോലീസ് സൈബർ ഓപ്പറേഷൻ ടീം 72 ലോൺ ആപ്പുകൾ കണ്ടെത്തി.  ഇവരെ നീക്കം ചെയ്യാൻ ഗൂഗിളിനും ഡൊമെയ്ൻ രജിസ്ട്രാർക്കും സൈബർ ഓപ്പറേഷൻ എസ്പി ഹരിശങ്കർ നോട്ടീസ് നൽകി.  ഇതിന് ശേഷം ഈ ആപ്പുകളെല്ലാം പ്ലേ സ്റ്റോറിൽ നിന്ന് നീക്കം ചെയ്തു.

  അനധികൃത ലോൺ ആപ്പുകൾ ഉപയോഗിച്ച് വായ്പയെടുത്ത് നിങ്ങൾ തട്ടിപ്പിന് ഇരയായാൽ, നിങ്ങൾക്ക് 94 97 98 09 00 എന്ന നമ്പറിൽ 24 മണിക്കൂറും വാട്‌സ്ആപ്പിൽ പോലീസുമായി ബന്ധപ്പെടാം.

  ടെക്‌സ്‌റ്റ്, ഫോട്ടോ, വീഡിയോ, വോയ്‌സ് എന്നിവയിലൂടെ മാത്രമേ പരാതി നൽകാനാകൂ.  നേരിട്ട് വിളിക്കാൻ പറ്റില്ല.  തിരുവനന്തപുരം പോലീസ് ആസ്ഥാനത്താണ് ഈ സംവിധാനം പ്രവർത്തിക്കുന്നത്.  1930, സാമ്പത്തിക കുറ്റകൃത്യങ്ങൾ റിപ്പോർട്ട് ചെയ്യുന്നതിനുള്ള സൈബർ പോലീസ് ഹെൽപ്പ് ലൈൻ, പരാതി ഫയൽ ചെയ്യാൻ എപ്പോൾ വേണമെങ്കിലും വിളിക്കാം.

  2000 രൂപ മുതൽ ലോൺ ആപ്പുകൾ ആവശ്യക്കാർക്ക് വളരെ എളുപ്പത്തിൽ നൽകും.  വായ്പയെടുത്തവരുടെ ചിത്രങ്ങളും വിവരങ്ങളും സമൂഹമാധ്യമങ്ങളിലൂടെ നേടുകയും പിന്നീട് മോർഫ് ചെയ്ത് ഭീഷണിപ്പെടുത്തുകയും ചെയ്യുന്നു.  ഭീമമായ തുക ചോദിച്ച് നൽകാതിരുന്നാൽ ചിത്രങ്ങൾ കടം വാങ്ങിയവരുടെ ബന്ധുക്കൾക്ക് അയച്ചുകൊടുക്കും.  ഇതാണ് തട്ടിപ്പുകാരുടെ രീതി.  5000 രൂപ വാങ്ങിയ കുടുംബനാഥൻ ഒരാഴ്ച മുമ്പ് ആത്മഹത്യ ചെയ്തിരുന്നു.

ഇന്നത്തെ പത്രങ്ങളിലെ പ്രധാന വാർത്തകൾ - 03 ഒക്ടോബർ 2023 | #News_Headlines #Short_News

• മഹാരാഷ്ട്രയിലെ ശങ്കര്‍റാവു ചവാന്‍ സര്‍ക്കാര്‍ ആശുപത്രിയില്‍ മരുന്ന് ക്ഷാമത്തെ തുടര്‍ന്ന് 12 നവജാത ശിശുക്കളുള്‍പ്പെടെ 24 പേര്‍ മരിച്ചു.  ഇരുപത്തിനാല് മണിക്കൂറിനിടെയാണ് നന്ദേഡ് ജില്ലയിലെ ആശുപത്രിയിലാണ് കൂട്ടമരണം സംഭവിച്ചത്.

• 2023ലെ വൈദ്യശാസ്ത്ര നൊബേൽ പുരസ്കാരം കാറ്റലിൻ കരിക്കോയ്ക്കും ഡ്രൂ വെയ്‌സ്മാനും. കൊവിഡ് വാക്സിൻ mRNA വികസിപ്പിച്ചതിനാണ് പുരസ്‌കാരം.

• സ്ത്രീകളില്‍ വര്‍ധിക്കുന്ന സെര്‍വിക്കല്‍ കാന്‍സറിനെ പ്രതിരോധിക്കാന്‍  വികസിത രാജ്യങ്ങളുടെ മാതൃകയില്‍ വാക്‌സിനേഷന്‍ നല്‍കുന്നതിനുള്ള പ്രവര്‍ത്തനങ്ങള്‍ സംസ്ഥാനത്ത് ആരംഭിക്കുമെന്ന് മുഖ്യമന്ത്രി.

• സംസ്ഥാനത്ത് മഴ ശക്തമാകുമെന്ന് കാലാവസ്ഥാ വകുപ്പിന്റെ മുന്നറിയിപ്പ്.  തെക്ക് പടിഞ്ഞാറൻ ജാർഖണ്ഡ്ന് മുകളിൽ ന്യുനമർദ്ദം സ്ഥിതി ചെയ്യുന്നുതിന്റെ ഫലമായാണ് മഴ തുടരാൻ സാധ്യത. അടുത്ത അഞ്ച് ദിവസം മഴ തുടരുമെന്നും മുന്നറിയിപ്പിൽ പറയുന്നു.

• ഏഷ്യൻ ഗെയിംസ് വനിത ലോങ് ജമ്പിൽ മലയാളി താരത്തിന് മെഡല്‍ നേട്ടം. മലയാളി താരം ആൻസി സോജനാണ് വെള്ളി നേടിയത്. 6.63 മീറ്റർ ചാടിയാണ് 19കാരി രണ്ടാം സ്ഥാനത്തേക്ക് കുതിച്ചത്.

• എഴുപതിൽ പരം വ്യാജ ലോൺ ആപ്പുകൾ പ്ലേയ്‌ സ്റ്റോറിൽ നിന്നും നീക്കം ചെയ്ത് കേരളാ പോലീസ് സൈബർ ഓപ്പറേഷൻ ടീം.

• ഡൽഹിയിൽ‌ പിടിയിലായ ഐ എസ് ഭീകരൻ ഷാനവാസും സംഘവും കേരളത്തിലും എത്തിയിരുന്നതായി വിവരം. സംഘം പശ്ചിഘട്ട വനമേഖലകളിൽ താമസിക്കുകയും ഐ എസ് പതാക വെച്ച് ഫോട്ടോ എടുക്കുകയും ചെയ്തതായി ഡൽഹി സ്പെഷൽ സെൽ വ്യക്തമാക്കി.

News

Newspaper

Newspaper Headlines

Short News

Latest News

Flash News

News Updates

Malayalam News

Kerala News

Current Affairs

Malayalam Current Affairs

ഗാന്ധി ജയന്തി - ഒക്ടോബർ 02 | Gandhi Jayanti

"മജ്ജയും മാംസവുമുള്ള ഇങ്ങനെ ഒരു മനുഷ്യൻ ഈ ഭൂമുഖത്ത് ജീവിച്ചിരുന്നു എന്ന് വരും തലമുറകളോട് പറഞ്ഞാൽ അവർക്കത് അവിശ്വസനീയമായി തോന്നിയേക്കാം"

- ആൽബർട്ട് ഐൻസ്റ്റീൻ

ഇന്ന് ഒക്ടോബർ 2, ഗാന്ധി ജയന്തി

ആ മഹാരഥൻ്റെ ഓർമ്മകൾക്ക് മുന്നിൽ ശിരസ്സ് നമിക്കുന്നു..

#malayoramonline #malayoramnews #Malayoram #MahatmaGandhi #Gandhiji #October02 

ഓർമ്മകളിൽ കോടിയേരി : ഇന്ന് ഒന്നാം ചരമ വാർഷികം, ചെങ്കടലായി തളിപ്പറമ്പ്.. #KodiyeriBalakrishnan

കമ്യുണിസ്റ്റ് പാർട്ടിയുടെ സമ്മുന്നതനായ നേതാവായിരുന്ന കോടിയേരി ബാലകൃഷ്ണൻ്റെ ഒന്നാം ചരമ വാർഷിക ദിനത്തിൽ തളിപ്പറമ്പിൽ അനുസ്മരണ പൊതുയോഗവും  റെഡ് വളണ്ടിയർ മാർച്ചും നടന്നു.

അയ്യായിരം റെഡ് വളണ്ടിയർമാർ അണിനിരന്ന പ്രൗഡ ഗംഭീരമായ വളണ്ടിയർ മാർച്ച് തളിപ്പറമ്പ് ടൗൺ ചുറ്റി ഉണ്ടപ്പറമ്പ് ഗ്രൗണ്ടിൽ അവസാനിച്ചു.

കോടിയേരി ബാലകൃഷ്ണൻ അനുസ്മരണ സമ്മേളനം സിപിഐഎം സംസ്ഥാന സെക്രട്ടറി എംവി ഗോവിന്ദൻ മാസ്റ്റർ ഉ്ഘാടനം ചെയ്തു.

കണ്ണൂർ ജില്ലയിൽ തലശ്ശേരിയിലും തളിപ്പറമ്പിലമാണ് അനുസമരണ സമ്മേളനം നടന്നത്.

അതോടൊപ്പം പയ്യാമ്പലത്ത് കോടിയേരി അനുസ്മരണ സ്തൂപം അനാച്ഛാദനം ചെയ്തു.

ഇന്നത്തെ പത്രങ്ങളിലെ പ്രധാന വാർത്തകൾ - 01 ഒക്ടോബർ 2023 | #News_Headlines #Short_News

• വാണിജ്യാവശ്യത്തിനുള്ള പാചകവാതകവില കൂട്ടി. സിലിണ്ടറിന് 209 രൂപയാണ് കൂട്ടിയത്. പുതിയ വില പ്രകാരം കൊച്ചിയിൽ 1747.50 രൂപയാണ് ഒരു സിലിണ്ടറിൻ്റെ വില. സെപ്തംബർ ഒന്നിന് വാണിജ്യ സിലിണ്ടർ വില 160 രൂപ കുറച്ചിരുന്നു.

• ഐഎസ്‌ആർഒയുടെ സൗരപര്യവേക്ഷണ ഉപഗ്രഹം ആദിത്യ എൽ1  ഒമ്പതു ലക്ഷം കിലോമീറ്റർ പിന്നിട്ടു. ഭൂമിയുടെ സ്വാധീനവലയം പൂർണമായി കടന്ന്‌ പേടകം ലക്ഷ്യത്തിലേക്ക്‌ നീങ്ങുകയാണെന്ന്‌ ഐഎസ്‌ആർഒ ചെയർമാൻ പറഞ്ഞു.

• വരയിലൂടെയും എഴുത്തിലൂടെയും മലയാളത്തിന്‌ ചിരിമധുരം പകർന്ന കാർട്ടൂണിസ്റ്റ് സുകുമാർ അന്തരിച്ചു.

• സംസ്ഥാനത്ത് മഴ തുടരും. മധ്യകേരളത്തിലും വടക്കൻ കേരളത്തിലും ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിൻ്റെ മുന്നറിയിപ്പ്.

• ഭക്ഷ്യവസ്തുക്കൾ പത്രകടലാസിൽ പൊതിയുന്നത് ഉടൻ അവസാനിപ്പിക്കണമെന്ന് നിർദേശിച്ച് ഫുഡ് സേഫ്റ്റി ആന്റ് സ്റ്റാൻഡേർഡ്‌സ് അതോറിറ്റി ഓഫ് ഇന്ത്യ. ഭക്ഷ്യവസ്തുക്കൾ പായ്ക്ക് ചെയ്യാനും, സൂക്ഷിക്കാനും, വിളമ്പാനുമൊന്നും പത്രകടലാസ് ഉപയോഗിക്കരുതെന്നാണ് നിർദേശം.

• ദക്ഷിണ റെയിൽവേയുടെ പുതുക്കിയ ട്രെയിൻ സമയക്രമം ഇന്നു പ്രാബല്യത്തിൽ വരും. മെയിൽ, എക്സ്പ്രസ് ട്രെയിനുകളുടെ വേഗം കൂട്ടിയും പാസഞ്ചർ, മെമു ട്രെയിനുകളുടെ സമയം പുനഃക്രമീകരിച്ചുമുള്ള ദക്ഷിണമേഖലാ സമയക്രമം റെയിൽവേ പുറത്തുവിട്ടു.

• വയനാട് കൊറ്റില്ലത്ത് ദേശാടനപ്പക്ഷികൾ ചത്തുവീഴുന്ന സംഭവത്തിൽ പരിശോധനകൾക്കായി കൂടുതൽ സംഘങ്ങളെത്തുന്നു. മൃഗസംരക്ഷണവകുപ്പിനും മെഡിക്കൽ സംഘത്തിനും പിന്നാലെ പക്ഷിരോഗ നിർണയ കേന്ദ്രത്തിലെ വിദഗ്ധ സംഘവും സ്ഥലത്തെത്തി സാംപിളുകൾ ശേഖരിച്ചു.

News

Newspaper

Newspaper Headlines

Short News

Latest News

Flash News

News Updates

Malayalam News

Kerala News

Current Affairs

Malayalam Current Affairs