• വഖഫ് ബില്‍ ലോക്‌സഭ പാസാക്കി. വോട്ടെടുപ്പില്‍ ബില്ലിനെ 288 പേര്‍
അനുകൂലിച്ചു. 232 പേര്‍ എതിര്‍ത്ത് വോട്ട് ചെയ്തു. ഓരോ ഭേദഗതിയിന്‍മേലുള്ള
വോട്ടെടുപ്പാണ് പ്രതിപക്ഷം ആവശ്യപ്പെട്ടിരുന്നത്.
• പന്ത്രണ്ടാംക്ലാസ് വരെയുള്ള
വിദ്യാഭ്യാസമേഖല പരിപോഷിപ്പിക്കാനുള്ള സമഗ്രശിക്ഷാ പദ്ധതി പ്രകാരം
കേരളത്തിന്‌ കഴിഞ്ഞവർഷം ഫണ്ട്‌ ഒന്നും നൽകിയിട്ടില്ലെന്ന് കേന്ദ്രസർക്കാർ.
• രാപ്പകൽ സമരം 52 ദിവസം പിന്നിടുമ്പോൾ ആശവർക്കർമാരെ മൂന്നാം വട്ട
ചർച്ചയ്ക്ക് വിളിച്ച് സർക്കാർ. ഇന്ന് മൂന്ന് മണിക്ക് എൻ എച്ച് എം
ഓഫീസിൽ വെച്ചാണ് ചർച്ച. മുഴുവൻ സംഘടനകളുമായും ആരോഗ്യമന്ത്രി ചർച്ച നടത്തും.
• തൃശൂര്‍ ജില്ലയിലെ പുത്തൂരില്‍ നിര്‍മാണം പുരോഗമിക്കുന്ന സുവോളജിക്കല്‍
പാര്‍ക്ക് ആഗസ്തില്‍ പൊതുജനങ്ങള്‍ക്കായി തുറന്നുകൊടുക്കുമെന്ന് വനം വകുപ്പ്
മന്ത്രി എ കെ ശശീന്ദ്രൻ.
• കേരളത്തില്‍ വേനല്‍മഴ ശക്തമാകുമെന്ന് മുന്നറിയിപ്പ്. ഞായറാഴ്ച വരെ
ഇടിമിന്നലോടുകൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ
ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
• തമിഴ്‌നാട് നീലഗിരി ഗൂഡല്ലൂരില്‍ കടന്നല്‍ കുത്തേറ്റ് മലയാളിക്ക്
ദാരുണാന്ത്യം. രണ്ടു പേര്‍ക്ക് പരുക്കേറ്റു. കോഴിക്കോട് ആയഞ്ചേരി വള്ള്യാട്
സ്വദേശി പി സാബിർ ആണ് മരിച്ചത്.
• ഗുജറാത്ത് കലാപത്തിനിടെ മൂന്ന് ബ്രിട്ടീഷ് പൗരന്മാരെ കാർ ആക്രമിച്ച്
കൊലപ്പെടുത്തിയ കേസിൽ ആറുപ്രതികളെയും വിട്ടയച്ച വിധി ഗുജറാത്ത് ഹൈക്കോടതി
ശരിവെച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.