• സംസ്ഥാനത്തിന്റെ സ്വപ്നമായ വയനാട്‌ തുരങ്കപാത യാഥാർഥ്യമാവുന്നു.
ആനക്കാംപൊയിലിൽ– കള്ളാടി– മേപ്പാടി ഇരട്ട തുരങ്ക പാതയുടെ നിർമാണോദ്ഘാടനം
മുഖ്യമന്ത്രി പിണറായി വിജയൻ നിർവഹിച്ചു.
• കനത്ത മഴയും മണ്ണിടിച്ചിലും കാരണം ഹിമാചല്‍ പ്രദേശില്‍ മലയാളികള്‍
ഉള്‍പ്പെടെ യാത്രാ സംഘം കുടുങ്ങിക്കിടക്കുന്നു. 25 പേരടങ്ങുന്ന സംഘമാണ്
കുടുങ്ങിക്കിടക്കുന്നത്.
• ‘വോട്ട്‌ മോഷണം അനുവദിക്കില്ല’ എന്ന മുദ്രാവാക്യം മുഴക്കി ബിഹാറിൽ ഇന്ത്യ
കൂട്ടായ്‌മയുടെ ‘വോട്ടർ അധികാർ യാത്ര’ ഇന്ന് സമാപിക്കും. ബീഹാറിലെ പട്നയിൽ
പ്രതിപക്ഷ നേതാക്കൾ പങ്കെടുക്കുന്ന പദയാത്രയോടു കൂടിയാണ് സമാപനം.
• 'കെ സ്റ്റോർ' ആക്കുന്ന റേഷൻ കടകളിൽ ഇനി മുതൽ പാസ്പോർട്ടിന്റെ
അപേക്ഷയും അക്ഷയ സെൻ്ററുകൾ വഴിയുള്ള സേവനങ്ങളും ലഭിക്കുമെന്ന് ഭക്ഷ്യ സിവിൽ
സപ്ലൈസ് മന്ത്രി ജി ആർ അനിൽ.
• സമഗ്രശിക്ഷാ അഭിയാൻ പദ്ധതി പ്രകാരം
കേന്ദ്രത്തിൽ നിന്നും കേരളത്തിന് കുടിശികയടക്കം 1,148 കോടി രൂപ
ലഭിക്കാനുണ്ടെന്ന് മന്ത്രി വി ശിവൻകുട്ടി. 2024-25 സാമ്പത്തിക വർഷത്തിൽ കേരളം, തമിഴ്‌നാട്, പശ്ചിമബംഗാൾ എന്നീ
സംസ്ഥാനങ്ങൾക്ക് ഒരു രൂപ പോലും നൽകിയിട്ടില്ല.
• ഹിന്ദുസ്ഥാൻ എയ്‌റോനോട്ടിക്‌സ്‌ ലിമിറ്റഡ്‌ (എച്ച്‌എഎൽ) നിർമിച്ച
രണ്ട്‌ തേജസ്‌ മാർക്ക്‌ 1 എ യുദ്ധവിമാനം സെപ്‌തംബർ അവസാനത്തോടെ
വ്യോമസേനയ്‌ക്ക്‌ ലഭ്യമാക്കുമെന്ന്‌ പ്രതിരോധ സെക്രട്ടറി ആർ കെ സിങ്‌
അറിയിച്ചു.
• വീണ്ടും രാജ്യത്തിന് മാതൃകയായി കേരളം. കേന്ദ്ര വിദ്യാഭ്യാസ
മന്ത്രാലയത്തിന്റെ 2024–25 വര്‍ഷത്തെ യുഡയസ് പ്ലസ് റിപ്പോർട്ടില്‍
കേരളത്തിന് തിളക്കമാര്‍ന്ന നേട്ടം.
വിദ്യാഭ്യാസ മേഖലയുടെ വിവിധ സൂചികകളിൽ രാജ്യത്തെ മറ്റ് സംസ്ഥാനങ്ങളെക്കാളും
ദേശീയ ശരാശരിയെക്കാളും മികച്ച പ്രകടനമാണ് സംസ്ഥാനം കാഴ്ചവച്ചത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.