• സംസ്ഥാനത്ത് വീണ്ടും അമീബിക് മസ്തിഷ്ക ജ്വരം സ്ഥിരീകരിച്ചു. മലപ്പുറം
വണ്ടൂർ സ്വദേശിയായ 54 കാരിക്കാണ് രോഗം സ്ഥിരീകരിച്ചത്. ഇവരെ കോഴിക്കോട്
മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിട്ടുണ്ട്.
• സംസ്ഥാനത്ത് വരും ദിവസങ്ങളിൽ മഴ കനക്കും. വിവിധ ജില്ലകളിൽ കേന്ദ്ര
കാലാവസ്ഥാ വകുപ്പ് മഞ്ഞ അലർട്ട് പ്രഖ്യാപിച്ചു. കനത്ത മഴ സാധ്യത മുന്നിൽ
കണ്ട് മഞ്ഞ അലർട്ട് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ
മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
• ചെങ്കോട്ടയില് മതചടങ്ങിനിടെ ഒരു കോടി രൂപയുടെ കലശം മോഷണം പോയി. 750 ഗ്രാം
സ്വർണ്ണവും 150 ഗ്രാം വജ്രവും അടങ്ങുന്ന കലശമാണ് മോഷണം പോയത്.
• വയനാട്, കാസര്ഗോഡ് മെഡിക്കല് കോളേജുകള്ക്ക് നാഷണല് മെഡിക്കല്
കമ്മീഷന് അനുമതി നല്കിയ സാഹചര്യത്തില് വിദ്യാര്ത്ഥി പ്രവേശനം
സുഗമമാക്കാനുള്ള നടപടി സ്വീകരിക്കാന് നിര്ദ്ദേശം നല്കി ആരോഗ്യ വകുപ്പ്
മന്ത്രി വീണാ ജോര്ജ്.
• ‘തദ്ദേശസ്വയംഭരണ തെരഞ്ഞെടുപ്പിന്റെ വോട്ടര്പട്ടികയില് പേര് ചേര്ക്കാന്
ഒക്ടോബര് വരെ അവസരം’ എന്ന തരത്തില് സോഷ്യല് മീഡിയയില് പ്രചരിക്കുന്ന
വാർത്തകൾ വ്യാജമാണെന്ന് സംസ്ഥാന തെരഞ്ഞെടുപ്പ് കമ്മീഷൻ.
• ഉപരാഷ്ട്രപതി തെരഞ്ഞെടുപ്പ് സംബന്ധിച്ചുള്ള ഇന്ത്യ സഖ്യത്തിൻ്റെ യോഗം ഇന്ന്
നടക്കും. ഇന്ന് രാത്രി എട്ട് മണിക്കാണ് യോഗം നടക്കുക. സെപ്റ്റംബര് 9ന്
ആണ് ഉപരാഷ്ട്രപതി തെരഞ്ഞെടുപ്പ്.
• ഓണത്തിന് തൊട്ടാല് പൊള്ളുന്ന വിലയില് സ്വര്ണം. ഈ മാസത്തെ ഏറ്റവും
ഉയര്ന്ന നിരക്കാണ് ഇന്നലെ സ്വര്ണത്തിന് രേഖപ്പെടുത്തിയത്. ഒറ്റയടിക്ക് 640
രൂപയാണ് വര്ധിച്ചത്.
• ഓണക്കാലത്ത് പാല്, തൈര്, പാലുല്പ്പന്നങ്ങളുടെയും വില്പ്പനയില് സര്വകാല
റെക്കോര്ഡുമായി മില്മ. ഉത്രാടം ദിനത്തില് മാത്രം 38.03 ലക്ഷം ലിറ്റര്
പാലും 3.97 ലക്ഷം കിലോ തൈരുമാണ് മില്മ ഔട്ട്ലെറ്റുകള് വഴി വിറ്റത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.