കരുവഞ്ചാൽ: മലയോര മേഖലയുടെ വികസനത്തിന് ആക്കം കൂട്ടുന്ന കരുവഞ്ചാൽ പാലം നാളെ പൊതുജനങ്ങൾക്കായി തുറന്നുകൊടുക്കും. 2026 ഫെബ്രുവരി 27 വെള്ളിയാഴ്ച വൈകുന്നേരം 4 മണിക്ക് കരുവഞ്ചാലിൽ നടക്കുന്ന ചടങ്ങിൽ ബഹുമാനപ്പെട്ട പൊതുമരാമത്ത്, ടൂറിസം മന്ത്രി ശ്രീ. പി.എ. മുഹമ്മദ് റിയാസ് പാലം ഉദ്ഘാടനം ചെയ്യും.
ഇരിക്കൂർ മണ്ഡലം എംഎൽഎ ശ്രീ. സജീവ് ജോസഫ് ചടങ്ങിൽ അധ്യക്ഷത വഹിക്കും. എംപിമാരായ ശ്രീ. കെ. സുധാകരൻ, ഡോ. വി. ശിവദാസൻ, ശ്രീ. ജോൺ ബ്രിട്ടാസ്, ശ്രീ. പി. സന്തോഷ് കുമാർ എന്നിവർ മുഖ്യാതിഥികളായി ചടങ്ങിൽ പങ്കെടുക്കും.
ജനപ്രതിനിധികളുടെ സാന്നിധ്യം
കണ്ണൂർ ജില്ലാ പഞ്ചായത്ത് പ്രസിഡന്റ് ശ്രീ. ബിനോയ് കുര്യൻ, തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റ് ശ്രീമതി ജെസ്സി ഷാജി, ആലക്കോട് ഗ്രാമപഞ്ചായത്ത് പ്രസിഡന്റ് ശ്രീമതി പ്രിൻസി ബാബി, നടുവിൽ ഗ്രാമപഞ്ചായത്ത് പ്രസിഡന്റ് ശ്രീമതി മോളി സജി എന്നിവർ ആശംസകൾ അർപ്പിക്കും. വിവിധ തദ്ദേശ സ്വയംഭരണ സ്ഥാപനങ്ങളിലെ അംഗങ്ങളും രാഷ്ട്രീയ, സാമൂഹിക മേഖലകളിലെ പ്രമുഖരും ചടങ്ങിൽ പങ്കെടുക്കും.
പാലം ഗതാഗതത്തിനായി തുറന്നുകൊടുത്തെങ്കിലും അനുബന്ധമായുള്ള നടപ്പാതയുടെ നിർമ്മാണം പൂർത്തിയാകാത്തത് നാട്ടുകാർക്കിടയിൽ പ്രതിഷേധത്തിന് കാരണമാകുന്നു. ഉദ്ഘാടനത്തിന് ശേഷമെങ്കിലും സുരക്ഷാ മാനദണ്ഡങ്ങൾ പാലിച്ചുകൊണ്ട് നടപ്പാതയുടെ പ്രവൃത്തി എത്രയും വേഗം പൂർത്തിയാക്കണമെന്ന ആവശ്യം ഉയരുന്നുണ്ട്.
Karuvanchal Bridge to be dedicated to the public tomorrow; Minister P.A. Muhammed Riyaz to inaugurate.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.