● കോഴിക്കോട് മെഡിക്കൽ കോളജിൽ ശസ്ത്രക്രിയ പിഴവെന്ന വാർത്ത തെറ്റെന്ന്
മെഡിക്കൽ കോളേജ് അധികൃതർ. ചികിത്സ പിഴവ് എവിടെയും സംഭവിച്ചിട്ടില്ലെന്നും
അന്വേഷണം നടത്തി സത്യം പുറത്തുവരണമെന്നും ഓർത്തോപീഡിക്സ് വിഭാഗം മേധാവി ഡോ
ജേക്കബ് മാത്യു വ്യക്തമാക്കി.
● എസി സൂപ്പർഫാസ്‌റ്റ്‌ പ്രീമിയം സർവീസ്‌ തുടങ്ങാൻ കെഎസ്‌ആർടിസി. ടാറ്റയുടെ ബസ്‌ പരീക്ഷണ ഓട്ടത്തിനായി എത്തിച്ചു. അടുത്തദിവസം തിരുവനന്തപുരം - എറണാകുളം റൂട്ടിലായിരിക്കും പരീക്ഷണ ഓട്ടം.
● ഇന്ത്യക്കാരനായ ഗോപിചന്ദ്‌ തോട്ടുകര ഉൾപ്പെടെയുള്ള ആറ് യാത്രികരെ വഹിച്ച്‌ ബ്ലൂ ഒറിജിന്റെ ന്യൂ ഷെപ്പേഡ്‌ 25 ബഹിരാകാശ വിനോദ സഞ്ചാര ദൗത്യം പൂർത്തിയാക്കി. ഭൂമിയുടെ അന്തരീക്ഷത്തിൽനിന്ന്‌ 105.7 കിലോമീറ്ററിലധികം സഞ്ചരിച്ച് പേടകം തിരിച്ചിറങ്ങി.
● ഇറാൻ പ്രസിഡന്റ്‌ ഇബ്രാഹിം റെയ്‌സിയും സംഘവും സഞ്ചരിച്ച ഹെലികോപ്‌റ്റർ വ്യൂഹം അപകടത്തിൽപ്പെട്ടു. മോശം കാലാവസ്ഥയെ തുടർന്ന്‌ അസർബൈജാൻ അതിർത്തിക്കു സമീപം ഇടിച്ചിറക്കുകയായിരുന്നുവെന്നാണ്‌ ആദ്യ റിപ്പോർട്ടുകൾ.
● ഐപിഎല്ലില്‍ രാജസ്ഥാന്‍ റോയല്‍സ്-കൊല്‍ക്കത്ത നൈറ്റ് റൈഡേഴ്സ് പോരാട്ടം മഴ
മൂലം ഉപേക്ഷിച്ചു. മത്സരം
ഉപേക്ഷിച്ചതോടെ ഇരു ടീമും ഓരോ പോയിന്‍റ് വീതം പങ്കിട്ടു.
● സംസ്ഥാനത്ത് അതിശക്തമായ മഴ തുടരുമെന്ന് മുന്നറിയിപ്പ്. വ്യാഴാഴ്ച വരെ മഴ
തുടരുമെന്നാണ് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിരിക്കുന്നത്.
● സംസ്ഥാനത്ത് പനി മരണങ്ങൾ വർധിക്കുന്നു. അഞ്ച് മാസത്തിനിടെ എലിപ്പനി
ബാധിച്ച് മരിച്ചത് 90 പേർ. ഡെങ്കിപ്പനി പിടിപെട്ട് 48 പേർക്ക് ജീവൻ
നഷ്ടമായി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.