Vadakara News എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
Vadakara News എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

പോലീസ് സ്റ്റേഷൻ വളപ്പിൽ കുത്തേറ്റ ലഹരി മരുന്ന് കേസ് പ്രതി കീർത്തനയുടെ നില ഗുരുതരം #Keerthana


വടകര എംഡിഎംഎ കേസ് പ്രതി കീർത്തനയുടെ ആരോഗ്യനില അതീവ ഗുരുതരാവസ്ഥയിൽ തുടരുന്നു. പങ്കാളിയുടെ കുത്തേറ്റ് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുന്ന കീർത്തനക്ക് അഞ്ചുതവണയാണ് കുത്തേറ്റത്. ഇതിൽ കഴുത്തിലേറ്റ മുറിവ് ആഴത്തിലുള്ളതാണ്.

കഴിഞ്ഞ ശനിയാഴ്ച വടകര പൊലീസ് സ്റ്റേഷൻ വളപ്പിൽ വെച്ചാണ് കീർത്തനയ്ക്ക് നേരെ ആക്രമണമുണ്ടായത്. എംഡിഎംഎ കേസിലെ ജാമ്യവ്യവസ്ഥകളുടെ ഭാഗമായി പൊലീസ് സ്റ്റേഷനിൽ ഹാജരാകാനെത്തിയ കീർത്തനയെ പങ്കാളിയായ ജിനീഷ് കുത്തിപ്പരിക്കേൽപ്പിക്കുകയായിരുന്നു. ഗുരുതരമായി പരിക്കേറ്റ ഇവരെ പൊലീസ് ഉടൻതന്നെ ആശുപത്രിയിലേക്ക് മാറ്റി.

സംഭവത്തെത്തുടർന്ന് പ്രതി ജിനീഷിനെ പൊലീസ് കസ്റ്റഡിയിലെടുത്തിട്ടുണ്ട്. മുൻവൈരാഗ്യമാണ് കൊലപാതകശ്രമത്തിന് പിന്നിലെന്നാണ് ഇയാളുടെ മൊഴി. ബിആർസി അധ്യാപികയായ കീർത്തനയും ജിനീഷും കഴിഞ്ഞ രണ്ടുവർഷമായി ഒരുമിച്ചായിരുന്നു താമസമെന്നും പൊലീസ് വെളിപ്പെടുത്തി.

ഇരുവരും തമ്മിൽ നേരത്തെ പ്രശ്നങ്ങളുണ്ടായിരുന്നുവെന്നും കീർത്തനയുടെ ചില സുഹൃദ്ബന്ധങ്ങളിൽ ജിനീഷിന് എതിർപ്പുണ്ടായിരുന്നതായും പൊലീസ് പറയുന്നു. ഇതിനിടെ ചില ഇൻസ്റ്റഗ്രാം പോസ്റ്റുകളും സുഹൃത്തുക്കളുടെ ഭീഷണികളും പ്രതിയെ പ്രകോപിപ്പിച്ചു. ഇതോടെയാണ് കൊലപാതകം നടത്താൻ തീരുമാനിച്ചതെന്നും ഇതിനായി ഒരാഴ്ച മുൻപ് കത്തി വാങ്ങിയെന്നും ജിനീഷ് മൊഴി നൽകിയിട്ടുണ്ട്.


Hashtags: #Keerthana #Vadakara #CrimeNews #KeralaCrime #MDMACase #Stabbing #PoliceStationAttack #CriticalCondition

വടകരയിൽ ഓട്ടോറിക്ഷയിൽ സ്വർണ്ണമാല പൊട്ടിക്കാൻ ശ്രമിച്ച രണ്ട് നാടോടി സ്ത്രീകൾ അറസ്റ്റിൽ. #Vadakara


 വടകര (കോഴിക്കോട്):
ഓട്ടോ യാത്രയ്ക്കിടെ സ്വർണ്ണമാല പൊട്ടിക്കാൻ ശ്രമിച്ച രണ്ട് നാടോടി സ്ത്രീകളെ വടകര പോലീസ് പിടികൂടി. തമിഴ്‌നാട് നാഗർകോവിൽ സ്വദേശികളായ മണിമേഖല (52), വിജയ (48) എന്നിവരെ വടകര പോലീസ് അറസ്റ്റ് ചെയ്തു. പുത്തൂർ തോട്ടത്തിൽ മൂന്നര പാൻ തൂക്കം വരുന്ന ദേവിയുടെ സ്വർണ്ണമാല പൊട്ടിക്കാൻ ശ്രമിച്ചു.

വടകരയിലെ പുത്തൂർ 110 സബ് സ്റ്റേഷൻ പരിസരത്ത് നിന്ന് വടകരയിലെ പഴയ ബസ് സ്റ്റാൻഡ് ഭാഗത്തേക്ക് പോകുന്നതിനിടെയാണ് സംഭവം. ദേവി ഒരു ഓട്ടോയിൽ വടകരയിലേക്ക് വരുന്നതിനിടെ സ്ത്രീകൾ ഓട്ടോയിൽ കയറി. യാത്രയ്ക്കിടെ, ഇരുവരുടെയും പെരുമാറ്റത്തിൽ എന്തോ അസ്വാഭാവികത ശ്രദ്ധയിൽപ്പെട്ട അവർ മാല പൊട്ടിക്കാൻ ശ്രമിക്കുകയാണെന്ന് മനസ്സിലാക്കി.

ഇതോടെ, ദേവി ബഹളം വച്ചു, ഓട്ടോ ഡ്രൈവറും സമീപത്തുണ്ടായിരുന്നവരും അവരെ തടഞ്ഞുനിർത്തി പോലീസിൽ അറിയിച്ചു. പോലീസ് എത്തി അവരെ സ്റ്റേഷനിലേക്ക് കൊണ്ടുപോയി അറസ്റ്റ് ചെയ്തു. വ്യത്യസ്ത പേരുകളിൽ വ്യത്യസ്ത സ്ഥലങ്ങളിൽ ചുറ്റിനടന്ന് മോഷണം നടത്തിയതായി പോലീസിന് വിവരം ലഭിച്ചു. ഇവരെ കുറിച്ച് കൂടുതൽ അന്വേഷണം നടത്തിവരികയാണെന്ന് പോലീസ് പറഞ്ഞു.
Two nomadic women arrested for attempting to break a gold necklace during an auto ride in Vadakara.

പന്ത്രണ്ടുകാരിയെ അമ്മയുടെ ആൺസുഹൃത്ത്‌ പീഡിപ്പിച്ച സംഭവം;പീഡനംഅമ്മയുടെ അറിവോടെ #Kozhikode


കോഴിക്കോട് :പന്ത്രണ്ടുകാരിയെ അമ്മയുടെ സുഹൃത്ത് ലൈംഗികമായി പീഡിപ്പിച്ച സംഭവത്തിൽ വടകര സ്വദേശിക്കെതിരെ പയ്യോളി പൊലീസ് പോക്സോ കേസെടുത്തു.

വടകര കീഴൽ ബാങ്ക് റോഡിൽ ചങ്ങരോത്ത് അബ്ദുൾ റഫീഖ് (48)നെതിരേയാണ് കേസെടുത്തത്. വ്യവസായിയായ ഇയാൾ വിദേശത്തുണ്ട്.

മാതാവിൻ്റെ സഹായത്തോടെയാണ് പീഡനം നടന്നതെന്ന് കേസ് അന്വേഷിക്കുന്ന പയ്യോളി പൊലീസ് ഇൻസ്പെക്ടർ പി. ജിതേഷ് പറഞ്ഞു. ജനുവരി 17-ന് സ്കൂളിൽ നടന്ന കൗൺസിലിങ്ങിലാണ് ഞെട്ടിക്കുന്ന വിവരം പുറത്ത് വന്നത്.

തുടർന്ന് സ്കൂൾ അധികൃതർ വിവരം പൊലീസിന് കൈമാറി. കുട്ടിയുടെ പിതാവ് വിദേശത്ത് ആയിരുന്ന സമയത്താണ് പീഡനം നടക്കുന്നത്. രണ്ടരവർഷമായി പീഡനം നടക്കുന്നതായി പറയുന്നു. പയ്യോളി പൊലീസ് അന്വേഷിക്കുന്നതിനിടെ കോഴിക്കോട് വനിതാ പൊലീസ് സ്റ്റേഷനിൽ പെണ്‍കുട്ടിയുടെ മാതാവ് വെള്ളിയാഴ്ച രാവിലെ ഹാജരായി. തുടർന്ന് പയ്യോളി പൊലീസ് അറസ്റ്റ് രേഖപ്പെടുത്തി  കോടതി റിമാൻഡ് ചെയ്തു.

മാതാവിനെതിരേയും പോക്സോയാണ് ചുമത്തിയിട്ടുള്ളത്. കുട്ടി കോഴിക്കോട് സി.ഡബ്ല്യു.സി. സംരക്ഷണയിലാണ്. വിദേശത്ത് വ്യവസായിയായ അബ്ദുൾ റഫീഖ് ഇടയ്ക്കിടെ നാട്ടിൽവരാറുണ്ട്. ഇത്തവണ ജനുവരി ആദ്യവാരം വിദേശത്തേക്ക് തിരിച്ചുപോയി. പ്രതിയെ നാട്ടിലെത്തിക്കാനുള്ള ശ്രമങ്ങൾ തുടങ്ങിയതായി പൊലീസ് പറഞ്ഞു.

 Incident of 12-year-old girl being raped by her mother's boyfriend; POCSO case registered against Vadakara native

സ്കൂട്ടറിൽ കൊണ്ടുപോകുന്നതിനിടെ പടക്കം പൊട്ടിത്തെറിച്ചു; രണ്ട് പേർക്ക് പരിക്ക്. #Vadakara

 


വടകര:
കീഴലിൽ പുതുവത്സരാഘോഷത്തിനിടെ പടക്കം പൊട്ടിത്തെറിച്ച് രണ്ട് പേർക്ക് പരിക്ക്. സ്കൂട്ടറിൽ പടക്കം കൊണ്ടുപോകുന്നതിനിടെ പൊട്ടിത്തെറിക്കുകയായിരുന്നു.

ഷൈജു, അശ്വന്ത് എന്നിവർക്കാണ് പരിക്കേറ്റത്. അശ്വന്തിന് ഗുരുതര പരിക്കാണ്. ഇരുവരെയും കോഴിക്കോട്ടെ ആശുപത്രിയിലേക്ക് മാറ്റി. ഇവർ സഞ്ചരിച്ച സ്കൂട്ടർ കത്തി നശിച്ചു.

Firecrackers exploded while being transported on a scooter.

വടകരയിൽ ജീപ്പിടിച്ച് 60കാരിക്ക് ദാരുണാന്ത്യം. #Vadakara_Accident


 വടകര എടച്ചേരി തലായിയിൽ ജീപ്പ് ഇടിച്ച് 60കാരി മരിച്ചു. പുറമേരി സ്വദേശി ശാന്ത ആണ് മരിച്ചത്. ബസ് ഇറങ്ങി റോഡ് മുറിച്ച് കടക്കുന്നതിനിടെ ജീപ്പ് ഇടിച്ച് തെറിപ്പിക്കുകയായിരുന്നു. ഇവർ ഹോട്ടൽ തൊഴിലാളിയാണ്.

വടകര സ്റ്റേഷനിൽ ഉപേക്ഷിച്ച നിലയിൽ 2.3 കി.ഗ്രാം കഞ്ചാവ് കണ്ടെത്തി #Vadakara


 വടകര: ക്രിസ്മസ് ന്യൂ ഇയർ സ്പെഷൽ ഡ്രൈവിൻ്റെ ഭാഗമായി വടകര എക്സൈസും ആർ.പി.എഫും റെയിൽവേ സ്റ്റേഷനിൽ നടത്തിയ പരിശോധനയിൽ 2.385 കി.ഗ്രാം കഞ്ചാവ് കണ്ടെത്തി. പരിശോധനക്കിടെ സ്റ്റേഷനിൽ ഉപേക്ഷിക്കപ്പെട്ട നിലയിലായിരുന്നു കഞ്ചാവ്.

അസിസ്റ്റൻ്റ് എക്സൈസ് ഇൻസ്പെക്ടർ ഗ്രേഡ് കെ.എ. ജയരാജൻ, പ്രിവൻറിവ് ഓഫീസർ എൻ.എം ഉനൈസ്, പ്രിവൻ്ററിവ് ഓഫീസർ ഗ്രേഡ് പി.പി. ഷൈജു, സിവിൽ എക്സൈസ് ഓഫീസർ ഇ.എം. മുസ്ബിൻ, വുമൺ സിവിൽ എക്സൈസ് ഓഫീസർ പി.കെ. ജസ്മിന, ആർ.പി.എഫ് അസി സബ് ഇൻസ്പെക്ടർ പി.പി. ബിനീഷ്, കോൺസ്റ്റബിൾ എസ്.എൻ ഷാജി എന്നിവർ പരിശോധനയിൽ പങ്കെടുത്തു.

Cannabis found abandoned at Vadakara railway station

ഗസ്റ്റ് ഇൻസ്ട്രക്ടർ നിയമനം; വടകര ഗവൺമെൻ്റ് ഐടിഐയിൽ ഒഴിവുകൾ. #Vadakara#ITI_Vacancies


 
വടകര: വടകര ഗവ.ഐ.ടി.ഐ.യിൽ ഡ്രാഫ്റ്റ്സ്മാൻ സിവിൽ ജൂനിയർ ഇൻസ്ട്രക്ടർ തസ്തികയിലേക്ക് താൽക്കാലിക നിയമനം നടത്തും. യോഗ്യത: ഡി-സിവിൽ എഞ്ചിനീയറിംഗ് ബിരുദവും ഒരു വർഷത്തെ പ്രവൃത്തിപരിചയമോ ഡി-സിവിൽ എഞ്ചിനീയറിംഗ് ഡിപ്ലോമയോ, രണ്ട് വർഷത്തെ പ്രവൃത്തിപരിചയമോ ഡി-സിവിൽ ട്രേഡ് എൻ.ടി.സി/എൻ.എ.സി.യും മൂന്ന് വർഷത്തെ പ്രവൃത്തിപരിചയമോ. ഉദ്യോഗാർത്ഥികൾ ഡിസംബർ 16-ന് രാവിലെ 11 മണിക്ക് അസൽ സർട്ടിഫിക്കറ്റുകൾ സഹിതം കൂടിക്കാഴ്ചയ്ക്ക് ഹാജരാകണം.

 ഫോൺ: 0496 2533170.
Guest Instructor Appointment; Vacancies at Vadakara Government ITI.

ബസ് സ്റ്റാന്റിൽ ബസ്സിടിച്ച് പരിക്കേറ്റ മഹിളാ കോൺഗ്രസ് നേതാവ് മരിച്ചു. #BusAccident

 
കോഴിക്കോട് : വടകര പുതിയ ബസ് സ്റ്റാന്‍ഡില്‍ സ്വകാര്യ ബസിടിച്ച് പരിക്കേറ്റ മഹിളാ കോണ്‍ഗ്രസ് നേതാവ് മരിച്ചു. മഹിളാ കോണ്‍ഗ്രസ് ജില്ലാ ജനറല്‍ സെക്രട്ടറി പി.കെ.പുഷ്പവല്ലി(65)യാണ് കണ്ണൂരിലെ സ്വകാര്യ ആശുപത്രിയില്‍ ചികിത്സയിലിരിക്കെ ഇന്ന് വെള്ളിയാഴ്ച ഉച്ചയോടെ മരിച്ചത്. വടകര നഗരസഭ മുന്‍ കൗണ്‍സിലറാണ്.

ഇന്ന് വെള്ളിയാഴ്ച രാവിലെ 10.45-നായിരുന്നു അപകടം. മകള്‍ക്കും പേരക്കുട്ടിക്കും ഒപ്പം കണ്ണൂരിലേക്ക് പോകാനായി ബസ് സ്റ്റാന്‍ഡില്‍ എത്തിയതായിരുന്നു പുഷ്പവല്ലി. ഇതിനിടെയാണ് വടകര-പയ്യോളി റൂട്ടിലെ ഹരേറാം ബസ് ഇവരെ ഇടിച്ചിട്ടത്. നിലത്തുവീണ ഇവരുടെ ശരീരത്തിലൂടെ ബസിന്റെ ടയര്‍ കയറിയതോടെ പരിസരത്തുണ്ടായിരുന്നവര്‍ ബഹളം വെച്ചു. ഇതോടെ ബസ് ഡ്രൈവര്‍ ഇറങ്ങിയോടി. തുടര്‍ന്ന് സ്റ്റാന്‍ഡിലുണ്ടായിരുന്നവര്‍ ബസ് തള്ളി മാറ്റിയാണ് പുഷ്പവല്ലിയെ പുറത്തെടുത്തത്. ഉടന്‍ വടകരയിലെ ആശുപത്രിയിലും പിന്നാലെ കണ്ണൂരിലെ സ്വകാര്യ ആശുപത്രിയിലും എത്തിച്ചു. ചികിത്സയിലിരിക്കെ വെള്ളിയാഴ്ച ഉച്ചയോടെ മരണം സംഭവിക്കുകയായിരുന്നു.    

ഏറ്റവും പുതിയ വാര്‍ത്തകള്‍, ജോലി ഒഴിവുകള്‍, ഷോപ്പിംഗ്‌ ഓഫറുകള്‍ എന്നിവ അറിയുവാന്‍ വാട്ട്സ്ആപ്പ് ഗ്രൂപ്പില്‍ ജോയിന്‍ ചെയ്യുക 👉🏽 JOIN WHATSAPP
MALAYORAM NEWS is licensed under CC BY 4.0