• ജസ്റ്റിസ് ബി ആർ ഗവായ് സുപ്രീംകോടതിയുടെ പുതിയ ചീഫ് ജസ്റ്റിസായി
ചുമതലയേറ്റു. സുപ്രീംകോടതിയുടെ അൻപത്തിരണ്ടാമത്തെ ചീഫ് ജസ്റ്റിസാണ് ഗവായ്.
• സിന്ധുനദീജല കരാര്‍ മരവിപ്പിച്ച തീരുമാനം പുനഃപരിശോധിക്കണമെന്ന
അഭ്യർത്ഥനയുമായി പാകിസ്ഥാൻ രംഗത്ത്. ഇക്കാര്യം ആവശ്യപ്പെട്ട് പാകിസ്ഥാൻ
ജലവിഭവ മന്ത്രാലയം സെക്രട്ടറി സയ്യിദ് അലി മുര്‍താസ ഇന്ത്യയുടെ ജലവിഭവ
മന്ത്രാലയ സെക്രട്ടറിക്ക് കത്തെഴുതി.
• കൊച്ചി കടവന്ത്രയിലെ ഭക്ഷണ നിർമ്മാണ കേന്ദ്രത്തിൽ നിന്ന് പഴകിയ ഭക്ഷണം
പിടികൂടി. വന്ദേ ഭാരത് അടക്കമുള്ള ട്രെയിനുകളിലേക്ക് ഭക്ഷണം തയ്യാറാക്കുന്ന
കേന്ദ്രത്തിൽ നിന്ന് ആണ് പഴകിയ ഭക്ഷണം പിടികൂടിയത്.
• സോഫിയ ഖുറേഷിയ്ക്കെതിരായ വിദ്വേഷ പരാമർശത്തിൽ പത്തു തവണ മാപ്പു പറയാൻ തയ്യാറെന്ന് ബിജെപി മന്ത്രി വിജയ് ഷാ.
• ഉറുഗ്വേ മുൻ പ്രസിഡന്റായ ഹോസെ മുഹിക അന്തരിച്ചു. അദ്ദേഹത്തിന്റെ
ശിഷ്യനും ഉറുഗ്വേയുടെ നിലവിലെ പ്രസിഡന്റുമായ യമൻഡു ഓർസിയാണ്‌ മരണവിവരം
പുറത്തുവിട്ടത്‌.
• മന്ത്രിസഭ അഴിച്ചുപണിയിൽ രണ്ട്‌ ഇന്ത്യൻ വംശജരെ പ്രധാന വകുപ്പുകളിൽ
നിയമിച്ച്‌ കാനഡ പ്രധാനമന്ത്രി മാർക്ക്‌ കാർനി. ലിബറൽ പാർടിയുടെ മുതിർന്ന
നേതാവ്‌ അനിത ആനന്ദിനെ വിദേശമന്ത്രിയായി നിയമിച്ചു. മനിന്ദർ സിദ്ദു
രാജ്യത്തിന്റെ പുതിയ അന്താരാഷ്ട്ര വ്യാപാര മന്ത്രിയാകും.
• ആരോഗ്യ മേഖലയിൽ 15 വര്‍ഷത്തിലധികം
സേവനമനുഷ്ഠിച്ച നഴ്‌സുമാര്‍ക്ക് ഗോള്‍ഡന്‍ വിസ നല്‍കാൻ ദുബായ്.
കിരീടാവകാശിയും ഉപപ്രധാനമന്ത്രിയും യുഎഇ പ്രതിരോധ മന്ത്രിയുമായ ഷെയ്ഖ്
ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂമാണ് നഴ്‌സുമാര്‍ക്ക്
ഗോള്‍ഡന്‍ വിസ നൽകുന്ന തീരുമാനം പ്രഖ്യാപിച്ചത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.