കോഴിക്കോട് : എറണാകുളം സ്വദേശിയായ നഴ്‌സിംഗ് വിദ്യാർത്ഥിനിയെ പീഡിപ്പിച്ച സംഭവത്തിൽ 2 വിദ്യാർത്ഥികൾക്കെതിരെ കസബ പോലീസ് കേസെടുത്തു. കഴിഞ്ഞ 18ന് രാത്രി തന്നെ ആൺകുട്ടികൾ താമസിക്കുന്ന കെട്ടിടത്തിൽ കൊണ്ടുപോയി പീഡിപ്പിക്കുകയായിരുന്നുവെന്ന് പെൺകുട്ടി പോലീസിന് മൊഴി നൽകി.
മദ്യപിച്ചെത്തിയ 2 പേരും കുട്ടിക്ക് മദ്യം നൽകുകയായിരുന്നുവെന്നാണ് പരാതി. പ്രതികളിൽ ഒരാൾ കോഴിക്കോട്ടും മറ്റൊരാൾ എറണാകുളത്തുമാണ് പഠിക്കുന്നത്. രാവിലെ ബോധം വീണ്ടെടുത്ത ശേഷം അബോധാവസ്ഥയിലായ വിദ്യാർഥിനി സുഹൃത്തിനെ വിളിച്ച് ഇവിടെ നിന്ന് രക്ഷപ്പെട്ടു. നഴ്‌സിംഗ് കോളേജിൽ എത്തിയ കുട്ടിയുടെ മാനസിക വിഭ്രാന്തി കണ്ട് സ്ഥാപന അധികൃതർ കൗൺസിലിംഗ് നടത്തിയപ്പോഴാണ് പീഡന വിവരം അറിയുന്നത്. തുടർന്ന് ബന്ധുക്കളെ വിവരമറിയിച്ചു. ഇന്നലെ രക്ഷിതാക്കൾക്കൊപ്പം കസബ സ്റ്റേഷനിലെത്തി വിദ്യാർഥിനി മൊഴി നൽകി.
പ്രതിയെക്കുറിച്ചുള്ള എല്ലാ വിവരങ്ങളും പോലീസിന് കൈമാറിയിട്ടുണ്ട്. ഇൻസ്പെക്ടർ എൻ.പ്രജീഷിന്റെ നേതൃത്വത്തിൽ അന്വേഷണം ആരംഭിച്ചു. പ്രതികളെ ഉടൻ പിടികൂടാനാകുമെന്ന പ്രതീക്ഷയിലാണ് പോലീസ്. ഇവരുടെ സിസിടിവി ദൃശ്യങ്ങളും ശേഖരിച്ചിട്ടുണ്ട്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.
