മതിയായ യാത്രാ രേഖകളില്ലാതെ കഴിഞ്ഞ ദിവസം കരിപ്പൂർ വിമാനത്താവളത്തിൽ പിടിയിലായ കൊറിയൻ യുവതിയെ പീഡിപ്പിച്ചതായി പരാതി. പീഡനത്തിനിരയായ വിവരം വൈദ്യപരിശോധനയ്ക്കിടെ ഡോക്ടറോട് പറഞ്ഞത്. യുവതിയുടെ പരാതിയിൽ കോഴിക്കോട് ടൗൺ പൊലീസ് കേസെടുത്തു. വൈദ്യപരിശോധനയിൽ ഡോക്ടർ ഇക്കാര്യം സ്ഥിരീകരിച്ചു. മെഡിക്കൽ പരിശോധനാ ഫലത്തിന്റെയും ഡോക്ടറുടെ മൊഴിയുടെയും അടിസ്ഥാനത്തിൽ കോഴിക്കോട് ടൗൺ പൊലീസ് പീഡനത്തിന് കേസെടുത്തു.
ഈ മാസം 20ന് കരിപ്പൂരിൽ വിമാനം കയറിയ യുവതി കോഴിക്കോട് നഗരത്തിലെ വിവിധ ഹോട്ടലുകളിൽ താമസിച്ചിരുന്നതായി പൊലീസിന് മൊഴി നൽകിയിട്ടുണ്ട്. നാട്ടിലേക്ക് മടങ്ങാൻ കരിപ്പൂരിൽ എത്തിയ ഇവരെ പിടികൂടിയപ്പോഴാണ് പീഡന വിവരം പുറത്തറിയുന്നത്. ഇവർ അന്വേഷണവുമായി സഹകരിക്കുന്നില്ലെന്നാണ് പോലീസ് നൽകുന്ന വിശദീകരണം. പരസ്പര വിരുദ്ധമായ മൊഴികളാണ് ഇവർ നൽകുന്നതെന്നും പൊലീസ് പറയുന്നു. യുവതി ഇപ്പോൾ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.