• സംസ്ഥാനത്ത് ഓണം സമൃദ്ധമാക്കാന്‍ സര്‍ക്കാര്‍ എല്ലാ ഇടപെടല്‍ ശക്തമാണെന്നും
1800 കേന്ദ്രങ്ങളില്‍ സഹകരണ വിപണി നടത്തുമെന്നും മുഖ്യമന്ത്രി പിണറായി
വിജയന്‍. കണ്‍സ്യൂമര്‍ഫെഡ് ഓണം സഹകരണ വിപണി ഉദ്ഘാടനം ചെയ്ത്
സംസാരിക്കുകയായിരുന്നു മുഖ്യമന്ത്രി.
• മെഡിക്കല്‍ കോളേജുകളില്‍ ശുചീകരണത്തിന് ഇന്‍ഹൗസ് പരിശീലനം നടപ്പാക്കുമെന്ന്
ആരോഗ്യ മന്ത്രി വീണാ ജോര്‍ജ്. അണുബാധാ നിയന്ത്രണത്തിന്റെ ഭാഗമായി
പരിശീലനവും സര്‍ട്ടിഫിക്കറ്റ് നല്‍കും.
• ആശ്വാസകിരണം പദ്ധതിയില്‍ 2025 ആഗസ്റ്റ് വരേയ്ക്കുള്ള മുഴുവന്‍ ധനസഹായവും
അനുവദിച്ചതായി ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആര്‍ ബിന്ദു.
അര്‍ഹരായ ഗുണഭോക്താക്കള്‍ക്കായി എട്ടു കോടി രൂപയാണ് ഓണത്തോടനുബന്ധിച്ച്
അനുവദിച്ചിരിക്കുന്നത്.
• ഗ്രാമീണ, നഗര തൊഴിലുറപ്പ്‌ പദ്ധതി തൊഴിലാളികൾക്ക്‌ സർക്കാരിന്റെ ഓണസമ്മാനം
200 രൂപ വർധിച്ചിച്ചു. ഇത്തവണ 1200 രൂപവീതം ഓണസമ്മാനം ലഭിക്കുമെന്ന്‌
ധനകാര്യ മന്ത്രി കെ എൻ ബാലഗോപാൽ.
• എ എ വൈ കാർഡുടമകൾക്കും ക്ഷേമ സ്ഥാപനങ്ങളിലെ അന്തേവാസികൾക്കുമുള്ള സൗജന്യ
ഓണക്കിറ്റ് വിതരണത്തിന്റെ സംസ്ഥാനതല ഉദ്ഘാടനം മന്ത്രി ജി ആര്‍ അനില്‍
നിര്‍വഹിച്ചു.
• കൊട്ടാരക്കരയിൽ തെരുവ് നായയുടെ കടിയേറ്റയാൾ പേവിഷബാധയേറ്റ് മരിച്ചു. പെരുകുളം സ്വദേശി ബിജുവാണ് മരിച്ചത്. മെഡിക്കൽ കോളേജിൽ ചികിത്സയിൽ കഴിയവെയാണ് മരണം.
• കേരളത്തിൽ പകുതിയിലേറെ വിദ്യാർഥികളും പഠിക്കുന്നത്‌ സർക്കാർ
സ്‌ക‍ൂളിലെന്ന്‌ കേന്ദ്രസർക്കാരിന്റെ വിദ്യാഭ്യാസ സർവേ ഫലം. സർവേ പ്രകാരം സർക്കാർ സ്‌കൂളുകളിൽ 52 ശതമാനവും സ്വകാര്യ സ്‌കൂളുകളിൽ 45 ശതമാനവും വിദ്യാർഥികളും
പഠിക്കുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.