• സമഭാവനയുടെ സന്ദേശവുമായി, ഓണക്കാല വിളംബരമായി ഇന്ന് അത്തം. ഇനി
പത്തുനാൾ വീട്ടുമുറ്റങ്ങളിൽ ഓണപ്പൂക്കൾ ചിരിക്കും. പത്താം നാൾ തിരുവോണം.
• ഓണം പ്രമാണിച്ച് സംസ്ഥാനത്തെ കരാര്‍-സ്കീം തൊഴിലാളികള്‍ക്ക് നല്‍കുന്ന
ഉത്സവബത്ത 1200 രൂപയില്‍ നിന്ന് 1450
രൂപയായി ഉയര്‍ത്തി. അങ്കണവാടി, ബാലവാടി ഹെല്‍പര്‍മാര്‍, ആയമാര്‍
എന്നിവര്‍ക്കും 1450 രൂപ വീതം ലഭിക്കും.
• പ്രധാനമന്ത്രി നരേന്ദ്ര മോദിയുടെ ബിരുദം സംബന്ധിച്ച വിവരങ്ങള്‍
വെളിപ്പെടുത്തണമെന്ന് ദില്ലി സര്‍വകലാശാലയോട് നിര്‍ദ്ദേശിച്ച കേന്ദ്ര
വിവരാവകാശ കമ്മീഷന്റെ ഉത്തരവ് ദില്ലി ഹൈക്കോടതി
റദ്ദാക്കുകയായിരുന്നു.
• ലൈംഗിക ആരോപണ വിഷയത്തിൽ മുഖം രക്ഷിക്കാന്‍ രാഹുല്‍ മാങ്കൂട്ടത്തിലിനെ രാജി ഒഴിവാക്കി കോൺഗ്രസ് സസ്‌പെന്‍ഡ് ചെയ്തു. പാര്‍ട്ടി പ്രാഥമിക അംഗത്വത്തില്‍
നിന്നാണ് സസ്‌പെന്‍ഷന്‍. എംഎൽഎ സ്ഥാനം രാജി വെക്കില്ല.
• സാധാരണക്കാരന് കീശകീറാതെ ഓണം
ആഘോഷിക്കാമെന്ന് മുഖ്യമന്ത്രി പിണറായി വിജയൻ. സപ്ലൈകോ ഓണം ഫെയറിന്റെ
സംസ്ഥാനതല ഉദ്ഘാടനം തിരുവനന്തപുരം പുത്തരിക്കണ്ടം മൈതാനത്ത് നിർവഹിച്ച്
സംസാരിക്കുകയായിരുന്നു അദ്ദേഹം.
• സാമൂഹിക സാമ്പത്തിക സാഹചര്യങ്ങൾ വസ്തു നിഷ്ഠമായി മനസിലാക്കുന്നതിന് ജനപക്ഷ
സർക്കാരിന് സ്ഥിതി വിവര കണക്കുകകൾ അനിവാര്യമാണെന്ന് മുഖ്യമന്ത്രി പിണറായി
വിജയൻ.
• റിലയന്‍സ് ഫൗണ്ടേഷന്‍ നടത്തുന്ന സ്വകാര്യ മൃഗ പരിപാലന കേന്ദ്രമായ വന്‍താരയ്‌ക്കെതിരെ പ്രത്യേക അന്വേഷണ
സംഘത്തെ രൂപീകരിക്കാന്‍ ഉത്തരവിട്ട് സുപ്രിംകോടതി. വന്യജീവി സംരക്ഷണ
നിയമത്തിലെ വ്യവസ്ഥകള്‍ പാലിക്കുന്നുണ്ടോ എന്ന് സംഘം അന്വേഷിക്കും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.