• മുണ്ടക്കൈ, ചൂരൽമല ദുരന്തബാധിതർക്കായി കൽപ്പറ്റയിൽ ടൗൺഷിപ്പിൻ്റെ
നിർമ്മാണോദ്ഘാടനം ശിലാഫലകം അനാച്ഛാദനം ചെയ്ത് മുഖ്യമന്ത്രി പിണറായി വിജയൻ
നിർവഹിച്ചു.
• മലപ്പുറത്ത് കുത്തിവെച്ചുള്ള ലഹരി ഉപയോഗത്തിലൂടെ എച്ച് ഐ വി പകര്‍ന്നു.
മലപ്പുറം വളാഞ്ചേരിയില്‍ രണ്ടുമാസത്തിനിടെ ഒന്‍പതുപേര്‍ക്ക് എച്ച്ഐവി
ബാധിച്ചതായി കണ്ടെത്തി. ആറു മലയാളികള്‍ക്കും മൂന്ന്
അതിഥിത്തൊഴിലാളികള്‍ക്കുമാണ് രോഗം സ്ഥിരീകരിച്ചത്.
• വിഷു, ഈസ്റ്റർ ആഘോഷത്തോടനുബന്ധിച്ച്‌
കെഎസ്ആർടിസി കൂടുതൽ അന്തർസംസ്ഥാന സർവീസ്‌ നടത്തും. ഏപ്രിൽ എട്ടുമുതൽ 22-
വരെയാണ്‌ പ്രത്യേക സർവീസ്‌ നടത്തുകയെന്ന്‌ എക്‌സിക്യുട്ടീവ്‌ ഡയറക്ടർ അറിയിച്ചു.
• ദേശീയ ബധിര അത്‌ലറ്റിക്‌സ്‌
ചാമ്പ്യൻഷിപ്പിൽ 145 പോയിന്റുമായി കേരളം മുന്നിൽ. നീന്തൽ ചാമ്പ്യൻഷിപ്പിൽ കേരളം ആറാംസ്ഥാനത്താണ്‌.
• ഇനി ഗസറ്റ് വിജ്ഞാപനം വഴി ജനന
സർട്ടിഫിക്കറ്റിലെ പേര് മാറ്റാം. കേരളത്തിൽ ജനനം രജിസ്റ്റർചെയ്തവർക്ക്‌
ഇത്തരത്തിൽ പേര് ഒറ്റത്തവണ തിരുത്താൻ ഇളവ്‌ നൽകാൻ സർക്കാർ
തീരുമാനിച്ചതായി മന്ത്രി എം ബി രാജേഷ്‌ പറഞ്ഞു.
• മോഹന്‍ലാല്‍ ചിത്രം എമ്പുരാന്റെ വ്യാജ പതിപ്പ് വെബ് സൈറ്റുകളിൽ വ്യാപകം.
ഇത് പ്രചരിപ്പിക്കുന്നവര്‍ക്കെതിരെ നടപടിയുമായി സൈബര്‍ പൊലീസ് രംഗത്തെത്തി.
ഇവ ഡൗൺലോഡ് ചെയ്തവരെയും കണ്ടെത്തി.
• സംസ്ഥാനത്തെ സ്ക്കൂള്‍ ഉച്ചഭക്ഷണ പാചക തൊഴിലാളികള്‍ക്ക് വേതന വിതരണത്തിനായി
14.29 കോടി രൂപ അനുവദിച്ചു. 13560 തൊഴിലാളികളുടെ ഫെബ്രുവരിയിലെ വേതനം
നല്‍കുന്നതിനായാണ് സംസ്ഥാനം അധിക സഹായമായി തുക ലഭ്യമാക്കിയതെന്ന്
ധനമനന്ത്രി കെ എന്‍ ബാലഗോപാല്‍ പറഞ്ഞു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.