• സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക്‌ മാർച്ച് മാസത്തിൽ ഒരു
ഗഡു കൂടി അനുവദിച്ചു. ഇതിനായി 817 കോടി രൂപ അനുവദിച്ചതായി ധനകാര്യമന്ത്രി
കെ എൻ ബാലഗോപാൽ അറിയിച്ചു.
• വിദേശരാജ്യങ്ങളിൽ പഠിക്കാൻ പോവുന്നവർ തട്ടിപ്പിനിരയാവുന്നതു തടയാൻ സംസ്ഥാനത്ത് അതോറിറ്റി രൂപവത്കരിക്കാനൊരുങ്ങി സംസ്ഥാന സർക്കാർ.
• തൊടുപുഴയിലെ ബിജു ജോസഫിന്റെ കൊലപാതക കേസിൽ പിടിയിലായ പ്രതി മുഹമ്മദ് അസ്‌ലം ലഹരി മാഫിയയിലെ പ്രധാന കണ്ണിയെന്ന് പോലീസ്.
• ഗുരുതരാവസ്ഥയില്‍ 38 ദിവസം ആശുപത്രിയില്‍ കഴിഞ്ഞ ശേഷം രോഗം ഭേദപ്പെട്ട് ഫ്രാന്‍സിസ് മാര്‍പാപ്പ ആശുപത്രി വിട്ടു.
• മലയാറ്റൂരിൽ കുളിക്കാൻ ഇറങ്ങിയ അച്ഛനും മകനും മുങ്ങിമരിച്ചു. മലയാറ്റൂരിൽ
നെടുവേലി വീട്ടിൽ ഗംഗ, മകൻ ധാർമിക് എന്നിവരാണ്
മരിച്ചത്.
• മുന്‍ കേന്ദ്ര മന്ത്രി രാജീവ് ചന്ദ്രശേഖറെ ബിജെപി സംസ്ഥാന അധ്യക്ഷനായി തെരഞ്ഞെടുത്തു.
• ജമ്മു കശ്മീരിലെ കത്വ ജില്ലയിലെ ഹിരാനഗർ സെക്ടർ മേഖലയിൽ ഭീകരരുമായി ഏറ്റുമുട്ടൽ. ഇന്ത്യ - പാക്ക് അതിർത്തിയിലെ സന്യാൽ ഗ്രാമത്തിലാണ് ഇന്നു വൈകുന്നേരത്തോടെ ഭീകരരും സൈനികരും തമ്മിൽ ഏറ്റുമുട്ടൽ നടന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.