• വയനാട്ടിൽ മേപ്പാടി പഞ്ചായത്ത്‌ ദുരന്ത ബാധിതർക്ക്‌ നൽകിയ കാലാവധി കഴിഞ്ഞ
കിറ്റിൽ നിന്ന് ഭക്ഷ്യ വിഷബാധയേറ്റ സംഭവത്തിൽ വൻ പ്രതിഷേധം.
• നീലേശ്വരം അഞ്ഞൂറ്റമ്പലം വീരർ കാവിലെ വെടിക്കെട്ട് അപകടത്തിൽ പരിക്കേറ്റ്
ചികിത്സയിലായിരുന്ന ഒരാൾ കൂടി മരിച്ചു. ഇതോടെ
വെടിക്കെട്ട് അപകടത്തിൽ മരിച്ചവരുടെ എണ്ണം അഞ്ചായി.
• വാർത്താസമ്മേളനത്തിൽ ഉന്നയിക്കുന്ന കാര്യങ്ങൾ റിപ്പോർട്ട് ചെയ്തതിന്റെ
പേരിൽ മാധ്യമങ്ങൾക്കെതിരെ അപകീർത്തി കേസെടുക്കാൻ ആകില്ലെന്ന് ഹൈക്കോടതി.
• തെരഞ്ഞെടുപ്പ്‌ പ്രചാരണ
ആവേശം പാരമ്യത്തിലെത്തിയ ചേലക്കര നിയമസഭാ മണ്ഡലത്തിലും വയനാട്‌ ലോക്‌സഭാ
മണ്ഡലത്തിലും തിങ്കളാഴ്ച കൊട്ടിക്കലാശം. വൈകിട്ട്‌ അഞ്ചിന്‌ പരസ്യപ്രചാരണം
അവസാനിക്കും.
• ഡൽഹിയിൽ ദീപാവലിക്കുശേഷം
തുടർച്ചയായ ഒമ്പതാം ദിനവും വായുമലിനീകരണം രൂക്ഷം. കേന്ദ്ര വായുമലിനീകരണ
ബോർഡിന്റെ റിപ്പോർട്ടുകൾ അനുസരിച്ച്‌ ശനിയാഴ്‌ച പകൽ വായുനിലവാര സൂചിക
ശരാശരി 358 ആണ്‌.
• വിദേശ
വിദ്യാർഥികൾക്കുള്ള സ്റ്റുഡന്റ്‌ ഡയറക്ട്‌ സ്‌ട്രീം വിസ (എസ്‌ഡിഎസ്‌)
നിർത്തലാക്കി കാനഡ. അപേക്ഷിച്ച്‌ 20 ദിവസത്തിനുള്ളിൽ വിദ്യാർഥികൾക്ക്‌ എസ്‌ഡിഎസ്‌ വിസ
ലഭിച്ചിരുന്നു.
• സംസ്ഥാനത്തെ ആദ്യ സീപ്ലെയിന്‍ സര്‍വീസിന് തിങ്കളാഴ്ച തുടക്കം കുറിക്കും.
കൊച്ചി ബോള്‍ഗാട്ടി പാലസില്‍ നിന്നും ഇടുക്കി മാട്ടുപ്പെട്ടിയിലേക്കാണ് സീ
പ്ലെയിനിന്റെ ആദ്യ സര്‍വ്വീസ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.