• രാജ്യത്തെ ജയിലുകളിൽ ജാതി വിവേചനം പാടില്ലെന്ന് സുപ്രീം കോടതി. ഇതുമായി
ബന്ധപ്പെട്ട ചട്ടം 3 മാസത്തിനകം പരിഷ്‌ക്കരിക്കണമെന്നു ചീഫ് ജസ്റ്റിസ്
അധ്യക്ഷനായ ബെഞ്ച് നിർദേശിച്ചു.
• വയനാട് ദുരന്തത്തിൽ ഉറ്റവരെ നഷ്ടപ്പെട്ട ശ്രുതിക്ക് സർക്കാർ ജോലി നൽകുമെന്ന് മുഖ്യമന്ത്രി പിണറായി വിജയൻ.
• ലഡാക്കിൽ വിമാനാപകടത്തിൽ 56 വർഷം മുൻപ് മരിച്ച സൈനികൻ തോമസ് ചെറിയാന്റെ മൃതദേഹം ഇന്ന് ജൻമനാട്ടിൽ സംസ്കരിക്കും.
• തൃശൂർ പൂരം അട്ടിമറി വിവാദം ക്രൈംബ്രാഞ്ച് എഡിജിപി അന്വേഷിക്കുമെന്ന് മുഖ്യമന്ത്രി.
• വയനാട്ടിലെ മുണ്ടക്കൈ,
ചൂരൽമല ദുരന്തബാധിതരുടെ പുനരധിവാസത്തിനായി മാതൃകാ ടൗൺഷിപ്പ്‌
സ്ഥാപിക്കുന്നതിന്‌ സംസ്ഥാന സർക്കാർ ഏറ്റെടുക്കുന്നത്‌ 127.11 ഹെക്ടർ.
• യാത്രക്കാരുടെ
തുടർച്ചയായ ആവശ്യം പരിഗണിച്ച്‌ എറണാകുളം-കൊല്ലം സ്പെഷ്യൽ മെമു ട്രെയിൻ
സർവീസ് റെയിൽവേ അനുവദിച്ചു. ഏഴുമുതൽ ജനുവരി മൂന്നുവരെ മൂന്നുമാസത്തേക്ക്‌
താൽക്കാലികമായാണ്‌ സർവീസ്.
• ഇരുപത്തിയഞ്ചാമത്
സംസ്ഥാന സ്പെഷ്യൽ സ്കൂൾ കലോത്സവത്തിന്‌ കണ്ണൂരിൽ വർണാഭമായ തുടക്കം. 14 ജില്ലകളിലെ
സർക്കാർ, എയ്‌ഡഡ്‌, അൺഎയ്‌ഡഡ്‌ വിദ്യാലയങ്ങളിലെ 1600 വിദ്യാർഥികൾ
മൂന്നുദിവസം നടക്കുന്ന കലോത്സവത്തിൽ മാറ്റുരയ്‌ക്കും.
• പ്രശ്‍സത നടൻ മോഹൻരാജ് അന്തരിച്ചു. തിരുവനന്തപുരം കാഞ്ഞിരംകുളത്തെ വീട്ടിൽ
വച്ചായിരുന്നു അന്ത്യം. കിരീടം സിനിമയിലെ കീരിക്കാടൻ ജോസ് എന്ന കഥാപാത്രം
ഏറെ ശ്രദ്ധിക്കപ്പെട്ടിരുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.