• കർണാടക ഷിരൂരിൽ മണ്ണിടിച്ചിലുണ്ടായ സ്ഥലത്ത് തിരച്ചിലിനായി ഡ്രഡ്ജർ
ഇന്നെത്തും. കഴിഞ്ഞ ദിവസം രാത്രി ഷിരൂരിലേക്കുള്ള യാത്രക്കിടെ വെളിച്ചക്കുറവ് കാരണം ഡ്രഡ്ജർ യാത്ര നിർത്തി
കരയ്ക്കടിപ്പിച്ചിരുന്നു.
• സൗദി അറേബ്യയിൽ ബാലന്‍ കൊല്ലപ്പെട്ട കേസില്‍ ജയിലില്‍ കഴിയുന്ന
കോഴിക്കോട് സ്വദേശി അബ്ദുൽ റഹീമിന്റെ മോചന ഉത്തരവ് സംബന്ധിച്ച
അന്തിമ വാദം ഒക്‌ടോബര്‍ 17ന് നടക്കും.
• ഐക്യരാഷ്ട്രസംഘടനയുടെ കര്‍മ്മസേന പുരസ്‌കാരം നാഷണല്‍
ഇന്‍സ്റ്റിറ്റ്യൂട്ട് ഓഫ് ഫിസിക്കല്‍ മെഡിസിന്‍ ആന്‍ഡ്
റിഹാബിലിറ്റേഷന് (നിപ്മര്‍).
• ജൂനിയർ ഡോക്ടറെ
ബലാത്സംഗം ചെയ്ത് കൊലപ്പെടുത്തിയ സംഭവത്തിൽ സമരം ചെയ്‌ത
ഡോക്ടർമാർ പണിമുടക്ക്‌ താൽകാലികമായി പിൻവലിച്ചു. അത്യാഹിത വിഭാഗമടക്കമുള്ള
അവശ്യസേവനങ്ങൾ ശനിയാഴ്‌ച മുതൽ പുനരാരംഭിക്കും.
• ജൂനിയർ ഡോക്ടർ
ക്രൂരബലാത്സംഗത്തിനിരയായി കൊല്ലപ്പെട്ട ആർജി കർ മെഡിക്കൽ കോളേജിന്റെ മുൻ
പ്രിൻസിപ്പൽ സന്ദീപ് ഘോഷിന്റെ രജിസ്ട്രേഷൻ റദ്ദാക്കി.
• എഡിജിപി എം ആർ
അജിത്‌കുമാറിനും പത്തനംതിട്ട ജില്ലാ പൊലീസ്‌ മുൻ മേധാവി സുജിത്‌
ദാസിനുമെതിരെ പി വി അൻവർ എംഎൽഎ നൽകിയ പരാതിയിൽ വിജിലൻസ്‌ അന്വേഷണത്തിന്‌
സർക്കാർ ഉത്തരവിട്ടു.
• സംസ്ഥാനത്ത് കൂടുതല്‍ പേര്‍ക്ക് നിപ രോഗ ലക്ഷണമുള്ളതായി ആരോഗ്യമന്ത്രി വീണ ജോര്‍ജ്.
• പൊതുസ്ഥലങ്ങളില്‍
മാലിന്യം കൂടിക്കിടക്കുന്നത് തദ്ദേശ സ്ഥാപനങ്ങളുടെ ശ്രദ്ധയില്‍
കൊണ്ടുവരാനും പൊതുസ്ഥലങ്ങളും ജലാശയങ്ങളും മലിനമാക്കുന്നവര്‍ക്കെതിരെ പരാതി
നല്‍കുവാനും വാട്‌സാപ് നമ്പര്‍. ഇനി മുതൽ പരാതികൾ തെളിവുകള്‍ സഹിതം
9446700800 എന്ന വാട്‌സാപ് നമ്പറിലേക്ക് അയക്കാം.
• യുഎന്നിന്റെ പലസ്തീൻ അനുകൂല പ്രമേയത്തിന്റെ വോട്ടെടുപ്പിൽനിന്നു
വിട്ടുനിന്ന് ഇന്ത്യ. പലസ്തീൻ അധിനിവേശം ഇസ്രയേൽ
അവസാനിപ്പിക്കണമെന്നായിരുന്നു പ്രമേയം. 124 രാജ്യങ്ങൾ പ്രമേയത്തെ
പിന്തുണച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.