ചെറുകുന്ന്- പട്ടുവം പഞ്ചായത്തുകളെ ബന്ധിപ്പിക്കുന്ന കാവിൻ മുനമ്പ് പാലത്തിൻ്റെ പ്രവൃത്തി ഉദ്ഘാടനം മാർച്ച് 7 ന് വൈകുന്നേരം 5 മണിക്ക് മുഖ്യമന്ത്രി പിണറായി വിജയൻ നിർവ്വഹിക്കും. കാവിൻ മുനമ്പിൽ വെച്ച് നടക്കുന്ന ചടങ്ങിൽ പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് അധ്യക്ഷത വഹിക്കുമെന്ന് വാർത്താ സമ്മേളനത്തിൽ എം. വിജിൻ എം.എൽ.എ അറിയിച്ചു.
കിഫ്ബിയിൽ ഉൾപ്പെടുത്തി 91 കോടി രൂപ സംസ്ഥാന സർക്കാർ പദ്ധതിക്ക് അനുവദിച്ചത്.1395 മീറ്റർ നീളവും 11 മീറ്റർ വീതിയിലും നിർമ്മിക്കുന്ന പാലത്തിന് 46 മീറ്റർ രണ്ട് സെൻറർ സ്പാനും, 35 മീറ്റർ നീളത്തിലുള്ള 36 സ്പാനുകളും ഉണ്ടാകും. പൈൽ ഫൗണ്ടേഷൻ വിഭാവനം ചെയ്തിരിക്കുന്ന പാലത്തിന്ഇരുവശങ്ങളിൽ 1.50 മീറ്റർ വീതിയിൽ നടപ്പാതയും നിർമ്മിക്കും.
പട്ടുവം, ചെറുകുന്ന് ഭാഗങ്ങളിൽ അപ്രോച്ച് റോഡ് നിർമ്മിക്കുന്നതിനു വേണ്ടി 65 സെൻ്റ് ഭൂമി നേരത്തെ എടുത്തിരുന്നു.പാലം പൂർത്തിയാകുന്നതോടെ തളിപ്പറമ്പ്-പട്ടുവം ഭാഗത്തുള്ളവർക്ക് പഴയങ്ങാടി - കണ്ണപുരം സ്റ്റേഷനിലേക്കും, ചെറുകുന്നമ്പലം, മാട്ടൂൽ ഭാഗത്തേക്കും പിലാത്തറ പാപ്പിനിശ്ശേരി കെ. എസ്. ടി. പി റോഡിലേക്കും , ചെറുകുന്ന് കണ്ണപുരം, മാട്ടൂൽ ഭാഗത്തുള്ളവർക്ക് പട്ടുവം - തളിപ്പറമ്പ് ഭാഗത്തേക്കും എളുപ്പത്തിൽ എത്തിചേരാൻ സാധിക്കും.മാധ്യമ സമ്മേളനത്തിൽ പട്ടുവം പഞ്ചായത്ത് പ്രസിഡൻറ് പി.കെ. ദിവാകരൻ, ടി. ലത, യു.വി. വേണു, പ്രേമൻ എന്നിവരും പങ്കെടുത്തു.
Chief Minister Pinarayi Vijayan will inaugurate the Kavin Munamba Bridge
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.