● ഡൽഹിയിൽ ഇന്ദിരഗാന്ധി
വിമാനത്താവളത്തിലും
രണ്ട് ആശുപത്രികളിലും ഇ
മെയില് വഴി ബോംബ് ഭീഷണി. ബുറാഡിയിലെ സര്ക്കാര് ആശുപത്രിയിലും
മംഗോള്പുരിയിലെ സഞ്ജയ് ഗാന്ധി ആശുപത്രിയിലുമാണ് ഭീഷണി.
● സംസ്ഥാനത്ത് വേനല്മഴ ശക്തിപ്പെടും. വ്യാഴാഴ്ച വരെ പരക്കെ മഴയും
ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ടെന്ന് കേന്ദ്ര
കാലാവസ്ഥ വകുപ്പ് അറിയിച്ചു.
● പത്തനംതിട്ട തിരുവല്ല നിരണത്തെ സര്ക്കാര് താറാവ് വളര്ത്തല്
കേന്ദ്രത്തിൽ പക്ഷിപ്പനി സ്ഥിരീകരിച്ചു. കഴിഞ്ഞാഴ്ച ഇവിടെ താറാവുകള്
കൂട്ടത്തോടെ ചത്തിരുന്നു. വൈറോളജി ഇന്സ്റ്റിറ്റ്യൂട്ടില് നടത്തിയ പരിശോധനയിലാണ്
പക്ഷിപ്പനി സ്ഥിരീകരിച്ചത്.
● പ്രതിസന്ധി നേരിടുന്ന കണ്ണൂർ വിമാനത്താവളത്തിന് കൂടുതൽ പ്രഹരമായി എയർ
ഇന്ത്യ എക്സ്പ്രസ്സിൻ്റെ അകാരണമായ സർവ്വീസ് മുടക്കം. കഴിഞ്ഞ നാല് ദിവസത്തിനിടെ
മുപ്പതിലധികം സർവ്വീസുകൾ മുടങ്ങിയതോടെ കിയാൽ വരുമാന നഷ്ടം നേരിടുകയാണ്.
● പ്ലാസ്റ്റിക് ഉൾപ്പെടെയുള്ള അജൈവ മാലിന്യം ശേഖരിച്ച് സംസ്കരിക്കുന്നതിന് രൂപീകരിച്ച ക്ലീൻ കേരള കമ്പനി നാലുവർഷത്തിനിടെ ഹരിതകർമസേനയ്ക്ക് നൽകിയത് 17.65 കോടി രൂപ.
● സംസ്ഥാനത്തുണ്ടായ കനത്ത വരൾച്ച കാർഷികമേഖലയെ ഗുരുതരമായി ബാധിച്ചു. 19218.92 ഹെക്ടറിലെ 47,337 കർഷകരുടെ വിളകളാണ് നശിച്ചത്. ഇടുക്കിയിലെ കർഷകർക്കാണ് കൂടുതൽ നാശനഷ്ടമുണ്ടായത്.
● സംസ്ഥാനത്ത് വേനല്മഴ സജീവമായതോടെ വൈദ്യുതി ഉപയോഗത്തില് വീണ്ടും കുറവ്.
ശനിയാഴ്ച 9.56 കോടി യൂണിറ്റായി പ്രതിദിന ഉപയോഗം കുറഞ്ഞു. പീക്ക് സമയത്തെ
വൈദ്യുതി ആവശ്യകത 4585 മെഗാ വാട്ടായും കുറഞ്ഞു.
● പാലക്കാട് റെയിൽവേ ഡിവിഷൻ അടച്ചുപൂട്ടാനുള്ള തീരുമാനത്തിൽ നിന്ന് റെയിൽവേ
പിന്മാറണമെന്ന് മന്ത്രി വി അബ്ദുറഹിമാൻ ആവശ്യപ്പെട്ടു. ഇക്കാര്യം
ഉന്നയിച്ച് മന്ത്രി കേന്ദ്ര റെയിൽവേ മന്ത്രിക്ക് കത്തെഴുതി.
● ഐപിഎല്ലിൽ റോയൽ ചലഞ്ചേഴ്സിന് ബംഗളൂരുവിന് തകർപ്പൻ ജയം. ഡൽഹി
ക്യാപ്പിറ്റൽസിനെ 47 റൺസിന് തകർത്തു. 188 റൺസ് വിജയലക്ഷ്യം പിന്തുടർന്ന
ഡൽഹി 140 നു ഓൾ ഔട്ടായി. യാഷ് ദയാൽ മൂന്നു വിക്കറ്റ് വീഴ്ത്തി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.