നീലേശ്വരം വെടിക്കെട്ട് അപകടം: മരണസംഖ്യ ഉയരുന്നു... #Accident

 

നീലേശ്വരം വെടിക്കെട്ട് അപകടത്തില്‍ പരിക്കേറ്റ് ചികിത്സയിലായിരുന്ന ഒരാള്‍ കൂടി മരിച്ചു. ചെറുവത്തൂര്‍ സ്വദേശി ഷിബിന്‍രാജ്(19)ആണ് മരിച്ചത്. കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലിരിക്കെ ഞായറാഴ്ച അര്‍ദ്ധരാത്രിയോടെയായിരുന്നു മരണം. ഇതോടെ വെടിക്കെട്ട് അപകടത്തില്‍ മരിച്ചവരുടെ എണ്ണം നാലായി.
വെടിക്കെട്ട് അപകടത്തില്‍ പരിക്കേറ്റ് ചികിത്സയിലായിരുന്ന രണ്ടുപേര്‍ ഇന്നലെ മരിച്ചിരുന്നു. കിനാനൂര്‍ സ്വദേശി രതീശ്, നീലേശ്വരം സ്വദേശി ബിജു എന്നിവരാണ് ഇന്നലെ മരിച്ചത്.

പൊള്ളലേറ്റ് കണ്ണൂരിലെ ആശുപത്രിയില്‍ ചികിത്സയിലായിരുന്ന ചോയ്യങ്കോട് കിണാവൂര്‍ സന്ദീപ് ശനിയാഴ്ചയും മരിച്ചിരുന്നു. കഴിഞ്ഞ ചൊവ്വാഴ്ച പുലര്‍ച്ചെയാണ് നീലേശ്വരം അഞ്ഞൂറ്റമ്പലം വീരര്‍ക്കാവ് ക്ഷേത്ര കളിയാട്ടത്തിനിടെ പടക്കശേഖരത്തിന് തീപിടിച്ച് അപകടമുണ്ടായത്.

മൂവാളംകുഴി ചാമുണ്ഡി തെയ്യത്തിന്റെ വെള്ളാട്ടം പുറപ്പാട് സമയത്ത് പടക്കംപൊട്ടിച്ചപ്പോള്‍, തീപ്പൊരി പടക്കംസൂക്ഷിച്ച കെട്ടിടത്തിലേക്ക് വീഴുകയും പൊട്ടിത്തെറിക്കുകയുമായിരുന്നു. അപകടത്തില്‍ 150-ലേറെ പേര്‍ക്ക് പരിക്കേറ്റിരുന്നു.

ദാരുണം : കാസർഗോഡ് നീലേശ്വരത്തെ വെടിക്കെട്ട് അപകടം, ചികിത്സയിലായിരുന്ന യുവാവ് മരണത്തിന് കീഴടങ്ങി.. #NeleswaramFireworkAccident

കാസർകോട് : നീലേശ്വരം വീരർകാവ് അഞ്ഞൂറ്റമ്പലത്തുണ്ടായ വെടിക്കെട്ടപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു.   ചോയങ്കോട് കിണാവൂർ സ്വദേശി സന്ദീപ് (38) ആണ് മരിച്ചത്.   കണ്ണൂരിലെ ബേബി മെമ്മോറിയൽ ആശുപത്രിയിൽ ചികിത്സയിലായിരുന്നു.

വെടിക്കെട്ട് അപകടം; പരിക്കേറ്റവരുടെ ചികിത്സാ ചിലവ് സര്‍ക്കാര്‍ വഹിക്കും... #Kasargod

 

 കാസർകോട് ജില്ലയിലെ നീലേശ്വരത്ത് വെടിവെപ്പിൽ പരിക്കേറ്റവരുടെ ചികിത്സാ ചെലവ് സർക്കാർ വഹിക്കും. നീലേശ്വരം അഞ്ഞൂറ്റമ്പലം വീരകാവ് ക്ഷേത്രത്തിലെ ഉത്സവത്തിൻ്റെ ആദ്യദിവസമാണ് അപകടം. രാത്രി 12 മണിയോടെയാണ് സംഭവം. ചൈനീസ് പടക്കം പൊട്ടിക്കുന്നതിനിടെ കമ്പപ്പുരയുടെ മുകളിലേക്ക് തീപ്പൊരി വീണു. പടക്കങ്ങൾ സൂക്ഷിച്ചിരുന്ന കമ്പപ്പുരയും തീവെട്ടിപ്പുറവും തമ്മിൽ മൂന്നരയടി ദൂരമേ ഉണ്ടായിരുന്നുള്ളൂ. 100 മീറ്റർ ദൂരപരിധി നിയമങ്ങൾ ലംഘിച്ചാണ് പടക്കം പൊട്ടിച്ചത്. മൂവാളംകുഴി ചാമുണ്ഡി തെയ്യത്തിൻ്റെ സ്നാന ചടങ്ങുകൾ പുരോഗമിക്കുന്നതിനിടെയാണ് കമ്പപ്പുര തീഗോളമായി മാറിയത്.

പടക്കത്തിന് സമീപം പടക്കങ്ങൾ കത്തിക്കുന്നതും കാണികൾക്ക് സമീപം അശ്രദ്ധമായി പടക്കങ്ങൾ കൈകാര്യം ചെയ്യുന്നതിൻ്റെ ദൃശ്യങ്ങൾ പുറത്തുവന്നിട്ടുണ്ട്. ഈ സമയം കമ്പപ്പുരയ്ക്കും ക്ഷേത്രപരിസരത്തിനും ചുറ്റും മൂവായിരത്തോളം പേരുണ്ടായിരുന്നു. കമ്പപ്പുരയ്ക്ക് സമീപം ഉണ്ടായിരുന്നവർക്കാണ് പൊള്ളലേറ്റത്. തിക്കിലും തിരക്കിലും പെട്ട് നിരവധി പേർക്ക് പരിക്കേറ്റു. ആകെ 150 പേർക്ക് പരിക്കേറ്റു. നിലവിൽ പതിമൂന്ന് ആശുപത്രികളിലായി 101 പേർ ചികിത്സയിലാണ്. ഇന്ന് നാല് പേർ കൂടി ആശുപത്രി വിട്ടു. ഇപ്പോൾ 29 പേരാണ് ഐസിയുവിൽ ഉള്ളത്.
ഏഴ് പേർ ഇപ്പോഴും വെൻ്റിലേറ്ററിലാണ്. ഒരാളുടെ നില ഗുരുതരമായി തുടരുകയാണ്.

കാസർഗോഡ് തെയ്യം കെട്ട് മഹോത്സവത്തിനിടെ വെടിക്കെട്ട് ശാലക്ക് തീപിടിച്ച് അപകടം; ക്ഷേത്ര കമ്മിറ്റി പ്രസിഡന്റും സെക്രട്ടറിയും കസ്റ്റഡിയിൽ... #Accident

 

 കാസർകോട് നീലേശ്വരം അഞ്ഞൂറ്റമ്പലം വീരകാവ് കളിയാട്ട ഉത്സവത്തോടനുബന്ധിച്ച് പടക്കങ്ങൾ സൂക്ഷിച്ചിരുന്ന സ്ഥലത്തുണ്ടായ പൊട്ടിത്തെറിയിൽ പൊലീസ് കേസെടുത്തു. ക്ഷേത്ര കമ്മിറ്റി പ്രസിഡൻ്റിനെയും സെക്രട്ടറിയെയും കസ്റ്റഡിയിലെടുത്തു.

അനുമതിയില്ലാതെയാണ് പടക്കങ്ങൾ സൂക്ഷിച്ചതെന്ന് കാസർകോട് ജില്ലാ കളക്ടർ ഇമ്പശേഖർ പറഞ്ഞു. മിനിമം അകലം പാലിക്കാതെയാണ് പടക്കം പൊട്ടിച്ചത്. 100 മീറ്റർ വേണമെന്നാണ് ചട്ടം. രണ്ടോ മൂന്നോ അടി അകലത്തിലാണ് പടക്കം പൊട്ടിക്കുന്നത്. പോലീസ് കേസെടുത്ത് അന്വേഷണം ആരംഭിച്ചതായി ജില്ലാ കളക്ടർ അറിയിച്ചു. സ്ഥലത്ത് നിന്ന് സാമ്പിളുകൾ ശേഖരിച്ചിട്ടുണ്ട്.

154 പേർക്ക് പരിക്കേറ്റു. അപകടത്തിൽ പരിക്കേറ്റ 97 പേർ ചികിത്സയിലാണ്. അപകടത്തിൽ പരിക്കേറ്റ എട്ട് പേരുടെ നില ഗുരുതരമാണെന്ന് ജില്ലാ കളക്ടർ ഇമ്പശേഖർ അറിയിച്ചു. ഇവരിൽ ഒരാളുടെ നില ഗുരുതരമാണ്.

80 ശതമാനം പൊള്ളലേറ്റ സന്ദീപിനെ കണ്ണൂർ പരിയാരം പരിയാരം മെഡിക്കൽ കോളേജിലേക്ക് മാറ്റി. ഗുരുതരമായി പരിക്കേറ്റ മറ്റ് നാല് പേരെ പരിയാരത്തേക്ക് മാറ്റി.

മൂവാളംകുഴി ചാമുണ്ഡി തെയ്യത്തിൻ്റെ സ്നാന ചടങ്ങിനിടെയാണ് അപകടം. പരിക്കേറ്റവരെ നീലേശ്വരത്തെയും കാഞ്ഞങ്ങാട്ടെയും വിവിധ സ്വകാര്യ ആശുപത്രികളിലും കാഞ്ഞങ്ങാട് ജില്ലാ ആശുപത്രിയിലുമാണ് ആദ്യം പ്രവേശിപ്പിച്ചത്. 154 പേർക്ക് പൊള്ളലേൽക്കുകയും പരിക്കേൽക്കുകയും ചെയ്തു. പൊള്ളലേറ്റ പലരുടെയും നില ഗുരുതരമാണ്.

ഉച്ചയ്ക്ക് 12 മണിയോടെയാണ് സംഭവം. 97 പേർ ചികിത്സയിലാണ്. അപകടത്തിൽ പരിക്കേറ്റ എട്ട് പേരുടെ നില ഗുരുതരമാണെന്ന് ജില്ലാ കളക്ടർ ഇമ്പശേഖർ അറിയിച്ചു. ഗുരുതരാവസ്ഥയിലുള്ള നിരവധി രോഗികളെ മംഗലാപുരത്തെ സ്വകാര്യ ആശുപത്രികളിലേക്ക് മാറ്റുന്നുണ്ട്. പടക്കം പൊട്ടിച്ചതിൻ്റെ തീപ്പൊരിയാണ് തീപിടിത്തത്തിന് കാരണമെന്നാണ് നിഗമനം.

കാഞ്ഞങ്ങാട് ആശുപത്രിയിൽ 16പേരും സഞ്ജീവനി ആശുപത്രിയിൽ 10പേരും ഐശാല്‍ ആശുപത്രിയിൽ 17 പേരും പരിയാരം മെഡിക്കല്‍ കോളേജിൽ അഞ്ച് പേരും കണ്ണൂര്‍ മിംസിൽ 18പേരും കോഴിക്കോട് മിംസിൽ രണ്ട് പേരും അരിമല ആശുപത്രിയിൽ മൂന്നുപേരും കെഎഎച്ച് ചെറുവത്തൂരിൽ രണ്ടു പേരും മണ്‍സൂര്‍ ആശുപത്രിയിൽ അഞ്ചുപേരും ദീപ ആശുപത്രിയിൽ ഒരാളും മാംഗ്ലൂര്‍ എംജെ മെഡിക്കല്‍ കോളേജിൽ 18പേരുമാണ് ചികിത്സയിലുള്ളത്.

കെ.എസ്.ഇ.ബി.ക്ക് പണികൊടുത്ത് ബി.എസ്.എൻ.എൽ... #KSEB #BSNL

 

 

 തൂൺവാടക അടയ്ക്കാത്തതിന് വൈദ്യുതത്തൂണുകളിൽനിന്ന്‌ കേബിൾ അഴിച്ചുമാറ്റിയ കെ.എസ്.ഇ.ബി.ക്ക് പണികൊടുത്ത് ബി.എസ്.എൻ.എൽ. വൈദ്യുതി ഓഫീസിലെ ടെലിഫോൺ ബന്ധം വിച്ഛേദിച്ചാണ് ബി.എസ്.എൻ.എൽ. തിരിച്ചടിച്ചത്.

ബി.എസ്.എൻ.എൽ. ഫ്രാഞ്ചൈസികൾ വൈദ്യുതത്തൂണുകളിൽ കേബിൾ വലിച്ചയിനത്തിൽ വാടകയായി നീലേശ്വരം വൈദ്യുതി സെക്ഷനിൽ എട്ടുലക്ഷം രൂപ അടയ്ക്കാനുണ്ട്. കുടിശ്ശിക അടയ്ക്കണമെന്നാവശ്യപ്പെട്ട് പലതവണ ബി.എസ്.എൻ.എല്ലിന് കത്ത് നൽകിയെങ്കിലും അത് ഗൗരവമായെടുത്തില്ല. ഇതേതുടർന്ന് വൈദ്യുതത്തൂണുകളിലെ കേബിളുകൾ മാറ്റുമെന്ന് കെ.എസ്.ഇ.ബി. അധികൃതർ മുന്നറിയിപ്പ് നൽകിയിരുന്നു.

വ്യാഴാഴ്ച രാവിലെ കേബിളുകൾ അഴിച്ചുമാറ്റി. ഇതിന് തൊട്ടുപിന്നാലെയാണ് നീലേശ്വരം വൈദ്യുത സെക്ഷൻ ഓഫീസിലേക്കുള്ള ടെലിഫോൺ ബന്ധം ബി.എസ്.എൻ.എൽ. അധികൃതർ വിച്ഛേദിച്ചത്. ഇന്റർനെറ്റ് അടക്കമുള്ള കണക്ഷൻ വിച്ഛേദിച്ചതോടെ വൈദ്യുതി സെക്ഷൻ ഓഫീസിലെ ബില്ലിങ്ങും മറ്റ് ഇടപാടുകളും മുടങ്ങി. കെ.എസ്.ഇ.ബി. അധികൃതർ ബി.എസ്.എൻ.എൽ. ഓഫീസുമായി ബന്ധപ്പെട്ടെങ്കിലും നടപടിയുണ്ടായില്ല

ഒടുവിൽ ടെലികോം ഉന്നത ഉദ്യോഗസ്ഥരുമായി ബന്ധപ്പെട്ടശേഷം ഉച്ചയോടെയാണ് ടെലിഫോൺ ബന്ധം പുനഃസ്ഥാപിച്ചത്. പ്രതികാരമെന്ന് വൈദ്യുതജീവനക്കാർ ആരോപിക്കുമ്പോൾ വൈദ്യുതവകുപ്പ് ജീവനക്കാർ കേബിളുകൾ മുറിച്ചുമാറ്റിയപ്പോഴുണ്ടായ പിഴവാണ് തകരാറിന് കാരണമെന്നാണ് ബി.എസ്.എൻ.എൽ. അധികൃതർ പറയുന്നു.