പ്രധാന വാർത്തകളും സംഭവങ്ങളും ഒറ്റനോട്ടത്തിൽ - 19 മെയ് 2025 | #NewsHeadlines

• ആഗോള കത്തോലിക്കാ സഭയുടെ തലവനായി ലിയോ പതിനാലാമൻ മാര്‍പാപ്പ അധികാരമേറ്റു. സ്ഥാനാരോഹണച്ചടങ്ങ് വത്തിക്കാനില്‍ തുടരുകയാണ്.

• കോഴിക്കോട് നഗരത്തിലെ തന്ത്രപ്രധാന കേന്ദ്രമായ മൊഫ്യൂസില്‍ ബസ് സ്റ്റാന്‍ഡിലെ ടെക്സ്‌റ്റൈല്‍ ഷോപ്പിലുണ്ടായ വമ്പൻ തീ കഠിന ശ്രമത്തിനൊടുവിൽ നിയന്ത്രണവിധേയമാക്കി, ആളപായമില്ല.

• സംസ്ഥാനത്ത് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഓറഞ്ച് അലർട്ട്.

• സംസ്ഥാനത്തെ പത്താം ക്ലാസിലെ 4.30 ലക്ഷം കുട്ടികൾക്ക് റോബോട്ടിക്സ് സാങ്കേതികവിദ്യ പഠിക്കാനും അതിൽ പ്രായോഗിക പരീക്ഷണങ്ങൾ നടത്താനും പുതിയ അധ്യയന വർഷം മുതൽ അവസരം.

• വി.ടി ഭട്ടതിരിപ്പാട് സാംസ്‌കാരിക സമുച്ചയം മുഖ്യമന്ത്രി ഉദ്ഘാടനം ചെയ്തു. കേരളത്തിന്റെ സാംസ്‌കാരിക രംഗത്തിന് വി.ടി നല്‍കിയ സംഭാവനകള്‍ അതുല്യമാണെന്ന് മുഖ്യമന്ത്രി പറഞ്ഞു.

• മണിപ്പൂർ കലാപക്കേസുമായി ബന്ധപ്പെട്ട് തലശേരിയിൽ നിന്ന് ദേശീയ അന്വേഷണ ഏജൻസി  അറസ്‌റ്റ്‌ ചെയ്‌ത ഇംഫാൽ സ്വദേശി രാജ്‌കുമാർ മൈപാക്‌സന കൊലപാതകം ഉൾപ്പെടെ നിരവധികേസുകളിൽ പ്രതി.

• 2019–23 കാലഘട്ടത്തില്‍ രാജ്യത്തിന്റെ വിവിധഭാഗങ്ങളിലായി റോഡപകടങ്ങളില്‍ എട്ട് ലക്ഷം പേര്‍ക്ക് ജീവന്‍ നഷ്ടമായി. ഇതില്‍ 1.5 ലക്ഷം വരുന്ന 20 ശതമാനം പേരും കാല്‍നടക്കാരാണ്. ട്രാന്‍സ്പോര്‍ട്ടേഷന്‍ റിസര്‍ച്ച് ആന്റ് ഇഞ്ചുറി പ്രിവന്‍ഷന്‍ സെന്ററും ഐഐടി ഡല്‍ഹിയും ചേര്‍ന്ന് പുറത്തിറക്കിയ ഇന്ത്യ സ്റ്റാറ്റസ് റിപ്പോര്‍ട്ട് ഓണ്‍ റോഡ് സേഫ്റ്റിയിലാണ് ഇക്കാര്യം വ്യക്തമാക്കുന്നത്.

• പാകിസ്ഥാൻ രഹസ്യാന്വേഷണ ഏജൻസികൾക്ക് തന്ത്രപ്രധാനമായ വിവരങ്ങൾ കൈമാറിയ സംഭവത്തില്‍ കൂടുതല്‍ യുട്യൂബര്‍മാര്‍ക്കെതിരെ അന്വേഷണം. ചാരവൃത്തി ആരോപണത്തില്‍ കഴിഞ്ഞദിവസം അറസ്റ്റിലായ ജ്യോതി മൽഹോത്രയും പുരി സ്വദേശിയായ യുട്യൂബറും തമ്മിലുള്ള ബന്ധത്തെക്കുറിച്ച് ഒഡിഷ പൊലീസ് അന്വേഷണം ആരംഭിച്ചു.

ഇന്നത്തെ പത്രങ്ങളിലെ പ്രധാന വാർത്തകളും സംഭവങ്ങളും ഒറ്റനോട്ടത്തിൽ - 19 മെയ് 2024 #NewsHeadlines

● കനത്ത മഴമൂലം പത്തനംതിട്ട ജില്ലയിൽ യാത്രാ നിരോധനം ഏർപ്പെടുത്തി. രാത്രി 7 മുതൽ രാവിലെ 6 വരെ മലയോര മേഖലയിലേക്കുള്ള യാത്രകൾ നിരോധിച്ചു. തൊഴിലുറപ്പ് ജോലികള്‍, വിനോദ സഞ്ചാരം എന്നിവയക്കും നിരോധനമുണ്ട്. മെയ് 23 വരെയാണ് നിരോധനം.

● ഉഷ്ണതരംഗത്തെ ഡൽഹിയിൽ തുടര്‍ന്ന റെഡ് അലേര്‍ട്ട് പ്രഖ്യാപിച്ചു. ഉത്തരേന്ത്യയില്‍ ജാഗ്രതാ നിര്‍ദ്ദേശം. ഹരിയാന, പഞ്ചാബ്, രാജസ്ഥാന്‍ എന്നിവിടങ്ങളിലും റെഡ് അലര്‍ട്ട് പ്രഖ്യാപിച്ചിട്ടുണ്ട്.

● ഹെപ്പറ്റൈറ്റിസ് എ വൈറസ് കരളിനെ ബാധിക്കുകയും കരള്‍ വീക്കത്തിന് കാരണമാവുകയും ചെയ്യുന്നതിനാല്‍ വളരെ ശ്രദ്ധിക്കണമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്.

● ഇന്ത്യൻ ഓഹരിയില്‍നിന്ന് വിദേശ കമ്പനികൾ കൂട്ടത്തോടെ പിൻവാങ്ങുന്നു. മെയ്‌ മാസം ഇതുവരെ വിദേശനിക്ഷേപക കമ്പനികൾ പിൻവലിച്ചത്‌ 29,000 കോടി രൂപ (350 കോടി ഡോളർ). 2023 ജൂൺ 23ന്‌ ശേഷമുള്ള ഏറ്റവും വലിയ പ്രതിമാസ നഷ്ടമാണിത്.

● സംസ്ഥാനത്ത് അഞ്ചുദിവസം അതിശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്‍കിയ സാഹചര്യത്തില്‍ ജാഗ്രതാ നിര്‍ദേശവുമായി മുഖ്യമന്ത്രി പിണറായി വിജയന്‍.

● ശക്തമായ കാറ്റും മോശം കാലാവസ്ഥയും പ്രതീക്ഷിക്കുന്നതിനാല്‍ ഇനിയൊരു അറിയിപ്പ് ഉണ്ടാകുന്നത് വരെ കേരള തീരത്ത് നിന്ന് കടലില്‍ പോകാന്‍ പാടില്ലെന്ന് നിര്‍ദേശം.

● ആദ്യ ഇന്ത്യന്‍ ബഹിരാകാശ വിനോദ സഞ്ചാരിയാകാനൊരുങ്ങി ​ഗോപിചന്ദ് തോട്ടുകര. ബ്ലൂ ഒറിജിന്റെ ന്യൂ ഷെപ്പേര്‍ഡ്-25 ദൗത്യത്തിന്റെ ഭാ​ഗമായി ​ഗോപിചന്ദ് ഉള്‍പ്പെട്ട ആറം​ഗസംഘം ഞായറാഴ്ച യുഎസിലെ വെസ്റ്റ് ടെക്-സാസില്‍നിന്ന് യാത്ര തിരിക്കും.

● രാജ്യത്ത് 2018നും 22നും ഇടയില്‍ അപ്രത്യക്ഷമായത് കൃഷിയിടങ്ങളിലെ അമ്പത് ലക്ഷത്തിലധികം വന്‍മരങ്ങള്‍. ‘നേച്ചര്‍ സസ്റ്റയിനബിലിറ്റി’ മാസിക പുറത്തുവിട്ട റിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്. ജൈവ വൈവിധ്യത്തെ ഇത് ദോഷകരമായി ബാധിച്ചുവെന്നും റിപ്പോര്‍ട്ടിലുണ്ട്.

● നിർണായക മത്സരത്തിൽ ചെന്നൈയെ പരാജയപ്പെടുത്തി ബെം​ഗളൂരു പ്ലേഓഫിൽ. 27 റൺസിനാണ് ബെം​​ഗളൂരുവിന്റെ വിജയം. ആർസിബി ഉയർത്തിയ 219 റൺസ് വിജയ ലക്ഷ്യം ചെന്നൈ ഏഴു വിക്കറ്റ് നഷ്ടത്തിൽ 191ൽ അവസാനിച്ചു.

● ഇന്ത്യയിലെ അദാനി പോർട്‌സ് അടക്കം മൂന്ന് കമ്പനികളെ നോർവേ സെൻട്രൽ ബാങ്ക് കരിമ്പട്ടികയിൽ ഉൾപ്പെടുത്തി. നോർവേയിലെ ഗവൺമെൻ്റ് പെൻഷൻ ഫണ്ട് ഗ്ലോബലിൽ നിന്ന് കമ്പനിയെ പുറത്താക്കിക്കൊണ്ടാണ് ബാങ്ക് നടപടി.

SSLC പരീക്ഷാ ഫലം പ്രഖ്യാപിച്ചു.. 99.70 % വിദ്യാർത്ഥികൾക്ക് ഉന്നത പഠനത്തിന് അർഹത.. #SSLCResult2023

ഈ വർഷത്തെ എസ്എസ്എൽസി പരീക്ഷാഫലം പ്രഖ്യാപിച്ചു.  വിജയശതമാനം 99.70.  വിദ്യാഭ്യാസ മന്ത്രി വി ശിവൻകുട്ടിയാണ് ഫലം പ്രഖ്യാപിച്ചത്.  പാലായും മൂവാറ്റുപുഴയുമാണ് ഏറ്റവും കൂടുതൽ വിജയശതമാനമുള്ള വിദ്യാഭ്യാസ ജില്ലകൾ.

ഈ വിദ്യാഭ്യാസ ജില്ലകൾ 100% വിജയം കൈവരിച്ചു.  ഏറ്റവും കൂടുതൽ വിജയശതമാനം നേടിയ ജില്ല കണ്ണൂരാണ്.  99.94 ആണ് വിജയശതമാനം.  വിജയശതമാനം ഏറ്റവും കുറവ് വയനാട് ജില്ലയിലാണ്.

  68604 പേർ എല്ലാ വിഷയങ്ങൾക്കും എ പ്ലസ് നേടി.  528 കുട്ടികളാണ് ഗൾഫിൽ പരീക്ഷ എഴുതിയത്.  ഇതിൽ 504 വിദ്യാർഥികൾ ഉന്നത വിദ്യാഭ്യാസത്തിന് യോഗ്യത നേടി.

ലക്ഷദ്വീപിൽ 288 കുട്ടികളാണ് പരീക്ഷ എഴുതിയത്.  ഇതിൽ 283 പേർ വിജയിച്ചു.  2960 കേന്ദ്രങ്ങളിലായി 419128 പേർ പരീക്ഷയെഴുതി.  70 ക്യാമ്പുകളിൽ മൂല്യനിർണയം പൂർത്തിയായി.

SSLC THSLC 2023 ഫലം ലഭ്യമാകുന്ന വെബ്‌സൈറ്റുകൾ / ആപ്പുകൾ : 

● PRD LIVE മൊബൈൽ ആപ്പ്

● https://www.prd.kerala.gov.in

● https://results.kerala.gov.in

● https://examresults.kerala.gov.in

● https://pareekshabhavan.kerala.gov.in

● https://results.kite.kerala.gov.in

● https://sslcexam.kerala.gov.in

 

ഓർക്കുക വിജയവും പരാജയവും ജീവിതത്തിന്റെ അളവുകോലല്ല, വിജയിച്ചവർ വിജയം തുടരുവാൻ ശ്രമിക്കുക, പരാജയപ്പെട്ടവർ വിജയിക്കുന്നതുവരെയും ശ്രമം തുടർന്നുകൊണ്ടേയിരിക്കുക..

ഇന്നത്തെ പത്രങ്ങളിലെ പ്രധാന വാർത്തകൾ | 19 മെയ് 2023 | #News_Highlights

● മുതിർന്ന അഭിഭാഷകൻ കെവി. വിശ്വനാഥൻ സുപ്രീംകോടതി ജഡ്ജിയായി ഇന്ന് ചുമതലയേൽക്കും. രാവിലെ 10.30 നാണ് സത്യപ്രതിജ്ഞ.

● എലത്തൂര്‍ ട്രെയിന്‍ തീവെയ്പ് കേസില്‍ സുരക്ഷാ വീഴ്ച വരുത്തിയെന്ന് ചൂണ്ടിക്കാട്ടി ഐജി പി. വിജയന് സസ്‌പെന്‍ഷന്‍. കേസിലെ പ്രതി ഷാരൂഖ് സെയ്ഫിയെ കേരളത്തിലേക്ക് കൊണ്ടുവന്നപ്പോള്‍ സൂക്ഷിക്കേണ്ട രഹസ്യവിവരങ്ങള്‍ ചോര്‍ന്നു എന്ന് ചൂണ്ടിക്കാട്ടിയാണ് നടപടി.

● സർക്കാരിന്റെ നൂറുദിന കർമപരിപാടിയുടെ ഭാഗമായി സംസ്ഥാനത്ത് തുറക്കുന്നത് 5409 ജനകീയ ആരോഗ്യ കേന്ദ്രം. 140 മണ്ഡലത്തിലെയും ആരോ​ഗ്യ സബ് സെന്ററുകളെ ജനകീയ ആരോ​ഗ്യകേന്ദ്രങ്ങളാക്കി ഉയർത്തുന്നതിന്റെ പ്രഖ്യാപനം പിരപ്പൻകോട് ജനകീയ ആരോഗ്യ കേന്ദ്രത്തിൽ മുഖ്യമന്ത്രി പിണറായി വിജയൻ നിർവഹിച്ചു.

● ആഭ്യന്തര വിനോദസഞ്ചാരികളുടെ എണ്ണത്തിൽ റെക്കോഡ്‌ നേട്ടവുമായി സംസ്ഥാനം. 2022 കേരളം സന്ദർശിച്ചത്‌ 1.88 കോടി ആഭ്യന്തര സഞ്ചാരികൾ. കോവിഡിന് മുമ്പ്‌ 2019ൽ ഒരു വർഷം പരമാവധി കേരളത്തിലേക്കെത്തിയ ആഭ്യന്തര സഞ്ചാരികളുടെ എണ്ണം 1,83,84,233 ആയിരുന്നു.

● ആറുദിവസത്തെ അനിശ്ചിതത്വത്തിനൊടുവിൽ കർണാടകത്തിലെ പുതിയ മുഖ്യമന്ത്രിയായി സിദ്ധരാമയ്യയെ കോൺഗ്രസ്‌ നേതൃത്വം പ്രഖ്യാപിച്ചു. പിസിസി പ്രസിഡന്റ്‌ ഡി കെ ശിവകുമാർ ഉപമുഖ്യമന്ത്രിയാകും.

● ചർമ്മ മുഴ ഉൾപ്പെടെയുള്ള രോഗങ്ങളും കാലാവസ്ഥാ വ്യതിയാനവും കാരണം രാജ്യത്ത് പാലുല്പാദനത്തിൽ ഗണ്യമായ കുറവ്.

ചർമ്മ മുഴ ബാധിച്ച് രാജ്യത്ത് രണ്ട് ലക്ഷത്തോളം പശുക്കൾക്കാണ് ജീവഹാനി സംഭവിച്ചതെന്ന് കേന്ദ്ര സർക്കാറിന്റെ കണക്കുകൾ വ്യക്തമാക്കുന്നത്.