ഇന്നത്തെ പത്രങ്ങളിലെ പ്രധാന വാർത്തകളും സംഭവങ്ങളും ഒറ്റനോട്ടത്തിൽ - 02 ജൂലൈ 2025 | #NewsHeadlines

• സംസ്ഥാനത്ത് ഇന്ന് മുതൽ വീണ്ടും ഒറ്റപ്പെട്ട ശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഒറ്റപ്പെട്ട ഇടങ്ങളിൽ മഴക്കുള്ള സാധ്യത നിലനിർത്തി  കോഴിക്കോട്, കണ്ണൂർ, കാസർഗോഡ് ജില്ലകളിൽ യെല്ലോ അലർട്ട്.

• രാജ്യത്തെ ഏറ്റവും വലിയ ഡാർക്ക്‌നെറ്റ്‌ മയക്കുമരുന്ന്‌ വിൽപന ശൃംഖല തകർത്ത്‌ നാർക്കോട്ടിക്‌ കൺട്രോൺ ബ്യൂറോ. എൻസിബി കൊച്ചി യൂണിറ്റിന്‍റെ നാല്‌ മാസങ്ങൾ നീണ്ട ‘മെലോൺ’എന്ന ദൗത്യമാണ് വിജയം കണ്ടത്.

• വി എസ് അച്യുതാനന്ദന്റെ ആരോഗ്യനില അതീവ ഗുരുതരം. മരുന്നുകളോട് പ്രതികരിക്കുന്നുണ്ടെന്ന് ഡോക്ടേഴ്സ്. ജീവൻ നിലനിർത്തുന്നത് വെന്റിലേറ്ററിന്റെ സഹായത്തോടെ. സർക്കാർ നിയോഗിച്ച ഏഴംഗ വിദഗ്ധ സംഘത്തിന്റെ നിർദേശത്തിന്റെ അടിസ്ഥാനത്തിൽ ചികിത്സ തുടരുന്നു.

• ഓണത്തിന്‌ അധിക അരിവിഹിതം അനുവദിക്കണമെന്ന കേരളത്തിന്റെ ആവശ്യം കേന്ദ്രം തള്ളി. കേരളത്തിന്‌ സഹായം അനുവദിക്കാനാകില്ലെന്ന്‌ ഭക്ഷ്യമന്ത്രി ജി ആർ അനിലുമായി ഡൽഹിയിൽ നടത്തിയ കൂടിക്കാഴ്‌ചയിൽ കേന്ദ്ര ഭക്ഷ്യവിതരണ മന്ത്രി പ്രഹ്ലാദ്‌ ജോഷി അറിയിച്ചു.

• വയനാട്‌ ജില്ലയിലെ 3000ത്തോളം ഭൂരഹിത പട്ടികവർഗക്കാർക്ക്‌ സുൽത്താൻ ബത്തേരി മരിയനാട് എസ്റ്റേറ്റ് ഭൂമി ഉടൻ പതിച്ചു നൽകുന്നു. എസ്റ്റേറ്റിലെ തൊഴിലാളികൾക്ക്‌ നഷ്‌ടപരിഹാരം നൽകാൻ സർക്കാർ അഞ്ചു കോടി രൂപ അനുവദിച്ചതായും മന്ത്രി ഒ ആർ കേളു അറിയിച്ചു.

• നാഷണൽ ഹെറാൾഡ്‌ കേസിൽ കോൺഗ്രസ്‌ നേതാക്കളായ സോണിയ ഗാന്ധിയെയും മകൻ രാഹുൽ ഗാന്ധിയെയും പ്രധാന പ്രതികളാക്കി ഇഡി സമർപ്പിച്ച കുറ്റപത്രത്തിൽ ബുധനാഴ്‌ച മുതൽ പ്രതിദിനവാദം ആരംഭിക്കും. ഡൽഹി റൗസ്‌ അവന്യൂ പ്രത്യേക കോടതി ജഡ്‌ജി വിശാൽ ഗോഗ്നെയ്ക്ക്‌ മുമ്പാകെ ജൂലൈ എട്ടുവരെയാണ്‌ വാദം.

• സപ്ലൈകോയിൽനിന്ന്‌ ഈ മാസം മുതൽ എട്ട്‌ കിലോ കെ റൈസ്‌ വിതരണം ചെയ്യും. കാർഡുടമകൾക്ക്‌ രണ്ട്‌ തവണയായി വാങ്ങാം. നിലവിൽ അഞ്ച്‌ കിലോയാണ്‌ നൽകുന്നത്‌.

• പഹൽഗാം ഭീകരാക്രമണം സാമ്പത്തിക യുദ്ധമെന്ന് വിദേശകാര്യ മന്ത്രി എസ് ജയശങ്കർ. കാശ്മീരിലെ ടൂറിസത്തെ നശിപ്പിക്കാൻ ആയിരുന്നു ശ്രമം. മതപരമായ ഭിന്നിപ്പ് ഉണ്ടാക്കാനും ഭീകരവാദികൾ ലക്ഷ്യം വെച്ചിരുന്നുവെന്നും വിദേശകാര്യ മന്ത്രി.

ഇന്നത്തെ പ്രധാന വാർത്തകൾ സംഭവങ്ങൾ ഒറ്റ നോട്ടത്തിൽ - 02 ജൂലൈ 2024 - #NewsHeadlinesToday

• 164 വർഷം പഴക്കമുള്ള ഇന്ത്യൻ ശിക്ഷാനിയമം അടക്കമുള്ള മൂന്നു നിയമങ്ങൾ ചരിത്രമായി. രാജ്യത്ത് പുതിയ ക്രിമിനൽ നിയമങ്ങൾ നിലവിൽ വന്നു.

• സ്ലൊവേനിയയെ പെനൽറ്റി ഷൂട്ടൗട്ടിൽ കീഴടക്കി പോർച്ചുഗൽ യൂറോ കപ്പ്‌ ക്വാർട്ടറിൽ. 3-0നാണ്‌ ജയം.

• വിദ്യാർഥികൾക്ക്‌ ഭക്ഷ്യവിഷബാധയുണ്ടായ പള്ളിക്കൽ പഞ്ചായത്തിലെ വെണ്ണായൂർ എഎംഎൽപി സ്‌കൂളിൽ മൂന്ന്‌ കുട്ടികൾക്ക്‌ ഷിഗല്ല സ്ഥിരീകരിച്ചു.

• രാജ്യത്ത് 7,581 കോടി രൂപയുടെ 2,000 രൂപ നോട്ടുകള്‍ തിരികെ എത്താനുണ്ടെന്ന് റിസര്‍വ് ബാങ്ക് അറിയിച്ചു. ജൂൺ 28 വരെയുള്ള കണക്കാണിത്.

• പ്രളയം രൂക്ഷമായി തുടരുന്ന അസമിൽ കാസിരംഗ ദേശീയോദ്യാനത്തിന്റെയും കടുവ സങ്കേതത്തിന്റെയും 25 ശതമാനത്തിലേറെ മുങ്ങി.

• മരുഭൂമിയിൽ വളരുന്ന സിൻട്രിച്ചിയ കാനിനെർവിസ് എന്ന തരം പായൽ ചൊവ്വയിലെ കാലാവസ്ഥയെ അതിജീവിക്കുമെന്ന കണ്ടെത്തലുമായി ശാസ്‌ത്രഞ്ജർ.

• കേന്ദ്ര കാലാവസ്ഥ വകുപ്പിന്റെ പ്രവചന പ്രകാരം ജൂലൈ മാസത്തിൽ കേരളത്തിൽ സാധാരണ ഈ കാലയളവിൽ ലഭിക്കുന്ന മഴയെക്കാൾ കൂടുതൽ ലഭിക്കാൻ സാധ്യത.

• ഷൊര്‍ണൂരിനും കണ്ണൂരിനും ഇടയില്‍ റെയില്‍വേ പ്രഖ്യാപിച്ച പുതിയ തീവണ്ടി ചൊവ്വാഴ്ച ഓട്ടം തുടങ്ങും. ഷൊര്‍ണൂര്‍-കണ്ണൂര്‍ അണ്‍റിസര്‍വ്ഡ് സ്‌പെഷ്യല്‍ എക്‌സ്പ്രസ് (06031) വൈകീട്ട് 3.40-ന് ഷൊര്‍ണൂരില്‍നിന്ന് പുറപ്പെടും.

• നീറ്റ് ക്രമക്കേട് വിഷയത്തില്‍ ലോക്‌സഭയിൽ പ്രതിപക്ഷ ബഹളം. നീറ്റില്‍ പ്രത്യേക ചര്‍ച്ച വേണമെന്നും പാര്‍ലമെന്റ് വിദ്യാര്‍ത്ഥികള്‍ക്കൊപ്പമാണെന്ന സന്ദേശം നല്‍കണമെന്നും രാഹുല്‍ഗാന്ധി.

ഇന്നത്തെ പത്രങ്ങളിലെ പ്രധാന വാര്‍ത്തകള്‍ | 02 ജൂലൈ 2023 | #News_Headlines

➤ സംസ്ഥാനത്ത് വ്യാപകമായി ഇന്ന് ശക്തമായ മഴയ്ക്ക് സാധ്യത. അഞ്ച് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. ആലപ്പുഴ, എറണാകുളം, തൃശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. നാളെ മുതല്‍ അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്‍കി.

➤ തക്കാളിവില പിടിച്ചുനിര്‍ത്താന്‍ രണ്ടാഴ്ചയെങ്കിലും വേണ്ടിവരുമെന്ന് കേന്ദ്രസര്‍ക്കാര്‍. പതിനഞ്ച് ദിവസമെങ്കിലും വില താഴാന്‍ എടുക്കുമെന്നും അതിനുശേഷം തക്കാളിയുടെ വരവ് കൂടുന്നതോടെ വില താഴുമെന്നും കേന്ദ്ര ഉപഭോക്തൃ സെക്രട്ടറി രോഹിത് കുമാര്‍ സിങ് പറഞ്ഞു. തക്കാളിയടക്കമുള്ള പച്ചക്കറികള്‍ക്ക് വന്‍ വിലക്കയറ്റം രാജ്യത്ത് അനുഭവപ്പെടുന്നത് തുടരുകയാണ്.


➤ ജൂണിലെ ജിഎസ്ടി വരുമാനത്തില്‍ മുന്‍ വര്‍ഷത്തെ അപേക്ഷിച്ച് 12 ശതമാനം വര്‍ധന വന്നതായി കേന്ദ്ര ധനമന്ത്രാലയം അറിയിച്ചു. 1,61,497 കോടി രൂപയാണ് ജൂണില്‍ ജിഎസ്ടി ഇനത്തില്‍ ലഭിച്ചത്. ജിഎസ്ടി നടപ്പാക്കിയശേഷം ഇത് നാലാംവട്ടമാണ് 1.6 ലക്ഷം കോടിയിലേറെ സമാഹരിക്കുന്നത്. കഴിഞ്ഞ 16 മാസമായി 1.4 ലക്ഷം കോടിയിലേറെയാണ് ജിഎസ്ടി സമാഹരണം. സിജിഎസ്ടി ഇനത്തില്‍ 31,013 കോടിയും എസ്ജിഎസ്ടി ഇനത്തില്‍ 38,292 കോടിയും ഐജിഎസ്ടി ഇനത്തില്‍ 80,292 കോടിയും സെസ് ഇനത്തില്‍ 11,900 കോടിയും ലഭിച്ചു.


➤ മാതൃസ്ഥാപനമായ ഹൗസിങ് ഡെവലപ്മെന്റ് ഫിനാന്‍സ് കോര്‍പറേഷനെ ഏറ്റെടുത്തതോടെ എച്ച്ഡിഎഫ്സി ബാങ്ക് ലോകത്തിലെ നാലാമത്തെ ബാങ്കിങ് സ്ഥാപനമായി വളര്‍ന്നു. ഭവനവായ്പാ കമ്പനിയായ ഹൗസിങ് ഡെവലപ്മെന്റ് ഫിനാന്‍സ് കോര്‍പറേഷനെ ഏറ്റെടുക്കാന്‍ 2022 ഏപ്രില്‍ നാലിനാണ് എച്ച്ഡിഎഫ്സി ബാങ്ക് തീരുമാനിച്ചത്. ശനിയാഴ്ചയോടെ ലയനപ്രക്രിയ പൂര്‍ത്തിയായി.


➤ ഗസറ്റ് വിജ്ഞാപനം വഴി തിരുത്തിയ പേര് ജനന രജിസ്റ്ററിലും തിരുത്തുന്നത് സംബന്ധിച്ച് നടപടിക്രമങ്ങള്‍ ല­­ളിതമാക്കി സര്‍ക്കാര്‍ മാര്‍ഗനിര്‍ദേശം പുറപ്പെടുവിച്ചു. ഗസറ്റ് വിജ്ഞാപനം വഴി മാറ്റിയ പേര് സ്‌കൂള്‍ അഡ്മിഷന്‍ രജിസ്റ്ററിലും എസ്എസ്എല്‍സി സര്‍ട്ടിഫിക്കറ്റിലും തിരുത്തിയ ശേഷം അതിന്റെ അടിസ്ഥാനത്തില്‍ ജനന രജിസ്‌ട്രേഷനില്‍ ഒറ്റത്തവണ തിരുത്തല്‍ വരുത്താവുന്നതാണെന്ന് തദ്ദേശ സ്വയംഭരണ വകുപ്പ് അറിയിച്ചു.


➤ ആറുവരിയാക്കുന്ന ദേശീയപാത 66 പൂര്‍ത്തിയാകുന്നതോടെ തുറക്കുന്നത് 11 ടോള്‍ബൂത്തുകള്‍. ഓരോ 50-60 കിലോമീറ്ററിനുള്ളില്‍ ഓരോ ടോള്‍പ്ലാസകളുണ്ടാകും. ചിലയിടങ്ങളില്‍ നിര്‍മാണംതുടങ്ങി. 2025-ഓടെ കാസര്‍കോട് തലപ്പാടിമുതല്‍ തിരുവനന്തപുരം കാരോടുവരെയുള്ള ഭാഗം പൂര്‍ണമായും തുറക്കുമെന്ന് ദേശീയപാതാധികൃതര്‍ സൂചിപ്പിച്ചു.
ആറുവരിയാക്കുന്ന ദേശീയപാത 66 പൂര്‍ത്തിയാകുന്നതോടെ തുറക്കുന്നത് 11 ടോള്‍ബൂത്തുകള്‍. ഓരോ 50-60 കിലോമീറ്ററിനുള്ളില്‍ ഓരോ ടോള്‍പ്ലാസകളുണ്ടാകും.

➤ സാഫ് ചാമ്പ്യന്‍ഷിപ്പില്‍ ഇന്ത്യ ഫൈനലില്‍. പെനാല്‍റ്റി ഷൂട്ടൗട്ടിലേക്ക് നീണ്ട സെമി ഫൈനല്‍ പോരാട്ടത്തില്‍ കരുത്തരായ ലെബനനെ 4-2ന് മറികടന്നാണ് ഇന്ത്യയുടെ ഫൈനല്‍ പ്രവേശനം. ചൊവ്വാഴ്ച നടക്കുന്ന ഫൈനലില്‍ കുവൈത്താണ് ഇന്ത്യയുടെ എതിരാളികള്‍.