കൊവിഷീല്‍ഡിന് പിന്നാലെ കൊവാക്‌സിനും പാർശ്വഫലങ്ങൾ ഉണ്ടെന്ന്, പഠന ഫലങ്ങൾ. ബനാറസ് ഹിന്ദു സർവകലാശാലയാണ് റിപ്പോർട്ട് പുറത്തുവിട്ടത്. കോവാക്സിൻ കഴിച്ചവരിൽ ശ്വാസകോശ സംബന്ധമായ അണുബാധകളും ആർത്തവ ക്രമക്കേടുകളും ഉൾപ്പെടെയുള്ള പാർശ്വഫലങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. വാക്സിൻ എടുക്കുന്ന മൂന്നിൽ ഒരാൾക്ക് പാർശ്വഫലങ്ങളുണ്ടെന്ന് പഠനം കണ്ടെത്തി.
635 യുവാക്കളും 291 മുതിർന്നവരുമടങ്ങുന്ന സംഘത്തിലാണ് പഠനം നടത്തിയത്. ചർമ്മത്തിലെ പ്രകോപനങ്ങളും നാഡീവ്യവസ്ഥയുടെ പ്രശ്നങ്ങളും പാർശ്വഫലങ്ങളിൽ ഉൾപ്പെടുന്നു. ഇന്ത്യൻ കമ്പനിയായ ഭാരത് ബയോടെക് ആണ് കൊവാക്‌സിന്‍ നിർമ്മിക്കുന്നത്. വാക്സിന് സ്വീകരിച്ച വളരെ ചെറിയ ശതമാനം ആളുകള്‍ക്ക് സ്‌ട്രോക്ക്, സ്ത്രീകളില്‍ ടൈഫോയ്ഡ് പോലുള്ളവയുണ്ടായതായും പഠനറിപ്പോര്‍ട്ടിലുണ്ട്.
മുന്‍പ്, കൊവിഷീല്‍ഡ് വാക്സിനും പാർശ്വഫലങ്ങൾ ഉള്ളതായി കണ്ടെത്തിയിട്ടുണ്ട്. വാക്സിൻ നിർമ്മാതാക്കളായ ആസ്ട്രസെനെക്കയും ഇത് അംഗീകരിച്ചു. അപൂർവ സന്ദർഭങ്ങളിൽ, കൊവിഷീല്‍ഡ് എടുക്കുന്ന ആളുകൾക്ക് രക്തം കട്ടപിടിക്കാനും പ്ലേറ്റ്ലെറ്റുകളുടെ എണ്ണം കുറയ്ക്കാനും സാധ്യതയുണ്ടെന്ന് നിര്‍മാതാക്കള്‍ അറിയിച്ചു. . കോവിഡിനെതിരെ പോരാടുന്നതിനായി ആസ്ട്രാസെനെക്കയും ഓക്‌സ്‌ഫോർഡ് യൂണിവേഴ്‌സിറ്റിയും ചേർന്ന് വികസിപ്പിച്ച കോവിഷീൽഡ് ഇന്ത്യയിലെ സെറം ഇൻസ്റ്റിറ്റ്യൂട്ടാണ് നിർമ്മിച്ച് വിതരണം ചെയ്തത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.