കൊച്ചി: നെടുമ്പാശ്ശേരിയിൽ നിന്നുള്ള ദുബായ് വിമാനത്തിന് യന്ത്രതകരാറുമൂലം പറന്നുയരാൻ കഴിഞ്ഞില്ല. പുലർച്ചെ 5 മണിക്ക് പുറപ്പെടേണ്ടിയിരുന്ന എയർ ഇന്ത്യ എക്സ്പ്രസ് വിമാനം വൈകി. രാവിലെ പുറപ്പെടാൻ ഒരുങ്ങുമ്പോഴാണ് എഞ്ചിൻ തകരാർ കണ്ടെത്തിയത്.
ബോർഡിംഗ് പൂർത്തിയാക്കി വിമാനം പറന്നുയരുന്നതിനു മുമ്പുതന്നെ യന്ത്രതകരാർ കണ്ടെത്തി. അതിനാൽ യാത്രക്കാർക്ക് ഒരു മുന്നറിയിപ്പും നൽകിയിരുന്നില്ല. അപ്രതീക്ഷിതമായ കാലതാമസം കാരണം യാത്രക്കാർ പ്രതിസന്ധിയിലാണെങ്കിലും, ബദൽ ക്രമീകരണങ്ങൾ ഒരുക്കുമെന്ന് അധികൃതർ അറിയിച്ചിട്ടുണ്ട്.
ഓണം ആഘോഷമാക്കാന്‍ കസവുടുത്ത് എയര്‍ ഇന്ത്യ എക്സ്പ്രസ് വിമാനം. എയർലൈനിന്‍റെ ഏറ്റവും പുതിയ ബോയിംഗ്‌ 737-8 വിമാനത്തിലാണ് മലയാളികളുടെ വസ്‌ത്ര ശൈലിയായ കസവ് മാതൃകയിൽ ടെയിൽ ആർട്ട് രൂപകൽപ്പന ചെയ്തിട്ടുള്ളത്. 180 പേര്‍ക്ക്‌ യാത്ര ചെയ്യാവുന്ന വിമാനമാണിത്‌.
2023 ഒക്ടോബറിൽ പുതിയ ബ്രാൻഡ് അവതരിപ്പിച്ച ശേഷം എയർ ഇന്ത്യ എക്സ്പ്രസ് ഫ്ളീറ്റിലേക്ക് 34 പുതിയ വിമാനങ്ങളാണ് ഉൾപ്പെടുത്തിയിട്ടുള്ളത്. ഈ വിമാനങ്ങളിലെല്ലാം വിവിധ പ്രദേശങ്ങളെ അടിസ്ഥാനപ്പെടുത്തിയുള്ള ടെയില്‍ ആര്‍ട്ടുകളാണുള്ളത്. കേരളത്തിന്‍റെ കസവ്, തമിഴ്‌നാടിന്‍റെ കാഞ്ചീപുരം, ആന്ധ്രാ പ്രദേശിന്‍റെ കലംകാരി, മധ്യപ്രദേശിലെ ചന്ദേരി തുടങ്ങിയവയാണ്‌ വിവിധ വിമാനങ്ങളുടെ ടെയില്‍ ആര്‍ട്ടിലുള്ളത്‌.
ഓണം പ്രതീതിയിലാണ് കസവ് വിമാനം ബുധനാഴ്ച കൊച്ചിയിൽ പറന്നിറങ്ങിയത്. വിമാനത്തെ വരവേൽക്കാനായി കസവ് വസ്ത്രങ്ങളണിഞ്ഞാണ് ക്യാബിൻ ക്രൂ ഒഴികെയുള്ള എയർ ഇന്ത്യ എക്സ്പ്രസ് ജീവനക്കാർ എത്തിയത്. വിമാനത്തിൻറെ ചിറകുകൾക്കടിയിലും ചെക്ക് ഇൻ കൗണ്ടറുകൾക്ക് മുന്നിലും അത്തപ്പൂക്കളവും ഒരുക്കിയിരുന്നു. കൂടാതെ ബാംഗ്ലൂരിലേക്കുള്ള ഈ വിമാനത്തിൽ യാത്ര ചെയ്യാനെത്തിയവരെ കസവ് ഷാൾ അണിയിച്ച് സ്വീകരിച്ചു.
85 വിമാനങ്ങളാണ് എയർ ഇന്ത്യ എക്സ്പ്രസിനുള്ളത്. കേരളത്തിലെ നാല്‌ വിമാനത്താവളങ്ങളില്‍ നിന്നായി 300 വിമാന സര്‍വീസുകളാണ്‌ ആഴ്‌ച തോറും എയര്‍ ഇന്ത്യ എക്സ്പ്രസിനുള്ളത്. കൊച്ചിയിൽ നിന്നും 102, തിരുനന്തപുരത്ത് നിന്നും 63, കോഴിക്കോട് നിന്നും 86, കണ്ണൂരിൽ നിന്നും 57 എന്നിങ്ങനെയാണ് വിമാന സർവീസുകളുടെ എണ്ണം.
ഖത്തര്‍ ഉള്‍പ്പെടെയുള്ള ഗള്‍ഫ് രാജ്യങ്ങളിലേക്കും തിരിച്ചുമുള്ള എയര്‍ ഇന്ത്യ എക്സ്പ്രസ്സ് സര്‍വീസുകള്‍ റദ്ദാക്കുന്നതും മുന്നറിയിപ്പില്ലാതെ വൈകുന്നതും പതിവാകുന്നു.ഇന്നലെ രാവിലെ കോഴിക്കോട് നിന്നും ദോഹയിലേക്കുള്ള എക്സ്പ്രസ്സ് വിമാനം മണിക്കൂറുകള്‍ വൈകിയാണ് പുറപ്പെട്ടത്. ഇതിന് പിന്നാലെ ഇന്ന് രാത്രി 10 ന് ദോഹയില്‍ നിന്നും കണ്ണൂരിലേക്ക് പോകേണ്ട വിമാനം റദ്ദാക്കിയതായി കമ്പനി അധികൃതര്‍ അറിയിച്ചു.പകരം നാളെ,(ഞായര്‍) ഉച്ചയ്ക്ക് 1.15ന് മാത്രമേ വിമാനം പുറപ്പെടുകയുള്ളൂ എന്നാണ് യാത്രക്കാര്‍ക്ക് ലഭിച്ച വിവരം.എയര്‍ ഇന്ത്യ എക്സ്പ്രസ്സ് തന്നെയാണ് യാത്രക്കാരെ ഇക്കാര്യം അറിയിച്ചത്.
അതേസമയം,അവധികഴിഞ്ഞു നാട്ടില്‍ നിന്ന് ഗള്‍ഫിലേക്കും ഓണാവധിക്കായി നാട്ടിലേക്ക് പോകുന്നവര്‍ക്കും എയര്‍ ഇന്ത്യ എക്‌സ്പ്രസിന്റെ നടപടി പ്രവാസികള്‍ക്ക് തിരിച്ചടിയാവുകണ്.സാങ്കേതിക തകരാറും ഓപ്പറേഷന്‍ സംബന്ധിച്ച മറ്റു തടസ്സങ്ങളും ഉന്നയിച്ചാണ് പലപ്പോഴും സര്‍വീസുകള്‍ റദ്ദാക്കുകയോ വൈകുകയോ ചെയ്യുന്നത്.
കോഴിക്കോട് കരിപ്പൂരിൽ നിന്നും ഇന്ന് പുറപ്പെടേണ്ട എയർ ഇന്ത്യ എക്സ്പ്രസ് വിമാനങ്ങളുടെ സർവ്വീസ് റദ്ദാക്കി. ഇന്ന് പുറപ്പെടേണ്ടിയിരുന്ന രണ്ട് വിമാനങ്ങളാണ് റദ്ദാക്കിയത്. ജീവനക്കാരുടെ കുവുമൂലമാണ് വിമാനങ്ങള്‍ റദ്ദാക്കിയത്.വൈകുന്നേരം 6 മണിക്ക് ഷാർജയിലേക്ക് പോകേണ്ട വിമാനവും രാത്രി 10ന് അബുദാബിയിലേക്ക് പോകേണ്ട വിമാനവുമാണ് റദ്ദാക്കിയത്. എയർ ഇന്ത്യ എക്സ്പ്രസ് ജീവനക്കാരുടെ കുറവ് മൂലമാണ് വിമാന സർവ്വീസുകൾ റദ്ദാക്കിയത്.
കണ്ണൂര്‍ വിമാനത്താവളത്തില്‍ നിന്നുള്ള എയര്‍ ഇന്ത്യ എക്സ്പ്രസ്സ് വിമാനങ്ങള്‍ മുന്നറിയിപ്പ് ഇല്ലാതെ റദ്ദാക്കി .അബുദാബി,ഷാര്‍ജ, മസ്കറ്റ,എന്നിവിടങ്ങളിലേക്കുള്ളവിമാനങ്ങളാണ് റദ്ദാക്കിയത്. എയര്‍ ഇന്ത്യ എക്സ്പ്രസ്സ് ജീവനക്കാരുടെ പണിമുടക്ക് മൂലമാണ് വിമാനങ്ങള്‍ റദ്ദാക്കിയെന്നാണ് സൂചന .വിമാനങ്ങള്‍ റദ്ദാക്കിയതിലൂടെ നൂറിലധികം യാത്രക്കാര്‍ വിമാനത്താവളത്തില്‍ കുടുങ്ങി. പകരം സംവിധാനം ഒരുക്കുന്നതുമായി ബന്ധപെട്ട വിവരങ്ങളൊന്നും ലഭ്യമാല്ലാതെ വന്നതോടെ യാത്രക്കാര്‍ വിമാനത്താവളത്തില്‍ പ്രതിഷേധിച്ചു.
വിമാനത്തിലുണ്ടായിരുന്ന ജീവനക്കാരുടെ ഡ്യൂട്ടി സമയം കഴിഞ്ഞതാണ് യാത്ര റദ്ദാക്കാന്‍ കാരണമെന്നായിരുന്നു വിഷയത്തില്‍ അധികൃതര്‍ നല്‍കിയ വിശദീകരണം.യാത്രക്കാരെ ഹോട്ടലിലേക്ക് മാറ്റിയതെന്നും ഇവര്‍ അറിയിച്ചു.
യാത്രക്കാരോട് മറ്റു യാത്രാ മാർഗങ്ങൾ തേടിക്കോളൂ എന്ന് എയർ ഇന്ത്യാ എക്സ്പ്രസ്. ഇന്ന് ഇനി വിമാനമില്ലെന്നും വേണമെങ്കിൽ 14, 17 തീയതികളിൽ ടിക്കറ്റുകൾ ലഭ്യമാക്കാം എന്നും അത് വേണ്ടെങ്കിൽ ഒരാഴ്ചയ്ക്ക് ശേഷം റീഫണ്ട് ലഭിക്കുമെന്നുമാണ് എയർ ഇന്ത്യാ എക്സ്പ്രസ് അധികൃതർ യാത്രക്കാരോട് പറയുന്നത്. ബദൽ യാത്രാ സൗകര്യമൊരുക്കാനും ഇവർ തയാറല്ല.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.
