മലയാറ്റൂര്: എറണാകുളം മലയാറ്റൂരിലെ 19കാരിയുടെ മരണം കൊലപാതകം.പെൺകുട്ടിയുടെ സുഹൃത്ത് അലൻ കുറ്റം സമ്മതിച്ചു. മദ്യപിച്ചുണ്ടായ തർക്കം കൊലപാതകത്തിലേക്ക് നയിച്ചെന്ന് മൊഴി. ഇക്കഴിഞ്ഞ ശനിയാഴ്ച മുതല് ചിത്രപ്രിയയെ കാണാനില്ലായിരുന്നു.
ബംഗളൂരുവില് ഏവിയേഷന് ബിരുദ വിദ്യാര്ഥിനിയായിരുന്നു ചിത്രപ്രിയ.വീടിന് ഒരു കിലോമീറ്റര് അകലെ ഒഴിഞ്ഞ പറമ്പിലാണ് ചിത്രപ്രിയയുടെ മൃതദേഹം കണ്ടെത്തിയത്. പെണ്കുട്ടിയുടെ ശരീരത്തില് മുറിവുകള് കണ്ടെത്തിയിരുന്നു. തലയില് കല്ലുപയോഗിച്ച് മര്ദിച്ച പാടുകളുമുണ്ട്. പെണ്കുട്ടിയുടെ മൃതദേഹത്തിന് മൂന്ന് ദിവസത്തെ പഴക്കമുണ്ട്.
പോസ്റ്റ്മോര്ട്ടം നടപടികള്ക്ക് ശേഷം മാത്രമേ മരണകാരണം വ്യക്തമാകുകയുള്ളൂ. കാണാതായതിന് പിന്നാലെ ചിത്രപ്രിയയുടെ കുടുംബം കാലടി പൊലീസില് പരാതി നല്കിയിരുന്നു. അന്വേഷണത്തിനിടെയാണ് മലയാറ്റൂര് മണപ്പാട്ട് ചിറയ്ക്ക് സമീപത്തെ സെബിയൂര് റോഡിന് സമീപമുള്ള ആളൊഴിഞ്ഞ പറമ്പില് മൃതദേഹം കണ്ടെത്തിയത്.
Death of 19-year-old girl in Malayattoor is murder
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.