• കോട്ടയം മെഡിക്കൽ കോളേജ് അപകടത്തിൽ മരിച്ച ബിന്ദുവിന്‍റെ മകന് തിരുവിതാംകൂർ ദേവസ്വം ബോർഡിൽ നിയമനം നൽകി ഉത്തരവായി.
• യൂത്ത് കോൺഗ്രസിൻ്റെ ഭാരവാഹി തെരഞ്ഞെടുപ്പും പ്രാഥമിക അംഗത്വ പട്ടികയും
കോടതി റദ്ദാക്കി. വ്യാജ തിരിച്ചറിയൽ കാർഡ് ഉപയോഗിച്ച് വ്യാജ വോട്ടുകൾ
ചേർത്തുവെന്ന പരാതി പരിഗണിച്ചാണ് മൂവാറ്റുപുഴ മുൻസിഫ് കോടതിയുടെ നടപടി.
• ഉക്കിനടുക്കയിലെ കാസർകോട്‌ ഗവ. മെഡിക്കൽ കോളേജിന്‍റെ ആദ്യ എംബിബിഎസ്‌ ബാച്ച് പ്രവേശനോത്സവം മന്ത്രി വീണാ ജോർജ് ഉദ്ഘാടനം ചെയ്തു.
• കരൂർ ദുരന്തത്തിൽ നടനും ടി വി കെ നേതാവുമായ വിജയിയെ രൂക്ഷമായി വിമർശിച്ച്
മദ്രാസ് ഹൈക്കോടതി. കുട്ടികളടക്കം മരിച്ചിട്ടും വിജയ് സ്ഥലംവിട്ടത്‌
എന്തിന് എന്ന് കോടതി ചോദിച്ചു.
• തിരുവനന്തപുരം ചാക്കയില്‍ രണ്ടു വയസ്സുള്ള നാടോടി ബാലികയെ തട്ടി കൊണ്ടു
പോയി പീഡിപ്പിച്ച കേസില്‍ പ്രതി ഹസന്‍ കുട്ടിക്ക് 65 വര്‍ഷം തടവ് ശിക്ഷ
വിധിച്ചു. തിരുവനന്തപുരം പോക്‌സോ കോടതിയാണ് ശിക്ഷ വിധിച്ചത്.
• പ്രമുഖ മാധ്യമപ്രവർത്തകനും സാഹിത്യകാരനുമായ ടിജെഎസ് ജോർജ് അന്തരിച്ചു. ബംഗളൂരിലെ വസതിയില്‍ വിശ്രമത്തിലായിരുന്നു.
• മധ്യപ്രദേശിൽ ചുമ മരുന്ന് കുടിച്ച്
മൂന്ന് കുട്ടികൾ കൂടി മരിച്ചു. മധ്യപ്രദേശിലെ ചിന്ദ്വാര ജില്ലയിൽ
രണ്ടാഴ്ചയ്ക്കിടെ ആകെ മരണം ഒമ്പതായി. രാജസ്ഥാനിൽ രണ്ട് കുട്ടികളാണ് ചുമ
മരുന്ന് കഴിച്ചതിന് പിന്നാലെ മരിച്ചത്. പത്ത് കുട്ടികൾ നിലവിൽ
ചികിത്സയിലാണ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.