• വോട്ടർ പട്ടികയിൽ ക്രമക്കേട് ആരോപിച്ച കോൺഗ്രസ് നേതാവ് രാഹുൽ ഗാന്ധിക്കെതിരെ നോട്ടീസയച്ച് തെരഞ്ഞെടുപ്പ് കമ്മീഷൻ.
• കൊല്ലം തേവലക്കര സ്‌കൂളില്‍ ഷോക്കേറ്റ് മരിച്ച വിദ്യാര്‍ത്ഥി മിഥുന്റെ
കുടുംബത്തിന് പൊതുവിദ്യാഭ്യാസ വകുപ്പിന്റെ സഹായത്തോടെ നിര്‍മ്മിക്കുന്ന
പുതിയ വീടിന് വിദ്യാഭ്യാസ മന്ത്രി വി. ശിവന്‍കുട്ടി തറക്കല്ലിട്ടു.
• സംസ്ഥാനത്ത് ലോഡ് ഷെഡിംഗ് ഏര്‍പ്പെടുത്തില്ലെന്ന് വൈദ്യുതിമന്ത്രി കെ
കൃഷ്ണന്‍കുട്ടി. വൈദ്യുതി നിരക്കും വര്‍ധിപ്പിക്കില്ല. അതേസമയം വൈദ്യുതി
വാങ്ങാനുള്ള കരാറുകള്‍ തുടരുമെന്നും മന്ത്രി പറഞ്ഞു.
• ഓണ്‍ലൈന്‍ മദ്യവില്‍പ്പന സര്‍ക്കാരിന്റെ പരിഗണനയില്‍ ഇതുവരെ ഇല്ലെന്ന്
മന്ത്രി എം ബി രാജേഷ്. ബെവ്‌കോയുടെ ഭാഗത്തുനിന്നും ഇത്തരത്തിലുള്ള പല
ശുപാര്‍ശകളും വരാറുണ്ട്. കാബിനറ്റ് അംഗീകരിച്ച മദ്യനയത്തിനുള്ളില്‍ നിന്ന്
മാത്രമേ തീരുമാനം എടുക്കുകയുള്ളു എന്നും മന്ത്രി.
• ഷാര്‍ജയില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയ അതുല്യയുടെ
ഭര്‍ത്താവ് സതീഷ് കസ്റ്റഡിയില്‍. തിരുവനന്തപുരം എയര്‍പോര്‍ട്ടില്‍ നിന്നാണ്
പ്രതി പിടിയില്‍ ആയത്.
• ബിഹാർ വോട്ടർപ്പട്ടികയിൽനിന്ന്‌ കൂട്ടത്തോടെ പുറംതള്ളിയ 65
ലക്ഷംപേരുടെ വിവരം പുറത്തുവിടാന്‍ നിയമപരമായ ബാധ്യതയില്ലെന്ന്‌
തെരഞ്ഞെടുപ്പ് കമീഷൻ.
• വൈദ്യുതി ബില്ല്‌ എത്ര, എത്ര ഉപയോഗിക്കുന്നു, എങ്ങനെ ഉപയോഗം
ക്രമീകരിക്കണം തുടങ്ങി വൈദ്യുതി ഉപയോഗവുമായി ബന്ധപ്പെട്ട എല്ലാ വിവരങ്ങളും
മൊബൈൽ ആപ്പിലൂടെ ലഭ്യമാക്കുന്നതാണ് പുതിയ സ്മാർട്ട് മീറ്ററുകൾ എന്ന് കെഎസ്ഇബി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.