• രാജ്യത്ത് പാചകവാതക സിലിണ്ടറിൻ്റെ വില കൂട്ടി. ഗാര്‍ഹിക ഉപയോഗത്തിനു‍ള്ള സിലിണ്ടറിന് 50 രൂപയാണ് കൂട്ടിയത്.
• പെട്രോളിന്‍റെയും ഡീസലിന്‍റെയും എക്‌സൈസ് തീരുവ കൂട്ടി കേന്ദ്രം.
പെട്രോളിനും ഡീസലിനും ലിറ്ററിന് 2 രൂപയുടെ വർധനവാണ് ഉണ്ടാകുന്നത്. അധിക
ബാധ്യത എണ്ണക്കമ്പനികൾ ഏറ്റെടുത്തേക്കും.
• കൊച്ചി തൊഴിൽ പീഡനക്കേസിൽ കെൽട്രോയിലെ മുൻ മാനേജർ മനാഫിനെതിരെ വീണ്ടും
കേസെടുത്തു. അപകീർത്തികരമായ ദൃശ്യങ്ങൾ യൂട്യൂബ് ചാനലിലൂടെ
പ്രചരിപ്പിച്ചുവെന്ന പരാതിയിലാണ് കേസ്.
• ഏപ്രില്‍ 10 മുതല്‍ കേരളത്തിലെ മുഴുവന്‍ തദ്ദേശ സ്ഥാപനങ്ങളും ഏകീകൃത
സോഫ്റ്റ് വെയർ ആയ കെ- സ്മാർട്ടിന് കീഴില്‍ പ്രവര്‍ത്തിക്കുമെന്നും കെ
സ്മാര്‍ട്ട് വന്‍ വിജയമായെന്നും മന്ത്രി എം ബി രാജേഷ്.
• തെക്കന്‍ ബംഗാള്‍ ഉള്‍ക്കടലിന് മുകളില്‍ ന്യൂനമര്‍ദം രൂപപ്പെട്ടു. ഇന്ന് ഒറ്റപ്പെട്ട സ്ഥലങ്ങളില്‍ ശക്തമായ ഇടിമിന്നലോടു കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
• മാലിന്യമുക്ത നവകേരളം ക്യാമ്പയിനിലൂടെ
1027 തദ്ദേശസ്ഥാപനങ്ങൾ ശുചിത്വമികവിൽ. 939 പഞ്ചായത്ത്‌, 83
മുനിസിപ്പാലിറ്റി, അഞ്ച്‌ കോർപറേഷൻ എന്നിവയാണ്‌ ഇതുവരെ ശുചിത്വമികവ്‌
കൈവരിച്ചത്‌.
• ഹൈക്കോടതി ഡിവിഷൻ ബെഞ്ചിന്റെ വിധി മുനമ്പം കമീഷന്റെ പ്രവർത്തനം മുന്നോട്ടു കൊണ്ടുപോകാൻ സഹായകമാകുമെന്ന്‌ നിയമമന്ത്രി പി രാജീവ്‌.
• ആഗോള രാജ്യങ്ങളിലെ മാതൃമരണ കണക്കില്‍ രണ്ടാം സ്ഥാനത്തെത്തി ഇന്ത്യ. ലോകത്ത്
മാതൃമരണം (എംഎംആര്‍) ഏറ്റവും കുടുതല്‍ സംഭവിക്കുന്ന നൈജീരിയയ്ക്ക്
തൊട്ടുപിന്നിലാണ് ഇന്ത്യയുടെ സ്ഥാനമെന്ന് ലോകാരോഗ്യ സംഘടനയുടെ
റിപ്പോര്‍ട്ടില്‍ പറയുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.