• ഉത്തരേന്ത്യയില്‍ ഉഷ്ണതരംഗം ശക്തമായി. അഞ്ച് സംസ്ഥാനങ്ങളിലെ 21 നഗരങ്ങളില്‍
പകല്‍ താപനില 42 ഡിഗ്രി സെല്‍ഷ്യസ് പിന്നിട്ടു. ദേശീയ തലസ്ഥാനമായ
ഡല്‍ഹിയില്‍ അടുത്ത മൂന്ന് ദിവസം ഉഷ്ണതരംഗ മുന്നറിയിപ്പ്
നല്‍കിയിരിക്കുകയാണ്.
• ഇംഗ്ലീഷ്‌ പ്രീമിയർ ലീഗ്‌ ഫുട്‌ബോളിൽ കിരീടമുറപ്പിക്കാനിറങ്ങിയ ലിവർപൂളിന്‌ അപ്രതീക്ഷിത തോൽവി. ഫുൾഹാമിനോട്‌ 3-2ന്‌ കീഴടങ്ങി.
• എസ്ഡിപിഐ സംസ്ഥാന നേതാവിന് സ്വന്തം
പൊലീസ് ക്യാന്റീൻ കാർഡ് നൽകിയ ആലുവ സ്‌പെഷ്യൽ ബ്രാഞ്ച് എഎസ്‌ഐയെ സസ്‌പെൻഡ്‌
ചെയ്തു. അന്വേഷണവിധേയമായാണ് എഎസ്‌ഐ എ കെ സലീമിനെ റൂറൽ എസ്‌പി ഡോ. വൈഭവ്
സക്‌സേന സസ്‌പെൻഡ്‌ ചെയ്തത്.
• യുഎസ് പ്രസിഡന്റ് ഡൊണാൾഡ് ട്രംപ് നടപ്പാക്കുന്ന മനുഷ്യാവകാശ വിരുദ്ധ
യാഥാസ്ഥിതിക നയങ്ങള്‍ക്കെതിരെ സ്വന്തം രാജ്യത്തും യൂറോപ്യൻ നഗരങ്ങളിലും
വ്യാപക പ്രതിഷേധം. യുഎസിലെ അമ്പതോളം സംസ്ഥാനങ്ങളില്‍ ജനങ്ങള്‍
തെരുവിലിറങ്ങി കൂറ്റന്‍ പ്രകടനങ്ങള്‍ നടത്തി.
• വംശീയ കലാപം തുടരുന്ന മണിപ്പൂരില്‍ സമാധാനം ഇനിയുമകലെ. കലാപം
അവസാനിപ്പിക്കാന്‍ കേന്ദ്ര ആഭ്യന്തര മന്ത്രാലയം വിളിച്ചു ചേര്‍ത്ത യോഗം
തീരുമാനമാകതെ പിരിഞ്ഞു.
• മിനിമം മാർക്ക്‌ അടിസ്ഥാനമാക്കിയുള്ള എട്ടാം ക്ലാസ്‌ പരീക്ഷയില്‍ ഹിന്ദി
ഭാഷയില്‍ വിദ്യാര്‍ത്ഥികള്‍ക്ക് അടിതെറ്റി. ആകെ 3.87 ലക്ഷം വിദ്യാർത്ഥികൾ
പരീക്ഷ എഴുതിയപ്പോള്‍ 42,810 (12.69 ശതമാനം) പേരും തോറ്റു. ഇവര്‍ക്ക് ഇ
ഗ്രേഡാണ്‌ ലഭിച്ചത്.
• ഐബി ഉദ്യോഗസ്ഥ ട്രെയിനിനു മുന്നിൽ ചാടി മരിച്ചത് ആൺസുഹൃത്തും ഐബി
ഉദ്യോഗസ്ഥനുമായ സുകാന്തിന്റെ ലൈംഗിക ചൂഷണം മൂലമാണെന്ന് പൊലീസ്. ഒരു
വർഷത്തോളം പെൺകുട്ടിയെ ലൈംഗിക ചൂഷണത്തിനിരയാക്കുകയും ഗർഭഛിദ്രത്തിന് ശേഷം
വിവാഹത്തിൽനിന്ന് സുകാന്ത് പിന്മാറി‍യതാണ് ആത്മഹത്യയ്ക്ക് കാരണമെന്നും
പൊലീസ് പറയുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.