• അതിരപ്പിള്ളിയില്‍ മസ്തകത്തില്‍ പരുക്കേറ്റയെ ആനയ്ക്ക് ചികിത്സ നല്‍കി.
മയക്കുവെടിവച്ചതിന് ശേഷമാണ് ചികിത്സ വെള്ളിയാഴ്ച രാവിലെ ആരംഭിച്ചത്.
• കഠിനംകുളം ആതിരക്കൊലക്കേസിൽ പ്രതി ജോൺസൻ്റെ മൊഴി മജിസ്ട്രേറ്റ്
രേഖപ്പെടുത്തി. കോട്ടയം മെഡിക്കൽ കോളേജിൽ എത്തിയാണ് മജിസ്ട്രേറ്റ് മൊഴി
രേഖപ്പെടുത്തിയത്.
• സംസ്ഥാനത്ത് രണ്ടു ഗഡു ക്ഷേമ പെൻഷന്‍റെ വിതരണം ആരംഭിച്ചു.
ഇതിനായി 1604 കോടി രൂപയാണ് ധന വകുപ്പ് അനുവദിച്ചത്. 62 ലക്ഷത്തോളം പേർക്ക്
3200 രൂപ വീതമാകും ലഭിച്ച് തുടങ്ങുക.
• അമേരിക്കയിലെ ജന്മാവകാശ പൗരത്വമുള്ള അവകാശം റദ്ദാക്കിയ പ്രസിഡനറ് ഡൊണാള്‍ഡ്
ട്രെംപിന്റെ ഉത്തരവിന് സ്റ്റേ. സിയാറ്റില്‍ ആസ്ഥാനമായുള്ള യുഎസ്
ഡിസ്ട്രിക്റ്റ് കോടതി ജഡ്ജി ജോണ്‍ കൗഗെനറാണ് എക്സിക്യുട്ടീവ് ഉത്തരവ്
നടപ്പാക്കുന്നത് തടഞ്ഞത്.
• ദേശീയ ഗെയിംസിൽ കേരളത്തിന്റെ ഏറ്റവും വലിയ മെഡൽപ്രതീക്ഷയായിരുന്ന കളരിപ്പയറ്റിനെ പുറത്താക്കി ഇന്ത്യൻ ഒളിമ്പിക്‌ അസോസിയേഷൻ.
• മണിക്കൂറിൽ 183 കിലോമീറ്റർ വേഗത്തില്‍ വെള്ളിയാഴ്ച വീശിയടിച്ച അയോവ
ചുഴലിക്കാറ്റിന്റെ താണ്ഡവത്തിൽ അയർലൻഡ് വിറച്ചു. ഇതുവരെ വീശിയ ഏറ്റവും
ശക്തമായ ചുഴലിക്കാറ്റിനെ നേരിടാൻ അയർലൻഡ് ചരിത്രത്തിലില്ലാത്ത
മുന്നൊരുക്കമാണ് നടത്തിയിരുന്നത്.
• സ്വർണവില വീണ്ടും റെക്കോഡിലേക്ക്‌.
വെള്ളിയാഴ്ച പവന് 240 രൂപ വർധിച്ച് 60,440 രൂപയായി. ഗ്രാമിന് 30 രൂപ
വർധിച്ച് 7555 രൂപയും. സംസ്ഥാനത്തെ ഏറ്റവും ഉയർന്ന വിലയാണിത്. പുതിയ വിലയിൽ
ഒരുപവൻ ആഭരണം വാങ്ങാൻ കുറഞ്ഞത് 65,418 രൂപ വേണം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.