• സന്നിധാനത്ത് ഭസ്മക്കുളത്തിന് സമീപത്ത് നിന്ന് വനം വകുപ്പിന്റെ
നേതൃത്വത്തിൽ രാജവെമ്പാലയെ പിടികൂടി. സന്നിധാനത്ത് നിന്ന് ആദ്യമായാണ് രാജവെമ്പാലയെ പിടികൂടുന്നത്.
• ഉത്തരേന്ത്യയിൽ ശൈത്യതരംഗം കടുത്തതോടെ തലസ്ഥാനമായ ഡൽഹിയിൽ കൊടുംതണുപ്പ്‌. ഒമ്പത്‌ ഡിഗ്രിയാണ്‌ ഡൽഹിയിൽ രേഖപ്പെടുത്തിയ കുറഞ്ഞ താപനില.
• സംസ്ഥാനത്തെ പെട്രോൾ പമ്പുകൾ അടച്ചിട്ടുള്ള സമരം തുടങ്ങി. ഇന്ന് ഉച്ചയ്ക്ക്
12 വരെയാണ് പമ്പുകൾ അടച്ചിടുക. കോഴിക്കോട് എലത്തൂരിൽ ഡീലർമാരെ, ടാങ്കർ
ലോറി ഡ്രൈവർമാർ കയ്യേറ്റം ചെയ്തെന്ന് ആരോപിച്ചാണ് പെട്രോൾ പമ്പുടമകളുടെ
സമരം.
• പത്തനംതിട്ടയിൽ ദളിത് പെൺകുട്ടിയെ പീഡിപ്പിച്ച കേസിൽ കൂടുതൽ വിവരങ്ങൾ
പുറത്ത്. പത്തനംതിട്ട ജനറൽ ആശുപത്രിയിലും പ്രൈവറ്റ് ബസ് സ്റ്റാൻഡിനു
സമീപത്തെ പൂട്ടിയിട്ട കടയിൽവെച്ചും പെൺകുട്ടി കൂട്ട ബലാത്സംഗത്തിന്
ഇരയായെന്ന് പൊലീസ്.
• 12 വർഷത്തിലൊരിക്കൽ നടക്കുന്ന മഹാകുംഭമേള തിങ്കളാഴ്ച തുടങ്ങും.
ഉത്തർപ്രദേശിലെ പ്രയാഗ് രാജിൽ പൗഷ് പൂർണിമ സ്നാനത്തോടെയാണ് തുടക്കം.
ഫെബ്രുവരി 26 ശിവരാത്രിദിനത്തിൽ സമാപിക്കും.
• മാഞ്ചസ്റ്റർ സിറ്റി ക്യാപ്‌റ്റൻ കൈൽ
വാൾക്കർ ടീം വിട്ടു. പരിശീലകൻ പെപ്‌ ഗ്വാർഡിയോളയാണ്‌ പ്രതിരോധക്കാരൻ ടീം
വിട്ട കാര്യം അറിയിച്ചത്‌.
• തൃശൂര്‍ പീച്ചി ഡാം റിസര്‍വോയറില്‍ വീണ നാല് വിദ്യാര്‍ത്ഥികളില്‍ ഒരാള്‍
മരിച്ചു. പട്ടിക്കാട് സ്വദേശി അലീന ആണ് മരിച്ചത്. തൃശൂര്‍ ജൂബിലി
മിഷന്‍ ആശുപത്രിയില്‍ ചികിത്സയിലിരിക്കെ ആയിരുന്നു മരണം. തൃശൂര്‍ സെന്റ് ക്ലയേഴ്‌സ് സ്‌കൂളിലെ പ്ലസ് വണ്‍
വിദ്യാര്‍ഥിനിയാണ്.
• ശബരിമലയിൽ മകരവിളക്ക് ദർശനം നാളെ. സന്നിധാനത്തേക്ക് തീർത്ഥാടക തിരക്ക്
വർധിച്ചു. ചാർത്താനുള്ള തിരുവാഭരണ ഘോഷയാത്ര നാളെ വൈകിട്ട് സന്നിധാനത്ത് എത്തും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.