• കളർകോട് അപകടത്തിൽ മരണം ആറായി. എടത്വ സ്വദേശി ആൽവിനാണ് മരണപ്പെട്ടത്. എറണാകുളത്ത് സ്വകാര്യ ആശുപത്രിയിൽ ചികിത്സയിലായിരുന്നു.
• പ്രോബ 3 ദൗത്യവുമായി പി.എസ്.എല്.വി സി 59 ഐഎസ്ആർഒ വിജയകരമായി
വിക്ഷേപിച്ചു. വ്യാഴാഴ്ച വൈകീട്ട് 4.04 ന് ആന്ധ്രപ്രദേശിലെ
ശ്രീഹരിക്കോട്ടയിലുള്ള സതീഷ് ധവാന് ബഹിരാകാശ നിലയത്തില് നിന്നാണ്
വിക്ഷേപിച്ചത്.
• കോഴിക്കോട് എലത്തൂരിലുണ്ടായ ഇന്ധന ചോർച്ച ഗുരുതര പ്രശ്നമെന്ന് ജില്ലാ
കലക്ടർ സ്നേഹിൽ കുമാർ. വിഷയത്തിൽ ജില്ലാ കലക്ടർ വിളിച്ചു ചേർത്ത അടിയന്തര
യോഗത്തിനു ശേഷം പ്രതികരിക്കുകയായിരുന്നു അദ്ദേഹം.
• കാസർകോട് പൂച്ചക്കാട്ടെ പ്രവാസി വ്യവസായി അബ്ദുൾ ഗഫൂറിന്റെ മരണം കൊലപാതകമാണെന്ന് കണ്ടെത്തി പൊലീസ്.
• റിസർവ് ബാങ്കിന്റെ 2024-25 സാമ്പത്തിക വർഷത്തെ അഞ്ചാമത്തെ പണനയം വെള്ളി രാവിലെ 10ന് ഗവർണർ ശക്തികാന്ത ദാസ് പ്രഖ്യാപിക്കും.
• എൺപതു ശതമാനത്തിൽ കൂടുതൽ
നിർമാണ പുരോഗതി കൈവരിച്ച തലപ്പാടി -ചെങ്കള, കോഴിക്കോട് ബൈപ്പാസ്,
രാമനാട്ടുകര വളാഞ്ചേരി, വളാഞ്ചേരി കാപ്പിരിക്കാട് സ്ട്രച്ചുകൾ മാർച്ച് 31ന്
മുമ്പ് പൂർത്തീകരിക്കുമെന്ന് ദേശീയപാത അതോറിറ്റി.
• സംസ്ഥാനത്ത്
അറുപതിനായിരം മുൻഗണനാ കാർഡുകൾ കൂടി വിതരണം ചെയ്യുന്നു. ഇതിനായി
ഭക്ഷ്യവകുപ്പ് അപേക്ഷ ക്ഷണിച്ചു. 12000 മഞ്ഞ കാർഡും 48000 പിങ്ക്
കാർഡുകളുമാണ് വിതരണം ചെയ്യുക.
• കാന് ചലച്ചിത്രമേളയിലെ
ഗ്രാൻഡ് പ്രി ജേതാവ് പായൽ കപാഡിയയെ ഇരുപത്തിയൊൻപതാമത് കേരള രാജ്യാന്തര
ചലച്ചിത്ര മേളയിൽ സ്പിരിറ്റ് ഓഫ് സിനിമ അവാർഡ് നൽകി ആദരിക്കും.
• കേന്ദ്രസായുധ സേനയില് ഒഴിഞ്ഞുകിടക്കുന്നത് ഒരു ലക്ഷത്തിലധികം
തസ്തികകളെന്ന് കേന്ദ്രസര്ക്കാര്. അമിത ജോലിഭാരം കാരണം സേനയില്
ആത്മഹത്യകൾ വർധിക്കുന്നതായും രേഖകള് വ്യക്തമാക്കുന്നു. രാജ്യസഭയില്
ആഭ്യന്തര സഹമന്ത്രി നിത്യാനന്ദ് റായ് ആണ് വിവരങ്ങള് പുറത്തുവിട്ടത്.
• അമേരിക്കന് ശതകോടീശ്വരനും ആദ്യത്തെ സ്വകാര്യ ബഹിരാകാശ യാത്രികനുമായ ജറേഡ്
ഐസക്മാനെ നാസയുടെ അടുത്ത മേധാവിയായി പ്രഖ്യാപിച്ച് നിയുക്ത പ്രസിഡന്റ്
ഡൊണാള്ഡ് ട്രംപ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.