• വയനാട് യുഡിഎഫിന്റെ പ്രിയങ്ക ഗാന്ധി വിജയിച്ചു. ചേലക്കരയിൽ എൽ ഡി എഫ് സ്ഥാനാർത്ഥി യു ആർ പ്രദീപിന് വിജയം. 12,112
വോട്ടുകൾക്കാണ് പ്രദീപ് വിജയിച്ചത് . പാലക്കാട് യു ഡി എഫ് സ്ഥാനാർത്ഥി
രാഹുൽ മാങ്കൂട്ടത്തിലും വിജയിച്ചു. 18,724 ആണ് ഭൂരിപക്ഷം.
• മുനമ്പത്ത് ആരെയും കുടിയിറക്കില്ലെന്നും പ്രദേശത്തെ ഭൂപ്രശ്നത്തിന് സർക്കാർ
ശാശ്വത പരിഹാരം കാണുമെന്നും മുഖ്യമന്ത്രി പിണറായി വിജയൻ്റെ ഉറപ്പ്.
• ബ്രിട്ടന്‌ പിന്നാലെ,
നെതന്യാഹുവിനെതിരായ അന്താരാഷ്ട്ര ക്രിമിനൽ കോടതിയുടെ അറസ്റ്റ്‌ വാറണ്ട്‌
പാലിക്കുമെന്ന്‌ പ്രഖ്യാപിച്ച്‌ കാനഡ. അന്താരാഷ്ട്ര നിയമങ്ങൾ
ഉയർത്തിപ്പിടിക്കുമെന്നും അന്താരാഷ്ട്ര കോടതികളുടെ ഉത്തരവുകൾ
നടപ്പാക്കുമെന്നും കാനഡ പ്രധാനമന്ത്രി ജസ്റ്റിൻ ട്രൂഡോ പറഞ്ഞു.
• ഹിൻഡൻബർഗ് റിസർച്ച് റിപ്പോർട്ട് പുറത്തുവന്നശേഷം ഇതുവരെയായി അഡാനിയുടെ 10 കമ്പനികളിലെ നിക്ഷേപകർക്ക് നഷ്ടമായത് ഏഴു ലക്ഷം കോടി രൂപയെന്ന് റിപ്പോർട്ട്.
• ജോലിയില്ലാത്ത സ്ത്രീകളെ വീട്ടമ്മയെന്ന് വിളിക്കുന്നത് തിരുത്തണമെന്ന്
വനിതാ കമ്മിഷന്‍. വാര്‍ത്താവതരണത്തിലെ ലിംഗവിവേചന സങ്കുചിത്വം മാറ്റാനായി
മാധ്യമങ്ങളുടെ സമീപനത്തിലും ഭാഷയിലും വരുത്തേണ്ട മാര്‍ഗരേഖയിലാണ് ഇതു
പറയുന്നത്.
• അഞ്ചാം വയസ്സില്‍
കാറിടിച്ചുണ്ടായ അപകടത്തില്‍ പരിക്കേറ്റ് പൂര്‍ണമായും കിടപ്പിലായ
കുട്ടിക്ക് 1.29 കോടി രൂപ നഷ്ടപരിഹാരം നല്‍കാന്‍ ഹൈക്കോടതി ഉത്തരവിട്ടു.
• വയനാട് ദുരന്തത്തില്‍ സത്യവാങ്മൂലവുമായി കേന്ദ്രസര്‍ക്കാര്‍. നവംബര്‍
13-നാണ് സംസ്ഥാനസര്‍ക്കാര്‍ വിശദമായ റിപ്പോര്‍ട്ട് നല്‍കിയത്. 2219 കോടി
രൂപ ആവശ്യപ്പെട്ടുകൊണ്ടുള്ള ഈ റിപ്പോര്‍ട്ട് പരിഗണനയിലാണെന്നും
കേന്ദ്രസര്‍ക്കാര്‍ ഹൈക്കോടതിയില്‍ സമര്‍പ്പിച്ച സത്യവാങ്മൂലത്തില്‍
വ്യക്തമാക്കുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.