• പൊതുജനങ്ങളുടെ പരാതി പരിഹരിക്കുന്നതിനായി താലൂക്ക്തല അദാലത്ത് നടത്താൻ
മന്ത്രിസഭാ യോഗത്തിൻ്റെ തീരുമാനം. 2024 ഡിസംബർ, 2025 ജനുവരി മാസങ്ങളിലായാണ്
അദാലത്ത് നടക്കുക.
• ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനും പ്രതിരോധ മന്ത്രി യോവ്
ഗാലന്റിനുമെതിരെ അന്താരാഷ്ട്ര ക്രിമിനല്‍ കോടതി അറസ്റ്റ് വാറണ്ട്
പുറപ്പെടുവിച്ചു.
• ക്രിമിനല്‍ കേസുണ്ടെന്ന കാരണത്താല്‍ സര്‍ക്കാര്‍ ജോലിയില്‍
പ്രവേശിക്കുന്നത് വിലക്കാനാവില്ലെന്ന് സുപ്രീംകോടതി. കേരള ഹൈക്കോടതിയുടെ
വിധി ശരിവച്ചാണ് സുപ്രീംകോടതിയുടെ ഉത്തരവ്.
• ഝാന്‍സിയിലെ മഹാറാണി ലക്ഷ്മിഭായി മെഡിക്കല്‍ കോളേജിലുണ്ടായ
തീപിടിത്തത്തില്‍ പരിക്കേറ്റ മൂന്ന് കുട്ടികള്‍ കൂടി മരിച്ചു. ഇതോടെ
അപകടത്തില്‍ മരണം 15 ആയി.
• ഗൗതം അദാനിക്കെതിരെ അമേരിക്കയില്‍ തട്ടിപ്പിനും വഞ്ചനാക്കുറ്റത്തിനും കേസ്.
സൗരോര്‍ജ്ജ വിതരണ കരാറുകള്‍ നേടുന്നതുമായി ബന്ധപ്പെട്ടാണ് കേസ്.
• ന്യൂഡൽഹി-ഡെറാഡൂൺ
ശതാബ്ദി എക്‌സ്‌പ്രസിന്‌ നേരെ കല്ലേറ്‌. കല്ലേറിൽ ട്രെയിനിന്റെ ജനൽ തകർന്നു, അന്വേഷണം ആരംഭിച്ചതായി പൊലീസ് അറിയിച്ചു.
• നഴ്‌സിങ് കോളജ് വിദ്യാർത്ഥിനിയുടെ മരണത്തിൽ ആരോപണ വിധേയരായ 3
വിദ്യാർത്ഥിനികൾ പൊലീസ് കസ്റ്റഡിയിൽ. ചുട്ടിപ്പാറ എസ്എംഇ നഴ്‌സിങ് കോളജ്
വിദ്യാർത്ഥിനി അമ്മു എ സജീവ് ആണ് മരിച്ചത്. സഹപാഠികളെയാണ്
കസ്റ്റഡിയിലെടുത്തത്. ഇവർക്കെതിരെ ആത്മഹത്യാ പ്രേരണാക്കുറ്റം
ചുമത്തിയേക്കും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.