• സംസ്ഥാനത്ത് വരും ദിവസങ്ങളിലും ശക്തമായ മഴ തുടരുമെന്ന് കേന്ദ്ര കാലാവസ്ഥ
വകുപ്പ്. ഇന്ന് 4 ജില്ലകളിൽ ഓറഞ്ച് അലർട്ടും 7 ജില്ലകളിൽ യെല്ലോ അലർട്ടും
പ്രഖ്യാപിച്ചു.
• മുസ്ലിം വിവാഹ, വിവാഹമോചന നിയമങ്ങളിൽ മാറ്റം കൊണ്ടുവരുന്ന ബിൽ പാസാക്കി
അസം നിയമസഭ.. സംസ്ഥാനത്ത് നിലവിലുണ്ടായിരുന്ന 1935ലെ ചട്ടങ്ങൾ
റദ്ദാക്കുന്നതാണ് പുതിയ ബിൽ.
• ഏറ്റവും കുറഞ്ഞ വിലയ്ക്ക് ക്യാന്സര് മരുന്നുകൾ ലഭിക്കുന്ന സംസ്ഥാനമെന്ന
നിലയില് കേരളം രാജ്യത്തിന് മാതൃക. ഇടനിലക്കാരില്ലാതെ മരുന്നുകൾ രോഗികൾക്ക്
ലഭ്യമാകുമെന്ന് മുഖ്യമന്ത്രി പിണറായി വിജയൻ.
• കൊൽക്കത്തയിലെ പിജി ട്രെയിനി ഡോക്ടർ ബലാൽസംഗത്തിനിരയായി കൊല്ലപ്പെട്ട
സംഭവത്തിൽ ആശുപത്രിയിലെ ജൂനിയർ ഡോക്ടർമാരുടെ സമരം ഇരുപതാം ദിവസത്തിലേക്ക്.
• ജസ്റ്റിസ് ഹേമ കമ്മിറ്റി റിപ്പോർട്ടിൽ പല തിമിംഗിലങ്ങളും പുറത്തുവരാനുണ്ടെന്ന് എഴുത്തുകാരൻ ടി പത്മനാഭൻ.
• ഗുജറാത്തില് മൂന്നു
ദിവസമായുള്ള മഴക്കെടുതിയിൽ മരണം 28 ആയി. 24000 പേരെ ദുരിതാശ്വാസ
ക്യാമ്പിലേക്ക് മാറ്റി. വഡോദരയില് മാത്രം 12,000പേരെ
വെള്ളക്കെട്ടില്നിന്ന് രക്ഷിച്ചു.
• ഹിമാചൽ പ്രദേശിൽ സാമ്പത്തിക പ്രതിസന്ധിയെ തുടർന്ന് കടുത്ത തീരുമാനവുമായി
സംസ്ഥാനം ഭരിക്കുന്ന കോൺഗ്രസ് സർക്കാർ. സംസ്ഥാനത്തെ മന്ത്രിമാർക്ക് രണ്ട് മാസത്തേക്ക് ശമ്പളമോ ആനുകൂല്യങ്ങളോ നൽകില്ലെന്നാണ് മുഖ്യമന്ത്രി
സുഖ്വീന്ദർ സിങ് സുഖുവിൻ്റെ പ്രഖ്യാപനം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.