• ഉരുൾപൊട്ടലിൽ മരണസംഖ്യ മുന്നൂറ് കടന്നു. ഇന്നലെ മാത്രം പതിനെട്ടുപേരുടെ
മൃതദേഹങ്ങളാണ് കണ്ടെത്തിയത്.
മുണ്ടക്കൈയിൽ ലഭിച്ച റഡാർ സിഗ്നൽ പിന്തുടർന്നുള്ള പരിശോധന രാത്രി
അവസാനിപ്പിച്ചു.
• ജീവന്റെ ഓരോ തുടിപ്പും കണ്ടെത്താനുള്ള തിരച്ചിൽ തുടരുകയാണെന്ന്
മുഖ്യമന്ത്രി പിണറായി വിജയൻ. റഡാറുകളിൽ പതിയുന്ന ചെറുചലനങ്ങൾ പോലും
പ്രതീക്ഷയുണർത്തുന്നതായും മുഖ്യമന്ത്രി പറഞ്ഞു.
• ആഗസ്റ്റ് 4 വരെ കേരളത്തില്‍ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
• നീണ്ട
നിയമപോരാട്ടത്തിന്‌ ഒടുവിൽ നാവിക സേനയിലെ മൂന്ന്‌ വനിതാ ഓഫീസർമാർക്ക്‌
ക്യാപ്‌റ്റൻ റാങ്കിലേക്ക്‌ സ്ഥാനക്കയറ്റം. റിച്ച വെർമ, നമിത
ദലാൽ, ശിൽപി സിങ്‌ എന്നിവര്‍ക്കാണ് ക്യാപ്‌റ്റൻ
പദവി ലഭിച്ചത്.
• ഇനി പത്ത്‌
കന്നുകാലികളെവരെ കർഷകർക്ക് ലൈസൻസ് എടുക്കാതെ വളർത്താം. കർഷകർക്ക് കൂടുതൽ
ഇളവുനൽകി ലൈവ് സ്റ്റോക്ക് ഫാം ചട്ടങ്ങൾ ഭേദഗതി ചെയ്തു. അഞ്ചിലധികം മൃഗമുള്ള
കന്നുകാലി ഫാം നടത്താൻ തദ്ദേശസ്ഥാപനത്തിന്റെ ലൈസൻസ്
ആവശ്യമാണെന്നതായിരുന്നു നിലവിലെ വ്യവസ്ഥ.
• പരിശീലകന്‍ ഗൗതം
ഗംഭീറിനു കീഴിലുള്ള ആദ്യ ഏകദിനത്തിൽ ശ്രീലങ്കയോട് സമനില നേടി ഇന്ത്യൻ ടീം.
• പുരുഷ വിഭാഗം ബാഡ്മിന്റൻ സിംഗിൾസിൽ ഇന്ത്യയുടെ മെഡൽ പ്രതീക്ഷകൾ സജീവമാക്കി
യുവതാരം ലക്ഷ്യ സെൻ സെമിഫൈനലിൽ. ആവേശകരമായ ക്വാർട്ടർ പോരാട്ടത്തിൽ ചൈനീസ്
തായ്പേയിയുടെ ചൗ ടിയൻ ചെന്നിനെയാണ് ലക്ഷ്യ വീഴ്ത്തിയത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.