പാത്തിപ്പാലത്ത് 2 പേർക്ക് തെരുവ് നായയുടെ കടിയേറ്റു #latest_news

പാനൂർ: മൊകേരി പാത്തിപ്പാലത്ത് തെരുവ് നായ ശല്യം രൂക്ഷം. ഇന്നലെ രാത്രിയിലും ഇന്ന് രാവിലെയുമായി 2 പേർക്ക് കടിയേറ്റു. കടിയേറ്റവരെ ആശുപത്രിയിൽ പ്രവേശിപ്പിച്ചു. പ്രദേശത്തെ ജനങ്ങൾ ഭീതിയിലാണ്.
 

തെരുവുനായശല്യം സംസ്ഥാനദുരന്തമായി കണക്കാക്കാനാകില്ലേ? -ഹൈക്കോടതി #stray_dog

 

തെരുവുനായ ആക്രമണത്തെ സംസ്ഥാന ദുരന്തമായി കണക്കാക്കിയാൽ ഇരയായവർക്ക് ദുരന്ത നിവാരണഫണ്ടിൽനിന്ന് നഷ്ടപരിഹാരം നൽകാനാകില്ലേ എന്ന് ഹൈക്കോടതി. തെരുവുനായശല്യം നിയന്ത്രിക്കാൻ നടപടി ആവശ്യപ്പെട്ട് നിയമവിദ്യാർഥിനിയായ തിരുവനന്തപുരം സ്വദേശിനി കീർത്തന സരിൻ ഫയൽ ചെയ്ത ഹർജി പരിഗണിക്കുകയായിരുന്നു ജസ്റ്റിസ് സി.എസ്. ഡയസ്.

നഷ്ടപരിഹാര ആവശ്യം പരിഗണിച്ചിരുന്ന ജസ്റ്റിസ് സിരിജഗൻ കമ്മിറ്റിയുടെ കാര്യത്തിൽ എന്ത് തീരുമാനമാണ് എടുത്തതെന്നും കോടതി ആരാഞ്ഞു. 9000 അപേക്ഷകളാണ് പരിഗണനയിലുള്ളത്. സർക്കാർ തീരുമാനമെടുക്കാൻ വൈകിയാൽ കമ്മിറ്റി തുടരാൻ ഉത്തരവിടേണ്ടിവരും -കോടതി പറഞ്ഞു. 

സത്യവാങ്മൂലം സമർപ്പിക്കാൻ സർക്കാർ കൂടുതൽ സമയം തേടിയതിനെത്തുടർന്ന് ഹർജി ജൂലായ് 21-ന് പരിഗണിക്കാനായി മാറ്റി. മേയ് 31-ന് ഹർജിക്കാരിക്ക് തെരുവുനായകളുടെ കടിയേറ്റിരുന്നു. തെരുവുനായകളുടെ വന്ധ്യംകരണം അടക്കമുള്ള നടപടികൾക്ക് നിർദേശം നൽകണമെന്നാണ് ഹർജിയിലെ ആവശ്യം.

ചെമ്പേരി ടൗണിൽ തെരുവ് നായയുടെ അക്രമം, 8 പേർക്ക് കടിയേറ്റു #Flash_News

ചെമ്പേരി: ചെമ്പേരി ടൗണിൽ തെരുവ് നായയുടെ അക്രമം. എട്ടോളം പേർക്ക് നായയുടെ കടിയേറ്റു. ടൗണിലെ വിവിധ സ്ഥാപനങ്ങളിലെ ജീവനക്കാർക്ക് ഉൾപ്പെടെയാണ് കടിയേറ്റത് പരിക്കേറ്റവരെ കണ്ണൂർ ഗവ. മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.