• സംസ്ഥാനത്ത് ഇന്ന് ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര
കാലാവസ്ഥ വകുപ്പിന്റെ മുന്നറയിപ്പ്. വടക്കന് മേഖലകളായ കോഴിക്കോട് കണ്ണൂര്
കാസര്കോട് ജില്ലകളില് ഇന്ന് യെല്ലോ അലര്ട്ട് നിലനില്ക്കുന്നുണ്ട്.
• ലൈഫ്, മെഡിക്കല് ഇന്ഷുറന്സുകള്ക്ക് ജിഎസ്ടിയില്ല, ജിഎസ്ടി നിരക്കുകൾ രണ്ട് സ്ലാബുകളായി 5%, 18%
എന്നീ രണ്ട് പ്രധാന നികുതി നിരക്കുകളാണ് ഇനിമുതൽ നിലവിലുണ്ടാവുക.
• ഉത്തരേന്ത്യന് സംസ്ഥാനങ്ങളില് മഴക്കെടുതി രൂക്ഷമായി തുടരുന്നു. പഞ്ചാബ്,
ഹരിയാന എന്നിവിടങ്ങളിലെ ശക്തമായ മഴ യമുനാ നദിയില് ജലനിരപ്പ് അപകടനിലയ്ക്ക്
മുകളില് എത്തിച്ചു.
• മുസ്ലിം വിഭാഗത്തെ ഒഴിവാക്കി പൗരത്വ ഭേദഗതി ഇളവുമായി കേന്ദ്രസര്ക്കാര്.
2024 ഡിസംബർ 31 വരെ അയൽ രാജ്യങ്ങളിൽ നിന്നും വന്ന മുസ്ലീം ഇതര
വിഭാഗങ്ങൾക്ക് പൗരത്വത്തിന് അപേക്ഷിക്കാം.
• ഉത്രാട ദിനത്തിൽ സപ്ലൈകോയിൽ പ്രത്യേക ഓഫറുണ്ടാകുമെന്ന് മന്ത്രി ജി ആർ അനിൽ.
ഹാപ്പി അവേഴ്സ് എന്ന പേരിൽ നോൺ സബ്സിഡി സാധനങ്ങൾക്ക് എല്ലാ
ഔട്ട്ലെറ്റുകളിലും 10% വരെ വിലകുറവ് അധികമായി ലഭിക്കുമെന്നും മന്ത്രി
അറിയിച്ചു.
• അമീബിക് മസ്തിഷ്ക ജ്വരം ബാധിച്ച് ചികിത്സയില് കഴിഞ്ഞ 17കാരൻ പൂര്ണ
രോഗമുക്തി നേടിയതായി ആരോഗ്യമന്ത്രി വീണാ ജോര്ജ്. കുട്ടിക്ക് നല്കി വന്ന
ചികിത്സ നേട്ടമുണ്ടാക്കി. അമീബയും ഫംഗസും ഒരുപോലെ ബാധിച്ച രോഗിയാണ്
രോഗമുക്തി നേടുന്നത്. ലോകത്ത് തന്നെ ആദ്യമായാണിത്.
• രാജ്യ ചരിത്രത്തിലെ ആദ്യ വയോജന കമ്മീഷന് കേരളത്തില് സ്ഥാനമേറ്റു. കെ
സോമപ്രസാദ് ചെയര്പേഴ്സണായ അഞ്ച് അംഗ കമ്മീഷനാണ് സ്ഥാനമേറ്റത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.