Attempt to Murder എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
Attempt to Murder എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

മദ്യലഹരിയിൽ പെട്രോൾ പമ്പ് ജീവനക്കാരനെ വെട്ടികൊലപ്പെടുത്താൻ ശ്രമിച്ച പ്രതി പിടിയിൽ #Thiruvananthapuram


 തിരുവനന്തപുരത്ത് മദ്യലഹരിയിൽ പെട്രോൾ പമ്പ് ജീവനക്കാരനെ വെട്ടിക്കൊലപ്പെടുത്താൻ ശ്രമിച്ച പ്രതി പിടിയിൽ. തീരദേശ പാതയിൽ കഠിനംകുളത്തെ പെട്രോൾ പമ്പിൽ ഇന്നലെ രാത്രിയാണ് ആക്രമണം ഉണ്ടായത്. ജീവനക്കാരനായ ജോയൽ ജോസഫിനെയാണ് (20) കൊലപ്പെടുത്താൻ ശ്രമിച്ചത്. പ്രതിയായ വെട്ടുതുറ സ്വദേശി ജിനേഷിനെയാണ് (21) കഠിനംകുളം പൊലീസ് പിടികൂടിയത്.

ഇന്നലെ രാത്രി 7.45 ഓടെ പമ്പിന് മുന്നിൽ സംസാരിച്ചു നിൽക്കവേ സൈക്കിളിൽ എത്തിയ പ്രതി കയ്യിൽ കരുതിയിരുന്ന സ്റ്റീൽ കത്തികൊണ്ട് ജോയലിൻ്റെ കഴുത്തിന് നേരെ വെട്ടുകയായിരുന്നു. എന്നാൽ ചെവിക്ക് പിന്നിലാണ് ജോയലിന് വെട്ടേറ്റത്. വെട്ടേറ്റ ജോയൽ ഓടിമാറിയെങ്കിലും കൊലവിളി നടത്തി പിന്നാലെ എത്തിയ പ്രതി വീണ്ടും ആക്രമിക്കാൻ ശ്രമിക്കുകയായിരുന്നു. ആളുകൂടിയതോടെ പ്രതിയായ ജിനേഷ് സൈക്കിളിൽ രക്ഷപ്പെട്ടു. രക്ഷപ്പെട്ട പ്രതിയെ പൊലീസ് രാത്രി തന്നെ പിടികൂടി.

ഗുരുതരമായി മുറിവേറ്റ ജോയലിനെ ഉടൻതന്നെ സ്വകാര്യ ആശുപത്രിയിലും തുടർന്ന് മെഡിക്കൽ കോളേജിലും പ്രവേശിപ്പിച്ചു. ആറ്റിങ്ങൽ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. വെട്ടിയ പ്രതിയെ കണ്ട് പരിചയം മാത്രമേ ഉള്ളൂ എന്നും എന്തിനാണ് ആക്രമിച്ചതെന്ന് അറിയില്ലെന്നുമാണ് ജോയൽ പൊലീസിനോട് പറഞ്ഞത്.

Suspect arrested for attempting to murder petrol pump employee while intoxicated 

തളിപ്പറമ്പ് തൃച്ചംബരത്ത് ഉത്സവത്തിനെത്തിയ യുവാവിന് കുത്തേറ്റു. #Taliparamba_Festival

 


തളിപ്പറമ്പ്:
തൃച്ചംബരം ഉത്സവത്തിനെത്തിയ യുവാവിനെ കുത്തിപരിക്കേല്പ്പിച്ചു. കീഴാറ്റൂർ മന്തംകുണ്ട് മീത്തലെയിലെ പ്രസാദം വീട്ടിൽ പി. അതിരഥ് (18) കുത്തേറ്റത്‌.

17-ന് രാത്രി 11 മണിയോടെയാണ് സംഭവം. ലവകുശ എന്നയാളുടെ പേരിലാണ് പോലീസ് കേസെടുത്തത്. ക്ഷേത്രമതിലിനടുത്ത് ഉത്സവത്തിനെത്തിയവരെ ലവകുശ ചോദ്യം ചെയ്യുകയും അസഭ്യം പറയുകയും ചെയ്തു. 

ചീത്തവിളിച്ചത് ചോദ്യം ചെയ്തത് അതിരഥ് ആണെന്ന് സംശയിച്ച് തടഞ്ഞുനിര്‍ത്തി മര്‍ദ്ദിക്കുകയായിരുന്നു.ഓടിരക്ഷപ്പെട്ട അതിരഥിനെ പ്രതി പിന്തുടര്‍ന്ന് ക്ഷേത്രത്തിന് സമീപത്തെ പൂന്തുരുത്തി തോടിനടുത്തുവെച്ച് സ്റ്റീല്‍വളകൊണ്ട് മൂക്കിനിടിക്കുകയും വയറിന് കത്തികൊണ്ട് കുത്തി പരിക്കേല്‍പ്പിക്കുകയും ചെയ്തു.ഗുരുതരമായി പരിക്കേറ്റ അതിരഥിനെ സുഹൃത്തുക്കളാണ് പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ എത്തിച്ചത്.

 A young man who had come to a festival in Trichambaram was stabbed.

പേരാമ്പ്രയിൽ സിപിഐ എം പ്രവർത്തകന് വെട്ടേറ്റ സംഭവം; മൂന്ന് ആർഎസ്എസ് പ്രവർത്തകർക്ക് എതിരെ വധശ്രമത്തിന് കേസ് #Kozhikode


കോഴിക്കോട്: പേരാമ്പ്ര മുതുവണ്ണാച്ചയിൽ സിപിഐഎം പ്രവർത്തകനായ ദിനേശന് (49) നേരെ നടന്ന ക്രൂരമായ ആക്രമണത്തിൽ പോലീസ് അന്വേഷണം നടത്തി. കഴിഞ്ഞ ദിവസം രാത്രി കുറ്റ്യാടിയിലെ കട അടച്ച് വീട്ടിലേക്ക് മടങ്ങുന്നതിനിടെയാണ് ദിനേശന് നേരെ ആക്രമണമുണ്ടായത്.

മുതുവണ്ണാച്ച പ്രദേശത്ത് വെച്ച് മൂന്നംഗ സംഘം തടഞ്ഞുനിർത്തി വെട്ടുകയായിരുന്നു. ആക്രമണത്തിൽ ദിനേശൻ്റെ തലയ്ക്കും കൈകൾക്കും ഗുരുതരമായി പരിക്കേറ്റിട്ടുണ്ട്. ഉടൻ തന്നെ ഇദ്ദേഹത്തെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നിലവിൽ അദ്ദേഹം അവിടെ തീവ്രപരിചരണ വിഭാഗത്തിൽ ചികിത്സയിലാണ്.

സംഭവവുമായി ബന്ധപ്പെട്ട് കണ്ടാലറിയാവുന്ന മൂന്ന് ആർഎസ്എസ് പ്രവർത്തകർക്കെതിരെ പോലീസ് വധശ്രമത്തിന് കേസെടുത്തിട്ടുണ്ട്. ആക്രമണത്തിന് പിന്നിൽ ആർഎസ്എസ് ആണെന്ന് സിപിഐഎം ആരോപിച്ചു. കൃത്യമായ ഗൂഢാലോചനയ്ക്ക് ശേഷമാണ് ദിനേശനെ ലക്ഷ്യം വെച്ചതെന്നും, കുറ്റവാളികളെ എത്രയും വേഗം നിയമത്തിന് മുന്നിൽ കൊണ്ടുവരണമെന്നും സിപിഐഎം പേരാമ്പ്ര കമ്മിറ്റി പ്രസ്താവനയിലൂടെ ആവശ്യപ്പെട്ടു. 

 Attempt to murder case filed against three RSS workers in attack on CPM worker in Perambra

ഫെയ്‌സ് ക്രീം മാറ്റിവെച്ചതിനെചൊല്ലി തര്‍ക്കം; അമ്മയെ കമ്പിപ്പാര കൊണ്ട് മര്‍ദിച്ച മകൾ അറസ്റ്റിൽ. #Kochi

 


കൊച്ചി:
 ഫെയ്‌സ് ക്രീം മാറ്റിവച്ചതിനു അമ്മയെ കമ്പിപ്പാര കൊണ്ട് മര്‍ദ്ദിച്ച മകള്‍ പിടിയില്‍. മകളുടെ മർദ്ദനത്തിൽ അമ്മ സരസു (70) യുടെ വാരിയെല്ല് ഒടിഞ്ഞു. സരസു ആശുപത്രിയിൽ ചികിത്സയിലാണ്.

തിങ്കളാഴ്ച വൈകുന്നേരമാണ് സംഭവം. കമ്പിപ്പാര കൊണ്ട് അടിച്ചതിനെ തുടർന്ന് സരസുവിന്റെ നിലവിളി കേട്ട നാട്ടുകാർ  രക്ഷപ്പെടുത്തി ആശുപത്രിയിലെത്തിച്ചു.  ഫെയ്‌സ് ക്രീം മാറ്റിവെച്ചത് ചോദ്യം ചെയ്ത് നിവ്യ, സരസുവിന്റെ കഴുത്തിന് കുത്തിപ്പിടിച്ച് കമ്പിപ്പാര കൊണ്ട് അടിക്കുകയായിരുന്നുവെന്ന് പൊലീസ് പറഞ്ഞു.


നിവ്യ ഒരു ക്രിമിനൽ കേസിലെ പ്രതിയാണെന്ന് പോലീസ് സൂചിപ്പിച്ചു. കുട്ടികളെ തട്ടിക്കൊണ്ടുപോകൽ കേസിലും കഞ്ചാവ് കേസിലും പ്രതിയാണ്. മുമ്പ് അമ്മയുമായി വഴക്കിട്ടിട്ടുണ്ട്. കമ്പിപ്പാര കൊണ്ട് അടിച്ചതിന് പോലീസ് കേസെടുത്തതായി അറിഞ്ഞതോടെ നിവ്യ ഒളിവിൽ പോയി. വയനാട് മാനന്തവാടിയിൽ നിന്ന് നിവ്യയെ പനങ്ങാട് പോലീസ് കസ്റ്റഡിയിലെടുത്തു.

 Daughter arrested for beating mother with a metal rod, breaking her ribs for putting away face cream.

കുന്നിക്കോടിനെ നടുക്കിയ കൊലപാതകശ്രമത്തിലെ പ്രതി പിടിയിൽ. #murder_attempt

 


മാരകായുധങ്ങൾ ഉപയോഗിച്ച് യുവാവിനെ കൊലപ്പെടുത്താൻ ശ്രമിച്ച കേസിൽ ഒരാൾ അറസ്റ്റിൽ. വിളക്കുടി ധർമ്മപുരി ആലിയാട്ട് മേലത്തിൽ നൗഷാദിന്റെ മകൻ സനൂപ് എന്നറിയപ്പെടുന്ന സനോജിനെ (36) കുന്നിക്കോട് പോലീസ് അറസ്റ്റ് ചെയ്തു. നിരവധി കേസുകളിൽ പ്രതിയാണ് സനോജ്.

യുവാവുമായുള്ള മുൻ തർക്കമാണ് പ്രതിയെ കൊലപാതക ശ്രമത്തിലേക്ക് നയിച്ചതെന്ന് അന്വേഷണത്തിൽ കണ്ടെത്തി. പ്രതിയുടെ വീടിനടുത്തുള്ള വിളക്കുടി ഗ്രാമത്തിലെ പാപരംകോട് റോഡിലൂടെ വീട്ടിലേക്ക് നടന്നു പോകുകയായിരുന്ന യുവാവിനെ, കൈവശം കരുതിയിരുന്ന മരക്കഷണം കൊണ്ട് തലയ്ക്ക് അടിക്കുകയായിരുന്നു. ഗുരുതരമായി പരിക്കേറ്റ യുവാവിനെ പുനലൂർ താലൂക്ക് ആശുപത്രിയിലും തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. യുവാവ് ഇപ്പോൾ ചികിത്സയിലാണ്.

കുന്നിക്കോട് എസ്ഐമാരായ സാബു, ഷാനവാസ്, സന്തോഷ് എസ്‌സിപിഒമാരായ ബിനു, ഷമീർ, അനിൽ കുമാർ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. സനോജിനെ റിമാൻഡ് കോടതിയിൽ ഹാജരാക്കി റിമാൻഡ് ചെയ്തു.

 Attack using deadly weapon; Suspect in attempted murder that shook Kunnikode arrested.

കോഴിക്കോട് പിതാവ് മകനെ കുത്തി പരിക്കേൽപ്പിച്ചു; പിതാവ് ഉൾപ്പെടെ രണ്ടുപേർ കസ്റ്റടിയില്‍. #Kozhikode


കോഴിക്കോട്:കോഴിക്കോട് പിതാവ് മകനെ കുത്തി പരിക്കേൽപ്പിച്ചു, പരിക്കേറ്റ മകനെ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ല. കോഴിക്കോട് മൂന്നാലിങ്കലിലാണ് സംഭവം.

പള്ളിക്കണ്ടി സ്വദേശിയായ യാസിൻ അറഫാത്തിനാണ് കുത്തേറ്റത്. സംഭവത്തിൽ യാസിന്റെ പിതാവ് അബൂബക്കർ സിദ്ദിഖ്, മറ്റൊരു മകൻ മുഹമ്മദ് ജാബിർ എന്നിവര്‍ 
കസ്റ്റഡിയിലായി. സംഭവത്തിൽ കേസെടുത്ത പോലീസ് ഇരുവരെയും കസ്റ്റഡിയിലെടുക്കുകയായിരുന്നു

അതേസമയം, മകൻ യാസിനെ ആക്രമിക്കാൻ ശ്രമിച്ചപ്പോൾ, അദ്ദേഹവും മകനും സ്വയം
 പ്രതിരോധിച്ചതാണെന്നാണ് മൊഴി. . മകൻ യാസിൻ തന്നെ നിരന്തരം ആക്രമിക്കാൻ ശ്രമിക്കുന്നുണ്ടെന്ന് പിതാവ് നേരത്തെ പോലീസിൽ പരാതി നൽകിയിരുന്നു.

Kozhikode Father stabs son to death, two people including father in custody

കണ്ണൂരിൽ സി പി ഐ എം പ്രവർത്തകനെ വധിക്കാൻ ശ്രമം; ആർ എസ് എസ് പ്രവര്‍ത്തകര്‍ പിടിയിൽ #Kannur


കണ്ണൂർ :
സി പി ഐ എം പ്രവർത്തകനെ വധിക്കാൻ ശ്രമിച്ച കേസിൽ  2 ആർ എസ് എസ്സുകാർ പിടിയിൽ. തെരഞ്ഞെടുപ്പ് തലേ ദിവസം രാത്രി കണ്ണൂർ ചിറ്റാരിപറമ്പ് ചുണ്ടയിൽ വെച്ച് മാരകായുധങ്ങളുമായി സി പി ഐ എം പ്രവർത്തകൻ കെ നിവേദിനെ വധിക്കാൻ ശ്രമിച്ച കേസിലാണ് രണ്ട് ആർ എസ് എസ് പ്രവർത്തകരെ കണ്ണവം പൊലീസ് അറസ്റ്റ്‌ ചെയ്തത്.

കൊലക്കേസ് ഉൾപ്പെടെ നിരവധി കേസിൽ പ്രതിയായ ചുണ്ടയിലെ റഷിൽ, രമിത്ത്, എന്നിവരെയാണ് അറസ്റ്റ് ചെയ്തത്. അക്രമത്തിൽ മാനന്തേരി 14ാം മൈലിലെ കെ. നിവേദിന് തലക്ക് ഗുരുതരമായി പരിക്കേറ്റിരുന്നു. റഷിലിനെ കാപ്പ നിയമ പ്രകാരം മുന്നേ നാടുകടത്തിയിരുന്നു.

Case of attempted murder of CPI(M) worker; RSS members arrested

 

ഭാര്യയോട് സംസാരിച്ചതിന് അയൽവാസിയായ യുവാവിനെ കുത്തിക്കൊല്ലാൻ ശ്രമിച്ചു; പ്രതി അറസ്റ്റിൽ #Kannur#Suspect_arrested


 കണ്ണൂർ
: വീട്ടിൽ ഭാര്യ അയല്‍വാസിയോട് സംസാരിച്ചതിൽ പ്രതിഷേധിച്ച് യുവാവിനെ നെഞ്ചിൽ കത്തികൊണ്ട് കുത്താൻ ശ്രമിച്ച ഭർത്താവിനെ അറസ്റ്റ് ചെയ്തു. മാതമംഗലത്തെ ഇഷ്ടിക ചൂളയിൽ ജോലി ചെയ്യുന്ന കണ്ണൂർ പാറക്കണ്ടിയിലെ സലാം ക്വാർട്ടേഴ്‌സിൽ താമസിക്കുന്ന ഉത്തർപ്രദേശ് സ്വദേശിയായ രാകേഷ് കുമാറിനെ (27) ടൗൺ സ്റ്റേഷൻ ഇൻസ്‌പെക്ടർ പി എ ബിനു മോഹൻ അറസ്റ്റ് ചെയ്തു.

സലാം ക്വാർട്ടേഴ്‌സിൽ ഇന്നലെ ഉച്ചയ്ക്ക് 2.30 ഓടെയാണ് സംഭവം. അടുത്ത ക്വാർട്ടേഴ്‌സിൽ താമസിക്കുന്ന അസംബർപേട്ടിലെ കടജഹർപാദർ സ്വദേശിയായ അസറുദ്ദീൻ മണ്ഡലിനെ (32) ഭാര്യയോട് സംസാരിച്ചതിന് ശേഷം പ്രതി പച്ചക്കറി മുറിക്കുന്ന കത്തി ഉപയോഗിച്ച് നെഞ്ചിൽ കുത്തി. കുത്തേറ്റ യുവാവിനെ ഉടൻ കണ്ണൂരിലെ ആശുപത്രിയിൽ പ്രവേശിപ്പിച്ചെങ്കിലും രക്തസ്രാവം മൂലം കോഴിക്കോട് മെഡിക്കൽ കോളേജിലെ തീവ്രപരിചരണ വിഭാഗത്തിലേക്ക് മാറ്റി. ആശുപത്രിയിലെത്തിയ ടൗൺ പോലീസ് ചികിത്സയിലായിരുന്ന യുവാവിന്റെ മൊഴി രേഖപ്പെടുത്തി, കൊലപാതകശ്രമത്തിന് കേസെടുത്ത് പ്രതിയെ കസ്റ്റഡിയിലെടുത്തു.

ചെങ്കൽ പണയിലെ ജോലിക്കിടെ പ്രതി മാതമംഗലത്തെ പ്ലൈവുഡ് കമ്പനിയിലെ ജീവനക്കാരിയും മറ്റൊരാളുടെ ഭാര്യയുമായ ഇതര സംസ്ഥാനക്കാരിയായ 38 കാരിയുമായി സൗഹൃദത്തിലാകുകയും പിന്നീട് ഇരുവരും കണ്ണൂരിലെ ക്വാട്ടേർസിൽ ഒരുമിച്ചു ജീവിച്ചു വരുന്നതിനിടെയാണ് സംഭവം. യുവതി പുതിയ ബന്ധത്തിൽ ഗർഭിണിയുമാണ്.

 Attempted stabbing to death of young man for talking to his neighbor's wife; Suspect arrested.

ഏറ്റവും പുതിയ വാര്‍ത്തകള്‍, ജോലി ഒഴിവുകള്‍, ഷോപ്പിംഗ്‌ ഓഫറുകള്‍ എന്നിവ അറിയുവാന്‍ വാട്ട്സ്ആപ്പ് ഗ്രൂപ്പില്‍ ജോയിന്‍ ചെയ്യുക 👉🏽 JOIN WHATSAPP
MALAYORAM NEWS is licensed under CC BY 4.0