• എൻ.സി.ഇ.ആർ.ടി ഇംഗ്ലീഷ് മീഡിയം പാഠപുസ്തകങ്ങള്‍ക്ക് ഹിന്ദി തലക്കെട്ടുകള്‍ നല്‍കാനുള്ള
തീരുമാനം ഗുരുതരമായ യുക്തിരാഹിത്യമാണെന്ന് പൊതു വിദ്യാഭ്യാസ മന്ത്രി വി
ശിവന്‍കുട്ടി.
• ഗുജറാത്തില്‍ 1,800 കോടിയുടെ മയക്കുമരുന്ന് പിടികൂടി. 300 കിലോയോളം വരുന്ന
മെത്തഫെറ്റമിനാണ് പിടികൂടിയത്. കോസ്റ്റ് ഗാര്‍ഡ് ആണ് ലഹരി വസ്തുക്കള്‍
പിടിച്ചെടുത്തത്.
• സമഗ്ര ശിക്ഷ പദ്ധതി പ്രകാരം ലഭിക്കേണ്ട കേന്ദ്രവിഹിതം തടഞ്ഞു വച്ചതിനെതിരെ
തമിഴ്‌നാട് സര്‍ക്കാര്‍ സുപ്രീംകോടതിയെ സമീപിക്കുന്നു. 2152 കോടി രൂപയാണ്
കേന്ദ്രവിഹിതം ലഭിക്കാനുള്ളത്.
• ലക്നൗവിൽ ആശുപത്രിയിൽ വൻ തീപിടിത്തം.
ഇരുന്നൂറോളം രോഗികളെയും കൂട്ടിരിപ്പുകാരെയും ഒഴിപ്പിച്ചു. ലക്നൗവിലെ ലോക്
ബന്ധു ആശുപത്രിയിലാണ് തിങ്കൾ രാത്രിയോടെ തീപിടിത്തമുണ്ടായത്.
• 2024 ഒക്ടോബർ ആയപ്പോഴേക്കും
ജപ്പാനിലെ ജനസംഖ്യ 12 കോടിയായി കുറഞ്ഞുവെന്ന് ഔദ്യോഗിക കണക്കുകൾ. മുൻ
വർഷത്തെ അപേക്ഷിച്ച് 898,000 ആളുകളുടെ കുറവാണ്‌ സൂചിപ്പിക്കുന്നത്‌.
ലോകത്തിൽ ഏറ്റവും കുറവ്‌ ജനനനിരക്കുള്ള രാജ്യങ്ങളിൽ ഒന്നാണ്‌ ജപ്പാൻ.
• കണ്ണൂര്‍ മുന്‍എഡിഎം നവീന്‍ബാബുവിന്റെ മരണം സിബിഐ
അന്വേഷിക്കണമെന്നാവശ്യപ്പെട്ട് ഭാര്യ മ‍ഞ്ജുഷ സുപ്രീംകോടതിയെ സമീപിച്ചു.
ഇപ്പോള്‍ നടക്കുന്ന അന്വേഷണത്തില്‍ വിശ്വാസമില്ലെന്ന് സുപ്രീംകോടതിയില്‍
ഫയല്‍ ചെയ്ത ഹര്‍ജിയില്‍ മ‍ഞ്ജുഷ ചൂണ്ടിക്കാട്ടിയിട്ടുണ്ട്.
• ഐപിഎല്ലിൽ ലക്നൗ സൂപ്പര്‍ ജയന്റ്സിനെതിരെ മിന്നും വിജയവുമായി ചെന്നൈ
സൂപ്പര്‍ കിങ്സ്. ലക്നൗ സൂപ്പർ ജയന്റ്സിനെ അഞ്ച് വിക്കറ്റിന് തോൽപ്പിച്ചു.
167 റൺസ് വിജയലക്ഷ്യം ചെന്നൈ 19.3 ഓവറിൽ മറികടന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.