• കെഎസ്ആർടിസിക്ക് സർക്കാർ സഹായമായി 102.62 കോടി രൂപകൂടി അനുവദിച്ചു. ധനകാര്യ
വകുപ്പ് മന്ത്രി കെ എൻ ബാലഗോപാൽ ആണ് ഇക്കാര്യം അറിയിച്ചത്.
• അതിഥി തൊഴിലാളികളുടെ വാസസ്ഥലം സന്ദര്‍ശിച്ച് മുഴുവന്‍ കുട്ടികളുടെയും
സ്‌കൂള്‍ പ്രവേശനം ഉറപ്പാക്കാന്‍ പ്രത്യേക ക്യാമ്പയിന്‍ നടത്തുമെന്ന്
മുഖ്യമന്ത്രി പിണറായി വിജയൻ.
• ഷഹബാസ് കൊലപാതക കേസിൽ പ്രതികളുടെ ജാമ്യാപേക്ഷയിൽ വിധി പറയുന്നത് ഈ മാസം
പതിനൊന്നിലേക്ക് മാറ്റി. കസ്റ്റഡിയിൽ കഴിയുന്ന വിദ്യാർത്ഥികൾക്ക്
നിയമത്തിൻ്റെ ആനുകൂല്യം നൽകരുതെന്ന് ഷഹബാസിൻ്റെ അഭിഭാഷകൻ.
• നിയമസഭ പാസാക്കിയ ബില്ലുകൾ അനിശ്ചിതമായി തടഞ്ഞു വയ്ക്കുന്ന ഗവർണർമാരുടെ
നടപടിക്ക് പൂർണ്ണമായും തടയിട്ട് സുപ്രീംകോടതി. ബില്ലുകളിൽ മൂന്നുമാസത്തിനകം
ഗവർണർ തീരുമാനമെടുക്കണം. ബില്ലുകളിൽ തീരുമാനം വൈകിപ്പിക്കാൻ ഗവർണർക്ക്
വിവേചന അധികാരമില്ലെന്നും സുപ്രീംകോടതി.
• ചെെനയിൽനിന്നുള്ള ചില ഉത്പന്നങ്ങൾക്ക്
അമേരിക്ക ഏർപ്പെടുത്തുന്ന 104 ശതമാനം അധികച്ചുങ്കം ബുധൻ മുതൽ
പ്രാബല്യത്തിൽവരുമെന്ന് വെെറ്റ് ഹൗസ് പ്രസ് സെക്രട്ടറി കരോലിൻ ലിവിറ്റ്
അറിയിച്ചു.
• കേരള സർവകലാശാല എംബിഎ മൂന്നാം
സെമസ്റ്റർ പ്രോജക്ട്‌ ഫിനാൻസ്‌ പരീക്ഷയുടെ ഉത്തരക്കടലാസുകൾ നഷ്ടപ്പെട്ട
സംഭവത്തിൽ അധ്യാപകനെ ജോലിയിൽനിന്ന് പിരിച്ചുവിടാൻ ശുപാർശ.
• സൗദി അറേബ്യ, ഒമാൻ എന്നീ ഗൾഫ്
രാജ്യങ്ങളുമായി കുവൈത്തിനെ ബന്ധിപ്പിക്കുന്ന റെയിൽവെ ശൃംഖലയുടെ ആദ്യഘട്ട
വികസനത്തിനുള്ള കരാറിൽ കുവൈത്ത് ഒപ്പുവച്ചു.
• മുനമ്പം നിവാസികള്‍ക്ക് എല്ലാ റവന്യൂ അവകാശങ്ങളും നല്‍കണമെന്നാണ്
എല്‍ഡിഎഫ് സര്‍ക്കാരിന്റെ നിലപാടെന്ന് മന്ത്രി കെ രാജന്‍
അഭിപ്രായപ്പെട്ടു.മുനമ്പം കമ്മീഷൻ റിപ്പോർട്ട് വരുന്നതോടുകൂടി പ്രശ്നങ്ങൾ
പൂർണമായും പരിഹരിക്കുമെന്നും മന്ത്രി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.