• ബിഹാര് വോട്ടര് പട്ടിക പരിഷ്കരണവും ഉപരാഷ്ട്രപതി തെരഞ്ഞെടുപ്പും
വോട്ടര് പട്ടികയിലെ ക്രമക്കേടും ഉയര്ത്തി ബിജെപിക്കെതിരെ ശക്തമായ
പ്രതിഷേധത്തിന് ഒരുങ്ങി ഇന്ത്യാസഖ്യം.
• സർക്കാരിന്റെ കരുതലിൽ അടച്ചുറപ്പുള്ള ഭവനം സ്വന്തമാക്കി മൽസ്യത്തൊഴിലാളികൾ.
തിരുവനന്തപുരം മുട്ടത്തറയില് പുനര്ഗേഹം പദ്ധതി വഴി
മൽസ്യത്തൊഴിലാളികൾക്കായി നിര്മ്മിച്ച ഫ്ലാറ്റ് സമുച്ചയത്തിന്റെ താക്കോൽ
ദാനം മുഖ്യമന്ത്രി നിർവഹിച്ചു.
• സംസ്ഥാനത്ത് ഒറ്റപ്പെട്ടയിടങ്ങളിൽ മഴ തുടരുമെന്ന് കേന്ദ്ര കാലാവസ്ഥ
വകുപ്പിന്റെ മുന്നറിയിപ്പ്. ഇന്ന് ആറ് ജില്ലകളിൽ മഞ്ഞ അലർട്ട്
പ്രഖ്യാപിച്ചിട്ടുണ്ട്.
• കുവൈത്തിൽ കുടുംബ സന്ദർശന വിസയ്ക്ക് പുതിയ ചട്ടങ്ങൾ പ്രാബല്യത്തിൽ
വന്നു. പുതുക്കിയ വിസാ ചട്ടങ്ങൾ പ്രകാരം, മൾട്ടിപ്പിൾ എൻട്രി സംവിധാനവും
ഉൾപ്പെടുത്തി കൂടുതൽ സൗകര്യങ്ങളോടെയാണ് പുതിയ സംവിധാനം നിലവിൽ വന്നത്.
• ഇന്ത്യന് ഉത്പന്നങ്ങള്ക്ക് 25 ശതമാനം അധിക നികുതി ചുമത്തിയ അമേരിക്കന്
നടപടിക്ക് മുന്നില് കീഴടങ്ങില്ലെന്ന് പ്രധാനമന്ത്രി നരേന്ദ്രമോഡി.
• രജിസ്ട്രാറുടെ ചുമതല നിര്വ്വഹണം വി സി തടസപ്പെടുത്തുന്നുവെന്ന്
ചൂണ്ടിക്കാട്ടി കേരള സര്വകലാശാല രജിസ്ട്രാര് ഡോ കെ എസ് അനില്കുമാര്
സമര്പ്പിച്ച ഹര്ജി ഹൈക്കോടതി ഇന്ന് വീണ്ടും പരിഗണിക്കും.
• അമേരിക്കയില് സൈനിക കേന്ദ്രത്തിലുണ്ടായ വെടിവെയ്പ്പില് അഞ്ച്
സൈനികര്ക്ക് പരിക്ക്. സൈന്യത്തിലെ തന്നെ ഉയര്ന്ന റാങ്കുള്ള 28കാരനായ
കോര്ണേലിയസ് റഡ്ഫോര്ഡ് ആണ് ആക്രമണത്തിന് പിന്നില്.
• ചൊക്രമുടി കയ്യേറ്റത്തിൽ വീണ്ടും റവന്യു വകുപ്പിന്റെ നടപടി. ഒരു അനധികൃത
പട്ടയം കൂടി ദേവികുളം സബ് കളക്ടര് റദ്ദ് ചെയ്തു. ചൊക്രമുടിയുടെ
തുടക്കത്തില് വിന്റര് ഗാര്ഡന് റിസോര്ട്ട് സ്ഥിതി ചെയ്യുന്ന ഭൂമിയുടെ
പട്ടയമാണ് റദ്ദാക്കിയത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.