• ധര്‍മസ്ഥലയില്‍ മാധ്യമപ്രവര്‍ത്തകര്‍ക്ക് നേരെ ആക്രമണം. വാര്‍ത്താ
ചിത്രീകരണത്തിനിടെ മാധ്യമപ്രവര്‍ത്തകരെ കൈയേറ്റം ചെയ്യുകയായിരുന്നു.
• സംസ്ഥാന സര്‍ക്കാര്‍ ജീവനക്കാരുടെയും പെന്‍ഷന്‍കാരുടെയും മെഡിക്കല്‍
ഇന്‍ഷുറന്‍സ് പദ്ധതിയുടെ (മെഡിസെപ്) രണ്ടാം ഘട്ടത്തിന്
മന്ത്രിസഭായോഗത്തിന്റെ അംഗീകാരം. ഇതോടെ രണ്ടാംഘട്ടത്തില്‍ അടിസ്ഥാന
ഇന്‍ഷ്വറന്‍സ് പരിരക്ഷ 3 ലക്ഷത്തില്‍ നിന്നും 5 ലക്ഷമായി ഉയരും.
• കേരള തീരത്തെ ആ‍ഴക്കടൽ ഖനനം സ്വകാര്യ മേഖലയ്ക്കു നൽകും മുമ്പ് കൂടിയാലോചനകൾ നടത്തില്ലെന്ന് കേന്ദ്ര സർക്കാർ.
• ഉത്തരാഖണ്ഡിലെ മിന്നൽപ്രളയത്തിൽ രക്ഷാപ്രവര്‍ത്തനം ദുഷ്‍കരം. റോഡും
പാലങ്ങളും ഒന്നാകെ തകർന്നതിനാൽ ധരാലി ഗ്രാമത്തിൽ രക്ഷാപ്രവർത്തനം പൂർണതോതിൽ
തുടങ്ങാനായില്ല.
• തദ്ദേശസ്ഥാപനങ്ങളുമായി ബന്ധപ്പെട്ട സേവനങ്ങൾക്ക്‌ അക്ഷയകേന്ദ്രം ഈടാക്കുന്ന സേവനത്തുക ഏകീകരിച്ചു.
• കേരള സർവകലാശാല സിൻഡിക്കറ്റ് എടുക്കുന്ന തീരുമാനങ്ങൾ നടപ്പാക്കുന്ന
ചുമതലയല്ലേ വെെസ് ചാൻസലർക്കുള്ളതെന്നും രജിസ്ട്രാറുടെ സസ്പെൻഷൻ
സിൻഡിക്കറ്റ് റദ്ദാക്കിയ നടപടി അംഗീകരിക്കുന്നതിൽ വിസിക്ക്‌
വിരോധമെന്താണെന്നും ഹൈക്കോടതി.
• പ്രത്യേക പുനഃപരിശോധനയിൽ ബിഹാറിലെ വോട്ടർപ്പട്ടികയിൽനിന്ന്‌ 65 ലക്ഷം
പേർ എങ്ങനെ പുറത്തായെന്ന്‌ കേന്ദ്ര തെരഞ്ഞെടുപ്പ്‌ കമീഷൻ ശനിയാഴ്ചക്കകം
വിശദീകരിക്കണമെന്ന്‌ സുപ്രീംകോടതി.
• പുത്തുമല ഉരുൾദുരന്തിന് ഇന്ന് ആറാണ്ട്. 2019 ആഗസ്‌ത്‌
എട്ടിന് പച്ചക്കാട്‌ പൊട്ടിയൊഴുകി പുത്തുമല ഇല്ലാതായി. 17 മനുഷ്യജീവൻ
പൊലിഞ്ഞു. 18 ദിവസം നീണ്ട തിരച്ചിലിൽ 12 മൃതദേഹം കണ്ടെടുത്തു. അഞ്ചുപേരെ കാണാതായി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.