• ഉത്തരാഖണ്ഡിലെ ഉത്തരകാശി ജില്ലയിലുണ്ടായ മേഘവിസ്ഫോടനത്തിലും മിന്നൽ
പ്രളയത്തിലും വൻനാശം. ധാരാലിയ ഗ്രാമത്തിന്റെ ഭൂരിഭാഗവും ഒലിച്ചുപോയി.
നിരവധിപ്പേർ കുടുങ്ങി. 11 സൈനികരടക്കം 60ലേറെ പേരെ കാണാതായെന്ന്‌ ദേശീയ
ദുരന്ത നിവാരണ ഏജൻസി അറിയിച്ചു.
• ഉത്തരകാശിലെ ധരാലിയിലുണ്ടായ മേഘ വിസ്ഫോടനത്തിൽ രക്ഷാപ്രവർത്തനം
പുരോഗമിക്കുന്നു. സംസ്ഥാന -ദേശീയ ദുരന്ത നിവാരണ സേനയുടെയും കരസേനയുടെയും
നേതൃത്വത്തിൽ വിവിധ സംഘങ്ങളായാണ് തിരച്ചിൽ പുരോഗമിക്കുന്നത്.
• തീരദേശ ജനതയുടെ സുരക്ഷിത പുനരധിവാസം ലക്ഷ്യംവെച്ചുള്ള പുനര്‍ഗേഹം പദ്ധതി
വഴി നാളിതുവരെ 5,361 കുടുംബങ്ങള്‍ക്ക് സുരക്ഷിത ഭവനമൊരുക്കാന്‍ സാധിച്ചതായി
മുഖ്യമന്ത്രി പിണറായി വിജയൻ അറിയിച്ചു.
• സംസ്ഥാനത്ത് ഇന്നും അതിതീവ്ര മഴ തുടരുമെന്ന് കേന്ദ്ര കാലാവസ്ഥ വകുപ്പ്.
രണ്ട് ജില്ലകളിൽ റെഡ് അലർട്ടും മൂന്ന് ജില്ലകളിൽ ഓറഞ്ച് അലർട്ടും നാല്
ജില്ലകളിൽ യെല്ലോ അലർട്ടും പ്രഖ്യാപിച്ചു. കണ്ണൂർ, കാസർഗോഡ് ജില്ലകളിലാണ്
റെഡ് അലർട്ട്.
• മഴകനത്തതോടെ സംസ്ഥാനത്തെ അണക്കെട്ടുകളിൽ ജലനിരപ്പ്‌ ഉയരുന്നു.
കെഎസ്‌ഇബിയുടെ കക്കി, മൂഴിയാർ, മാട്ടുപ്പെട്ടി, കല്ലാർകുട്ടി, ലോവർ പെരിയാർ, ഷോളയാർ,
പെരിങ്ങൽകുത്ത്‌, ബാണാസുര സാഗർ അണക്കെട്ടുകളിൽ റെഡ്
അലർട്ട് നൽകി.
• കേസ് ഒതുക്കാൻ കൊല്ലത്തെ കശുവണ്ടി വ്യവസായിയിൽനിന്ന് ഇഡി ഏജന്റുമാർ
കൈക്കൂലി വാങ്ങിയ കേസിലെ ഒന്നാംപ്രതി എൻഫോഴ്‌സ്‌മെന്റ്‌ ഡയറക്ടറേറ്റ്‌
അസിസ്റ്റന്റ്‌ ഡയറക്ടർ ശേഖർകുമാർ ഓഹരികൾ കൂടുതലായും വാങ്ങിക്കൂട്ടിയത്
അച്ഛന്റെയും ഭാര്യയുടെയും പേരിൽ.
• റഷ്യയ്ക്കു സമീപം ആണവ മുങ്ങിക്കപ്പലുകൾ വിന്യസിക്കാൻ അമേരിക്കൻ
പ്രസിഡന്റ് ഡോണൾഡ് ട്രംപ് ഉത്തരവിട്ടതിന്‌ പിന്നാലെ അമേരിക്കയുമായുള്ള ആണവ
ഉടമ്പടിയിൽനിന്ന്‌ പിൻമാറി റഷ്യ. 1987ൽ യുഎസുമായി ഒപ്പുവച്ച ഇന്റർമീഡിയറ്റ്
റേഞ്ച് ന്യൂക്ലിയർ ഫോഴ്സസ് (ഐഎൻഎഫ്) കരാറിൽനിന്നാണ്‌ റഷ്യ പിൻമാറിയത്‌.
• 17000 കോടി രൂപയുടെ ബാങ്ക് വായ്പാ തട്ടിപ്പുമായി ബന്ധപ്പെട്ട കള്ളപ്പണം
വെളുപ്പിക്കല്‍ കേസില്‍ ചോദ്യം ചെയ്യലിനായി റിലയന്‍സ് ഗ്രൂപ്പ്
ചെയര്‍മാന്‍ അനില്‍ അംബാനി എന്‍ഫോഴ്സ്മെന്റ് ഡയറക്ടറേറ്റിന്
മുന്നില്‍ ഹാജിരായി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.