• നടനും പ്രേംനസീറിന്റെ മകനുമായ ഷാനവാസ് അന്തരിച്ചു. രാത്രി 11.50ഓടെ തിരുവനന്തപുരത്തെ സ്വകാര്യ ആശുപത്രിയിൽ ആയിരുന്നു അന്ത്യം.
• സംസ്ഥാനത്തെ എല്പി-യുപി, ഹൈസ്ക്കൂള് പാദവാര്ഷിക പരീക്ഷ തീയതി
പ്രസിദ്ധീകരിച്ചു. ഓഗസ്റ്റ് 18 മുതല് 26 വരെയാണ് ഈ വര്ഷത്തെ ഓണപ്പരീക്ഷ
നടക്കുക.
• സംസ്ഥാന സര്ക്കാര് ആവിഷ്കരിച്ച പുനര്ഗേഹം പദ്ധതിയില് മറ്റൊരു
അഭിമാനകരമായ മുന്നേറ്റം കൂടി സാധ്യമായിരിക്കുന്നുവെന്ന് മുഖ്യമന്ത്രി
പിണറായി വിജയൻ. പുനര്ഗേഹത്തിന്റെ ഭാഗമായി മുട്ടത്തറയില് നിര്മിച്ച ഭവന
സമുച്ചയം ഈ മാസം ഏഴിന് ഗുണഭോക്താക്കള്ക്ക് കൈമാറുമെന്നും അദ്ദേഹം
അറിയിച്ചു.
• അവസാന നിമിഷം വരെ ആവേശം മുറ്റിനിന്ന ഓവല് ടെസ്റ്റില് ഇന്ത്യക്ക് നാടകീയ
ജയം. ആറ് റൺസിനാണ് ഇന്ത്യൻ ജയം. ഇതോടെ ആൻഡേഴ്സൺ- ടെണ്ടുൽക്കർ ട്രോഫി ടെസ്റ്റ് പരമ്പര
സമനിലയിലായി.
• ധർമസ്ഥലയിൽ പൊലീസിന്റെ ഗുരുതരവീഴ്ച. ധർമസ്ഥല കേസിൽ നിർണായകമായേക്കാവുന്ന
വിവരങ്ങളടങ്ങിയ ഫയലുകൾ പൊലീസ് നശിപ്പിച്ചതായി വിവരം. 2000 മുതൽ 2015
വരെയുള്ള അസ്വാഭാവിക മരണങ്ങളുടെ രേഖകളാണ് നശിപ്പിച്ചത്.
• യൂത്ത് ലീഗ് നേതാവ് പി കെ ഫിറോസിന്റെ സഹോദരൻ പി കെ ബുജൈർ സ്ഥിരം
മയക്കുമരുന്ന് ഉപയോഗിക്കുന്ന വ്യക്തിയാണെന്ന് പൊലീസ്. മയക്കുമരുന്ന് കേസിൽ
പിടിയിലായ റിയാസുമായി പലതവണ ഇയാൾ ഇടപാട് നടത്തിയിരുന്നതായി ബുജൈർ
പൊലീസിനോട് സമ്മതിച്ചു.
• എ പി ജെ അബ്ദുൾ കലാം സാങ്കേതിക
സർവകലാശാലയിൽ ബി ടെക് വിദ്യാർഥികളുടെ ഇയർ ഔട്ട് വ്യവസ്ഥയിൽ ഇളവ് വരുത്തി.
ഒരുവർഷത്തേക്ക് ഇയർഔട്ട് ഒഴിവാക്കുമെന്ന് അറിയിച്ചുള്ള ഉത്തരവ് സർവകലാശാല
പുറത്തിറക്കി. വിദ്യാർഥി സംഘടനകളുടെ ആവശ്യത്തെ തുടർന്നാണ് തീരുമാനം.
• സിനിമ കോൺക്ലേവ് വേദിയിലെ പരാമർശത്തിൽ അടൂർ ഗോപാലകൃഷ്ണനെതിരെ പരാതി.
മ്യൂസിയം പൊലീസ് സ്റ്റേഷനിലും പട്ടികജാതി പട്ടികവർഗ്ഗ കമ്മീഷനിലുമാണ് പരാതി
നൽകിയത്. പൊതുപ്രവർത്തകൻ ദിനു വെയിൽ ആണ് പരാതി നൽകിയത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.