• സംസ്ഥാനത്ത് വീണ്ടും നിപ മരണം. കോഴിക്കോട് ആശുപത്രിയിൽ മരിച്ച മലപ്പുറം
മങ്കട സ്വദേശിനിക്ക് നിപ സ്ഥിരീകരിച്ചു. കേരളത്തിൽ നടത്തിയ പ്രാഥമിക
പരിശോധനയിലും പുണെ വൈറോളജി ലാബിൽ നടത്തിയ പരിശോധനയിലും രോഗബാധ
സ്ഥിരീകരിച്ചു.
• കോട്ടയം മെഡിക്കല്‍ കോളേജിൽ ഉണ്ടായത് പോലുള്ള ദൗര്‍ഭാഗ്യകരവും
വേദനാജനകവുമായ അപകടങ്ങള്‍ ആവര്‍ത്തിക്കാതിരിക്കാനുള്ള എല്ലാ മുന്‍കരുതലും
സര്‍ക്കാര്‍ ശക്തിപ്പെടുത്തുമെന്ന് മുഖ്യമന്ത്രി പിണറായി വിജയൻ.
• മൂന്നു മാസത്തിനകം കുറഞ്ഞത്‌ ലക്ഷം സ്‌ത്രീകൾക്ക്‌ തൊഴിൽ ലഭ്യമാക്കാൻ
പ്രത്യേക ക്യാമ്പയിനുമായി കുടുംബശ്രീ. വിജ്ഞാന കേരളം പരിപാടിയുടെ
ഭാഗമായാണ്‌ നൈപുണ്യ പരിശീലനത്തിലൂടെ തൊഴിൽ സന്നദ്ധരായ സ്‌ത്രീകൾക്ക്‌ ജോലി
നൽകുക.
• വ്യവസായ വകുപ്പ് ഫെബ്രുവരിയിൽ സംഘടിപ്പിച്ച ഇൻവെസ്റ്റ് കേരള ആഗോള
നിക്ഷേപക ഉച്ചകോടിയിൽ താൽപര്യപത്രം ഒപ്പുവച്ചവയിൽ 31,429.15 കോടി രൂപയുടെ
പദ്ധതികൾക്ക്‌ തുടക്കമായി. 86 പദ്ധതികളുടെ നിർമാണമാണ്‌ ആരംഭിച്ചത്‌. ഇതുവഴി
40,439 പേർക്ക്‌ തൊഴിൽ ലഭിക്കും.
• വോട്ടർപ്പട്ടിക പുനഃപരിശോധനയ്‌ക്കിടെ വ്യക്തിയുടെ പൗരത്വത്തിൽ സംശയം
തോന്നിയാൽ നടപടികളിലേക്ക്‌ കടക്കാനും തെരഞ്ഞെടുപ്പ്‌ കമീഷൻ
ഉദ്യോഗസ്ഥർക്ക്‌ അധികാരം.
• സംസ്ഥാനത്തെ മുൻകാല ദുരന്തങ്ങളിൽ സൈന്യം നടത്തിയ സേവനത്തിന്
ഹെലികോപ്‌റ്റർ വാടകയടക്കം സർക്കാർ നൽകേണ്ട തുക മുണ്ടക്കൈ പുനരധിവാസത്തിന്‌
വിനിയോഗിക്കാമെന്ന് ഹൈക്കോടതി.
• കേരള സര്‍വകലാശാല രജിസ്ട്രാറെ സസ്പെന്റ് ചെയ്ത നടപടിയില്‍ അടിയന്തര സ്റ്റേ അനുവദിക്കാതെ ഹൈക്കോടതി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.