• കനത്ത മഴ തുടരുന്ന പശ്ചാത്തലത്തില്‍ കോട്ടയം, ഇടുക്കി, എറണാകുളം, തൃശൂര്‍,
വയനാട്, പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് ജില്ലാ
കലക്ടര്‍മാര്‍ അവധി പ്രഖ്യാപിച്ചു.
• ജമ്മു കശ്മീരില്‍ ഉണ്ടായ മേഘവിസ്ഫോടനത്തില്‍ രണ്ട് കുട്ടികള്‍ ഉള്‍പ്പെടെ
മൂന്ന് പേര്‍ മരിച്ചു. ഒഴുക്കില്‍പ്പെട്ട നാല് പേരെ രക്ഷപ്പെടുത്തി. രജൗരി ,
കത്വ , ദോഡ എന്നിവിടങ്ങളിലാണ് മേഘവിസ്ഫോടനം.
• ഹിമാചല്‍ പ്രദേശില്‍ മിന്നല്‍ പ്രളയത്തില്‍ രണ്ടുപേര്‍ മരിച്ചു. നിരവധി
പേരെ കാണാതായി. പ്രളയത്തില്‍ നിരവധി വീടുകളും റോഡുകളും പാലങ്ങളും
ഒലിച്ചുപോയി. പ്രദേശത്ത് രക്ഷാപ്രവര്‍ത്തനം ഇപ്പോഴും
തുടരുകയാണ്.
• ബഹിരാകാശ ഗവേഷണരംഗത്ത്‌ പുതുചരിത്രം രചിച്ച്‌ ആദ്യമായി ഒരു
ഇന്ത്യാക്കാരൻ അന്താരാഷ്‌ട്ര ബഹിരാകാശനിലയത്തിൽ. ശുഭാംശു ശുക്ലയും സംഘവും വ്യാഴം വൈകിട്ട്‌ 5.54നാണ്‌ നിലയത്തിൽ
പ്രവേശിച്ചത്‌.
• ജനാധിപത്യ സംവിധാനത്തിൽ പരമോന്നതം ഭരണഘടനയാണെന്നും പാർലമെന്റല്ലെന്നും ചീഫ്‌ ജസ്റ്റിസ്‌ ബി ആർ ഗവായ്‌.
• പുറംകടലിൽ തീപിടിച്ച ‘വാൻഹായ്‌ 503’ കപ്പലിലെ വോയേജ്‌ ഡാറ്റാ
റെക്കോഡറിന്റെ (വിഡിആർ) പ്രാഥമിക പരിശോധന പൂർത്തിയായി. തീപിടിച്ചതുമുതൽ
ജീവനക്കാർ രക്ഷപ്പെട്ടതുവരെയുള്ള വിവരങ്ങൾ ലഭിച്ചു.
• മുല്ലപ്പെരിയാർ അണക്കെട്ടിലെ ജലനിരപ്പ് 134.40 അടി പിന്നിട്ട സാഹചര്യത്തിൽ ഡാമിന്റെ സ്പിൽവേ ഷട്ടറുകൾ ഇന്ന് തുറന്നേക്കും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.